2 KORINTUS 13:5 - PERJANJIAN BARU NALCA YUBA

⁵ Ugunda Kristus ak ganya ologoka dib senelum gom aboka, ugunda hnonok-hnonok sunuldalalulum. Ugunda dib senelemun bok dara, Kristus Yesus ara ugunja ganya lomok ulusilaʾ ara, ugunda elgom de? Unggulusilya dara, sununaʾ ak sokol lololum.

2 KORINTUS 13:5 Խաչաձեւ Հղումներ

YOHANES 14:23

Yesus adya dara, ”Ben hnon nak wanaʾ ulunelya dara, alda nadya neklesin yuba sunuwoka ulumnamla. Dara, nadyaʾ neyung bedya alak wanaʾ ulumnamlakanya, Neyung beb, nab alak yeinima dara, alab neikaʾ ulumnamab.

YOHANES 15:4

Ugunda nablaboka kwebdangoka ulumnamab dara, nara ugunub kwebdangoka ulumnamab. Gal soruk ara albeyok doka moubnenggunumso bok, gal nong ok ulumso dara, moubnamso. Anasonya neikik, ugunda nablaboka kwebdangoka unggulumnesibya dara, doka mounggulumnusom.

YOHANES 17:23

Dara, nara sik lomok uboka, onoʾ anda na lomok uboka, sikda hyak ganya hnonok ulunokaʾ aboka mololamna. Anadya wera, soko nim edya, Yesus ara aldib Imik Neyung adya sokok sam bokol yeilimok senewoka, hnonda Neyung anja nak wanaʾ ulunelem sok, onoʾ sikenek wanaʾ ulusil senewoka ella danokaʾ aboka mololamna,” hyok.

YOHANES 17:26

Neyung, anja ululamnya nera, sikenek seleb leb elegoka amesisa. Dara eimik eneba, nera sobaʾ unubdibiganamna. Wera anja wanaʾ elegonulumaʾ ara, sikja ganya ek sam sobaʾ ulumlyekanya, nara sikja ganya lomok ulumnesin aboka unulumnamna,” hyok.

YOHANES 6:56

Heknedya nadya nong soub eb, nadya eneng eb, delemlya dara, alda nadyaʾ nong lomok sam ulumnamlakanya, nababya alja nong lomok ulumnamna,” hyok.

YOHANES 6:6

Yesus ban Pilipus bek wenhyokaʾ ara, gwaneng dekoka ununaʾ ara Yesus orowek ella ulumok bok anasa, Pilipus benyek sene hekaʾ hublul do? aboka lebok.)

ROMA 1:28

Hnonda, Imik Neyung ak nunjaʾ neyung anyaʾ aboka laga len ganya enyek bonaʾ orok anasa, sikda Imik Neyung adya ganya eiyiba daranaʾ ganya enyek elegousuk. Wera anedya, sikda unuwamenggomnya nenyek unuru yabalamek.

ROMA 8:10

Dara Kristus ara ugun lomok seleb ulumla dara, wera nong anera malya unaʾ adya somogok ak ululabok, anja ganya ak dara perob nenesinaʾ adya embengaʾ ulumla.

1 KORINTUS 11:28

Wera anasa, nimi hnon denemla dara, al damnya men orowek pe maka meibdangoka ublyekanya, wera or gwaneng ab, beknaʾ mek ab or dulul.

1 KORINTUS 11:31

Bok nunda beknenggumeibya salek enyek, nun damnya pe heibdeibya dara, nuk igina boyiwanggunesil.

1 KORINTUS 3:16

Ugunda Imik Neyung e ulumab senenaʾ ara, ugun dam nang elgom uldalalum de? Imik Neyung Geisinya ara, ugunja ganya lomok ulusil ara, ugunda elgom de?

1 KORINTUS 6:15

Ugunja nonga yok-yok ara, hiboka Kristus nong ululumaʾ ara, ugunda elgom de? Dara, Kristus adya nong ululumaʾ anyek, nadya doboka gela salanaʾ ak neikaʾ hil binisinya de? Hyak unuwanggunusinya, mem.

