2 KORINTUS 2:15 - PERJANJIAN BARU NALCA YUBA

^15-16 Nuk dara, Kristus bedya gen-gen song meklaʾ Imik Neyung amba ulumab. Nim uk hinik binobaʾ aboka ulumak nim emba dara, nuk dara, somoknaʾ damok song ulumab bok, alda embengaʾ ulunobaʾ aboka bleblesil nim emba dara, nunda mereldisinaʾ song anasoʾ ak ulumab. Bok heknya ak ban damok era, unuwanesonya be hnon ulumla do?

2 KORINTUS 2:15 Խաչաձեւ Հղումներ

EPESUS 5:2

Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.

1 KORINTUS 1:18

Anasa, somoganobaʾ aboka uk hinik anam balamak nim edya dara, Kristus gal ak somogok yub era, salyaʾ lelemaʾ senelemak. Bok, nunda Imik Neyung adya blebsuk nim edya dara, Kristus somogok yub ara, Imik Neyung migib ara alan, senelemab.

PILIPI 4:18

Wera ugunja beibnulumaʾ ara, nak okna ubnyoknya nera nidyaʾ gigiwoka seleb dobsa, hyak nauba so sounuwoka dobsa! Ugunja yok-yok bonaʾ nak arawonulumaʾ Epafroditus be bo yanyokaʾ ara nidyaʾ seleb dobsa. Anadya wera men dara, anyek dobsinya senewoka seinisenya nera nidyaʾ gigiwoka dobsaʾ ulunel. Ugunja nasamba arawoka beibnulumaʾ nidyaʾ ara, Imik Neyung ak perob songa lelemlaʾ giboka beil balamak enyek, Imik Neyung adya perob senewoka dolomla bonaʾ enesoʾ ak beibnulum.

2 TESALONIKA 2:10

Bisaʾ migib anadya ok, yok nimi gong dara, nauba malya nenewanasil. Dara, nauba Imik Neyung adyaʾ perob unaʾ ak wanaʾ uboka donaʾ ara lek aboka, blekoka perob senenggulumakaʾ anasa, somoganamak.