2 KORINTUS 4:4 - PERJANJIAN BARU NALCA YUBA

⁴ Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

2 KORINTUS 4:4 Խաչաձեւ Հղումներ

YOHANES 12:40

”Dara, heng adya pe eibijek, ganya adya pe seiniweijek aboka, Imik Neyung adya sikja henga luma neneiyisuk, onoʾ ganya su kiyiwousuk. Sikda pe eiyiboka pe seiniwoka ganya dangaweijekanya, meiriyiweisinyek aboka umsa,” alamla.

2 KORINTUS 3:14

Israeli nim era, sikja ganya seleb ong ibsuk. Dara onoʾ wenebabya, sikda youmaʾ wenyaldanaʾ yuba anam einilimak salek eneba, hogung goulunaʾ anaso anam sikja ganya ak ulusil. Kristus pik uboka adya ok, ban goulunaʾ era gloklamla.

RASUL 26:18

Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.

1 YOHANES 5:19

Soko me nidyaʾ ara bisaʾ adyok salawoka bo ulumla bok, nuk dara, Imik Neyung alja mab ulumabaʾ anyek hnonok ella ulumab.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

EPESUS 2:2

Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

EPESUS 6:12

Nunda nimi sirikaʾ ab mala weboka oldanggulumab bok, alda imik garan denaʾ ak sam wenewoka bo usinaʾ ab, senenggom unaʾ ab, wen gunaʾ ulumla sokok an bisaʾ dub unaʾ ab, gobdo malya ulumak yu bisaʾ unaʾ ab, oldalamab.

YOHANES 12:31

Wera, sokok an yana lelewanamla salek era, seleb yalaʾ anasa, sikja dubnya bera eleboka boboganamla.

YOHANES 8:12

Dara onoʾ, Yesus ara nim ek yuba lelesuk dara, lelesukja, ”Nara sokok an dilinaʾ ulumna e. Anasa, nak diriga yalanelnya bera, alda embengaʾ dilinaʾ ak sam ulmorulumnamla,” hyok.

YOHANES 12:35

Dara, Yesus adya sikenek, ”Mek anam ok dilinaʾ ara ugun gangganek ulumnamla. Anasa, gunaʾ adya ugunuk anam siklewanggusil salek, dilinaʾ or ulumla wenyek, or yabalalulum. Heknedya gunaʾ ak or anam yabalelanya bera, pik okoka binimnaʾ ara elgom ulumla.

YOHANES 14:30

Sokok an dubnya bera, yanggan sum oka dalaʾ anasa, nara ugunublaboka nauba sabdanggunumab. Alda nablabokonya gomaʾ.

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

KOLOSE 1:27

Dara, Imik Neyung ara, yok-yok mok soko nimi nidyaʾ ak, alja mab ak ban gunuwoka doknomokaʾ ara, har so dub uboka, senenggomaʾ ulumlaʾ anyek amalesil. Dara, gunuwoka doknonaʾ ara ban: Kristus ara ugun lomok ulusil. Ban Kristus ugun lomok ulusil ara, perobaʾ senenggomaʾ ak ganya wenaʾ dibaʾ ara an.

KOLOSE 1:15

Alda Kristus ara, Imik Neyung laga eilinggulumaknya bedya sununaʾ ulumla. Anya yokaʾ-yokaʾ uyiwok ak ab dara, alda hyak nonoknaʾ nongnya ulumla.

1 YOHANES 2:8

Ban men wenyhen bok anaba, onoʾ wenyek yuba hnon momnya doboka beibsin. Nera dib ulumlaʾ ara Kristus alja nong lomok hnon, ugunuk ulusilaʾ hnon, eillilemakaʾ anasa lebna. Anasa wera, gunaʾ ak dara, dengabgiga balamlakanya, dilinaʾ dibaʾ ak dara, wera seleb yebel einilamla.

PILIPI 2:6

Kristus ara al ulumokaʾ ak dara, Imik Neyung dibaʾ ulumok bok, Imik Neyung ulumnaʾ anara sobaʾ ulunun ganya ok bobnenggumok.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

YOHANES 16:11

Sokok an dubnya bek seleb yana lelewoka igin yakaʾ alsamba seleb ulumlaʾ anasa, yana lelesinaʾ ak meknewoka seinilimak.