1 KORINTUS 6:19

Ugunja nong era, Imik Neyung Geisinya alja e ululumaʾ ara, ugunda elgom ululum de? Imik Neyung adya alja ok ganya doboka, Geisinya bera ugunuk elegesuukanya, Geisinya era ugunja nong lomok ulusil. Ugun nong ara, ugunjaʾ ak unggululum. Ugun nong ara, Imik Neyung aljaʾ yokaʾ nongaʾ ak ululum.

1 KORINTUS 6:2

Wera eimik era, munaʾ Imik Neyung mab adya sokok an yana lelewanesakaʾ ara, ugunda elgom ululum de? Dara ugunda soko nidyaʾ yana lelewanalum bok anasa, hekasa mek siriknya neneba wen yana leleldanggululum do?

1 KORINTUS 9:24

Nimi bik-bik al balamakaʾ ak ara, nimi nidyaʾ neikebok bik-bik ab einimna bok, ben hnonok men binya bok deknaʾ dolomlaʾ ara, ugunda ella ululum. Anasa wera, ugumbabya deknaʾ dobnemab senewoka, hyak pe yeiriwoka bik-bik al balalulum.

1 KORINTUS 9:27

Nadya nong enera pe mel-mel aboka, nauba sunubdangoka diri uldalamna. Ban unulunanya nera, nadya yok nim ek nauba leboka glinyebok, eimik sum era, na nong anyek lobnelyek aboka, anara unulamna.

2 KORINTUS 6:16

Imik Neyung e ab bisaʾ gibnaʾ e neb dara, neikaʾ ara hek soʾ ak ulumnamso do? Ugunda embengaʾ ululanya Imik Neyung bedya e ululum. Imik Neyung adya lebokaʾ ara, ”Nara sik hnoum ulumnesinikanya, sik gangganek yabalamnamna. Nara sikjaʾ Imik Neyung ulumnamna dara, sikda nadya mabo silibaʾ ulumnemak.

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

GALATIA 4:19

Nadya wanaʾ ulusin mab o! Ugunsamba leboka, nara hyak nauba duboka, me bomna gel gek me juga gweklamla sok, neik so unulunel. Kristus adya unun ganya ugunuk an dib yinaʾ mebnenggumnesil dara, sobaʾ ara anaso ok ulumnenel.

GALATIA 6:4

Nimi yok-yok ara, alja unulamla anyek pe kendulul. Dara, ban adya yok nang edya unulumeijinya nenesa pelemna seneboka gigildanaʾ loboka, alda aljaʾ yokaʾ pelelanya nenyek, or gigibdanamla.

KOLOSE 1:23

Ugunda ugunja ganya dib senelumaʾ lomok sobaʾ ubmouboka, wirring-warreng anaʾ loboka, mel-mela sekoka, anya perob lero yanggan yuba kelum adya ganya wenaʾ ak ab goknenggunusak dara, al saramek anaso beibnesil. Ban blebsin yub ulumlaʾ ara, im damumduk yangawokaʾ nidyaʾ ak seleb wenyaro yabalamak. Anya, na ban Paulus bera, an yuba wa wenya seleb dasa.

KOLOSE 1:27

Dara, Imik Neyung ara, yok-yok mok soko nimi nidyaʾ ak, alja mab ak ban gunuwoka doknomokaʾ ara, har so dub uboka, senenggomaʾ ulumlaʾ anyek amalesil. Dara, gunuwoka doknonaʾ ara ban: Kristus ara ugun lomok ulusil. Ban Kristus ugun lomok ulusil ara, perobaʾ senenggomaʾ ak ganya wenaʾ dibaʾ ara an.

KOLOSE 2:19

Dara, sikda hukuk ara, pe salalmoubnenggulumak. Bok hukuk ab ara, nonga nidyaʾ hiboka, mel-mel ab nolong gwerenaʾ ab dadya, neikaʾ pero welemakaʾ adya, Imik Neyung bedya ak nelemla.