2 PETRUS 1:19

Ban nong anyek eiyiwoka, Imik Neyung adyaʾ nidyaʾ ununumnaʾ lelemek nang edya lemekaʾ ara gobdo dib senelemab. Dara, ban yub era, wesaʾ ak gunaʾ ak yeblamlaʾ anaso ulumlaʾ anasa, ugunja ganya lomok ara heng anam dorogol yabanaʾ anaso uboka, onoʾ yali sam ololaʾ anam yebnenggulumla salek enyek, ugunda ban wesaʾ enyek an pe keeboka sunuwoka ulumnelum aboka lebsin.

2 KORINTUS 3:11

Or anam denghenemok yub enyek babya, dilinaʾ nauba yeblamla senemek dara, hyak dibaʾ ulumnamla yub era, hyak nauba senenggom dilinaʾ yeblamla senewanemak.

1 KORINTUS 10:20

Yokaʾ-yokaʾ giblemakaʾ ak bo beil biniboka giblemakaʾ ara, Imik Neyung ak beil banggulumak bok, yu ganya bisaʾ ak bo beil balamak. Nadya dara, ugunda bisaʾ giblemakaʾ ab neikaʾ hiboka unaʾ ara, mem senelemna.

YOHANES 12:45

Wera anasa, heknedya nak heng eilinel dara, alda seleb nak bokol yeilinyoknya bek eillilamla.

YOHANES 15:24

Yok nim edya hyak ununggulusengnya nek, sik gangganek ununggulusinya dara, sikja malya unaʾ unggulususo bok, wenera, nadya unulamnaʾ eillilimak bok, nak lek senelenyaakanya, neyung beneba lek senelemak.

YOHANES 1:18

Nimi hnonok adya, Imik Neyung bek heng eilinaʾ sibin anaba orok bok, Imik Neyung alja me hnonok ara, alja neyung beb neikaʾ lelewoka uluraakanya, nadya neyung bera ban anaso ulumla aboka nuk amasuk.

1 TIMOTIUS 1:11

Imik Neyung adya ugunuk youbsukaʾ ara pe weisin senelesululaʾ aboka ugunja dib senenaʾ ak anyek pe sunuwoka, nauba perob danggiga balasululaʾ aboka, sobaʾ ara nunda ugunsamba mololesab.

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

RASUL 26:23

Wenyaboka lelemeknya nera, Imik Neyung alda Kristus nimi blebsinaʾ dubnya sokok sam eleganesin amoknya bera, seleb gwekoka somogok dara, alda men youboka embengaʾ dangeinimoknya dangoka, wera dilinaʾ yuba laga nenewoka lelemok. Yahudi nimi yokaʾ ak hnon, Yahudi gom nim ek hnon, dilinaʾ yuba laga nenewoka lelemok,” hyok.

2 KORINTUS 2:11

Nunda bisaʾ dubnya Satan bedya welemla wa pik era seleb ella ulumabaʾ anasa, nadya ban unulunanya nera, bisaʾ adya nuk lolowoka imik dalyek aboka unulamna.

2 KORINTUS 2:12

Kristus adyaʾ perob lero yanggan yuba lebnunaʾ aboka, Troas heikek bisa dara, Imik Neyung adya wa nen weblulaʾ aboka seleb pika bak lobnyok salek,

GALATIA 1:4

Nunja malya unaʾ enesa leboka, wen malya unaʾ sokok an ulumabaʾ ak anyeb, blebsununaʾ aboka, nunja Wenelesilnya Yesus Kristus, al nong elekdok. Ban unuwokaʾ ara, nunja neyung Imik Neyung bedya seinimokaʾ sunuwoka unuwok.

IBRANI 6:4

Anasa, sikja ganya ara seleb dilinaʾ lomok ulumeekanya, imik ab eleksinaʾ hnon doboka, Geisinya adya hnon domekjok,

1 YOHANES 2:11

Bok alja hem yab ek lek senelelanya bera, alda gunaʾ ak or anam ulumla. Alda gunaʾ lomok sam yabalamlakanya, gunaʾ adya alja henga leblamlaʾ adya, alda mok enyek an binimnaʾ ara elgom ulumla.