KOLOSE 2:7

Hnonda ugunda alak yareng elegoka, onoʾ al ab migib danggiga balalulum. Anya ugunja dib senenaʾ ganya ara, ugunuk nekesikaʾ sunuwoka, migibaʾ nenewoka, eiyasaʾ sobaʾ gibildolunun ganya hogung enyek sobaʾ boro balalulum.

1 TIMOTIUS 2:15

Ban unuwokaʾ anaba, gelewa ak dara, Imik Neyung bek dib senewoka, wanaʾ uboka, pe geisa uboka, pe ulumnemak dara, memabo hnon beillilimnamak bok adya danyek sikenek bleblemnesil.

2 TIMOTIUS 3:8

Youmaʾ danyek Yanes beb, Yambers beb dadya, Musa bek bleklerek sok, onoʾ neikso ban malya unulumak nim era, Imik Neyung adya dib nong yub ek bleklemak. Sikja ganya era seleb oulaʾ oboka blobsuk. Sikja yuba dib senemekaʾ ak ara, saawoka dobnamenggom ubsuk.

TITUS 1:13

Ban ununumnaʾ lelemoknya benedya lemoknya nera hyak aldib nong. Anasa, sikda dib yuba dolomakaʾ nong anyek, pe salalmoublenokaʾ aboka, anda hyak pe oma leboka wenelesilom.

TITUS 1:16

Sikda sondaʾ anasa nunda Imik Neyung ak ella ulumab alamak bok, sikja unulumakaʾ adya, ella ulumab anaʾ ak sonda nenelemak. Sikda omoma dablesil nim ulumak. Sikda yub ak ganya dib oloknaʾ ara lek senelemak nim ulumak. Sikda perobnya nemba dara, pe ununaʾ ara unuwanggunuseng nim ek anara ulumak.

TITUS 2:2

Nengmabo nauba nang ek dara, sikda ganya siklewoka kaboka ulunokaʾ aboka, perobaʾ ok seiniwoka ulunokaʾ aboka, hnonda yok nim edya perob senelesak nang geknebaʾ ulunokaʾ aboka, onoʾ yuba dib senebmoubuka, hyak wanaʾ ubdangoka, pe siklewoka welenokaʾ aboka pe neklesilom.

IBRANI 12:15

Dara nimi nauba malya nenewoka, sembejaʾ gebnesilya damok yu nongaʾ sikaʾ anyek lanawalyek aboka, ugunda nimi be hnon Imik Neyung bedya perob eleksinaʾ ak ab mok gebdalyek aboka pe diri ulululum.

IBRANI 4:1

Wera anasa, an Imik Neyung adya dek-deka sonaʾ ak weknelum hyokaʾ ara, anam or ululabok anasa, nim ugun gangganek ara ben hnon weknenggublyek anasa, hyak pe diri uldalamnemab.

IBRANI 6:8

Bok soko era erebnaʾ ab giriknaʾ ok malamla dara, wera perob masa mebnenggunuseng soko ek anasa, Imik Neyung adya wema dabnaʾ berrem ulumlakanya, eimik era uka dabnamla.

YAKOBUS 4:4

Ugunda hyak bojam unaʾ orok nim ek ululum! Nimi sokok ab kwebdangoka ulumak dara, Imik Neyung ak ara, isaʾ geblemakaʾ ara, ugunda ella ululum de? Anasa nimi ben hnon sokok sam wanaʾ ulunun senelelanya bera Imik Neyung ak ara isaʾanya geblamla.

1 PETRUS 5:9

Nimi nidyaʾ nunjaʾ hemyabo mok soko me nidyaʾ sikba igina kweboka numba gweklemab sok gweklemak bok anasa, Iblis ak ara, ugunja yuba dib senen ganya enyek hyak nauba adya alak ara pe welsinilelulum.

WAHYU 2:5

Anasa wera ban nenesa leboka, anda hekmok ab malyinggulumaʾ nong anyek pe beknelam! Anja malya unaʾ ak ab wen ganya dangawoka, youmaʾ pe unululum ununaʾ enyek onoʾ unub einiwanalam. Nenyek pe unuwanggunulam dara, nara anak an yeiniboka anja uk dininaʾ era al ulumlaʾ ak ab gwenewoka dobnamna.