2 KORINTUS 13:11 - PERJANJIAN BARU NALCA YUBA

¹¹ Anya wera, hemyabo nim o, ugunda sobaʾ ei-ei ganya ok boboka, ganya kaboka pe ulunob ganya sobaʾ bololulum. Heknaʾ ganya hnon bololulum. Ugunda neik ganya ok boboka, neikaʾ kwebdangoka ulululum. Dara, Imik Neyung wanaʾ hwam ok uboka, heknaʾ ok ululanya bedya ugunuk ok ulumnesil.

2 KORINTUS 13:11 Խաչաձեւ Հղումներ

IBRANI 12:14

Anasa nimi yok nimi nidyaʾ ab dara pe ganya olokdangoka ulunob senewoka ulululum. Anya pe geisa unaʾ orok dara, nimi be hnon Imik Neyung ara eibnenggunumlaʾ anasa, pe geisa unaʾ anyek yeiriwoka doblelulum.

1 KORINTUS 1:10

Nadya hemyab o, nara nunjaʾ Wenelesilnya Yesus Kristus si sibuka, ugunda ganya bokoldanaʾ hyak loboka, hnonok ganya boboka, hnonok seininaʾ seiniwoka, hnonokaʾ ak hiboka ulululumaʾ aboka, neik so ganya ok yo aldalalulumaʾ aboka, nara ugunuk wenelesin.

ROMA 12:16

Ugunda hnonok ganya seininaʾ ok boboka ulululum; ugunda unuwanggunusomnya hyak imiknya nenyek seininggom, mem. Bok anja ganya era or sobnya domdigumnya nek an doro dilililom. Na nong ak hyak geremseng nong seneldanaʾ ara hyak mem!

ROMA 15:33

Wera Imik Neyung al ganya pe namen unaʾ damoknya bera, ugunuk sobaʾ ulusulul! Amin.

ROMA 12:18

Ban unun ganya era ugunja ganya doboka unulumnelum dara, wera yok nang eb ganya kwebdangoka ulumnelum!

MARKUS 9:50

Garam ara perob bok, angawom anaʾ denghenemso dara, ugunda hekaʾ adya saaboka angawom anaʾ gebnesom do? Anasa ugunda yok nang eb neikaʾ pe kwebdangoka ulumnamab aboka dara, garam angawom anaʾ anyek ugunja ganya lomok ululul,” wenyaboka lebok.

1 PETRUS 3:11

Bera onoʾ malya unaʾ ak dara, mok geboka ululul. Hnonda anya, alda perobnya nenyek ok unululul. Nara yok nim ek ara heknaʾ ganya ok boboka ulumnamna senewoka duboka ululul.

2 KORINTUS 13:14

Wenelesilnya Yesus Kristus adya ugunuk wanaʾ uboka eleksinaʾ hnon, Imik Neyung adya wanaʾ ulusilaʾ hnon, Imik Neyung Geisinya adya ganya kweldanaʾ hnon, ugunuk ulusulul. Nara Paulus bedya gibsin e.

2 KORINTUS 13:9

Nunda hmeng ulumeibyaʾ anaba, ugunuk perob danggiga balamnelum dara, perob senelemab. Ugunuk gobdo perobaʾ anyek ulululum aboka, mololosab.

1 PETRUS 5:10

Wene salek enesemba ok ugunda seʾ igina kweboka gwekgogowomun dara, Imik Neyung adya alja ok ganya doboka perobaʾ nenewanasil. Imik Neyung adya ugunuk gasa geboka, migibaʾ nenewanasilikanya, ugunuk ara pe sekiyiwanesil. Anasa alda Imik Neyung ara Kristus pik uboka imik nenewanasil aboka youbusuknya bera, alda perobaʾ eleklesilnya bek anasa, ugunuk anaso pe unuwanasil.

1 PETRUS 3:8

Anasa damok ara, ugunda nidyaʾ pe neik ganya boboka, neik yuba saboka ulululum. Ugunja unaʾ era neik noungousa enesoʾ anyek wanaʾ uldalalulum. Ugun moumen wanaʾ uldalamunukanya, ganya sokok nenebdangoka ulululum.

YAKOBUS 1:4

Dara wera ugunja ban unu pe ganya siklewoka wen ululumnya nenedya, ugunda dib ganya kaboka, hnon mekaʾ dangoka unaʾ loboka, ulululumaʾ aboka, alda nauba danggiga balalulaʾ aboka, onoʾ pe diri ulululum.

2 TESALONIKA 2:16

Ugunda perobnya weboka, onoʾ perobnya nenyek unulululumaʾ aboka, nunjaʾ Wenelesilnya Yesus Kristus adya, hnonda nunjaʾ neyung Imik Neyung adya, sobaʾ amba ganya sangab elegoka, nunja ganya migiba gebnesil. Imik Neyung adya nuk wanaʾ ulusilekanya, aljaʾ perob ganya edya, siklerob ganya boboka, perobnya nek ganya nebom aboka diri ulumab.

1 TESALONIKA 4:1

Na kabo nim o, wen sidyaʾ lebdaknesin. Imik Neyung perob senewosululaʾ aboka anaso unulumnulum ara ugunuk nekesub dara, keboka wen unululum. Dara, wenyok Wenelesilnya Yesus si sibuka, sobaʾ nauba so dolulaʾ aboka, onoʾ unul sounululumaʾ aboka, dukaʾ lolom-lolom alasab.

PILIPI 4:9

Ugunda nak ab einiwoka dolum perob unaʾ enyek unulululum; nera nadya ununaʾ eiyilum gom, nadya yuba sanaʾ enyek unulululum. Dara, Imik Neyung perob eleknaʾ damoknya bera ugunuk ulumnesil.

PILIPI 1:27

Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

ROMA 16:20

Ai, wera anasa, al Imik Neyung ganya nonga pe unaʾ damoknya bedya, men berra aboka, bisaʾ dubnya Satan ara ugunjaʾ yan damumduk soldob meneganamla e. Nunja Wenelesilnya Yesus adya wanaʾ uboka eleksinaʾ era ugunuk sobaʾ ulusulul!

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

WAHYU 22:21

Dara, Wenelesilnya Yesus adyaʾ wanaʾ uboka perob eleksinaʾ ara, ugun nidyaʾ ak, ulusulul e!

IBRANI 13:20

Dara namenaʾ pe unaʾ eleklesil Imik Neyung era, embengaʾ eleganasin amok eneng pik uboka, domba pam senenggom dubnya, nunjaʾ Wenelesilnya Yesus ara somoknaʾ ak ab saawoka bo yoknya bedya,

2 TIMOTIUS 2:22

Goubenya nim edya nenyek perob senewoka malya ulumaknya nek, anda mok geboka ululom. Anda Imik Neyung amba ok perob senelamla sunuwoka pe uboka, alak hyak dib senewoka, nim ak wanaʾ uboka, hyak namenaʾ anyek ululom. Perob ganya boboka, Wenelesilnya bek araweisilom aboka, molowoka ulumak nim eblaboka, anaso unu ulululum.

2 TESALONIKA 3:16

Wenelesilnya bera nuk penaʾ ul eleksilnya ulumla. Anasa, Wenelesilnya bedya ugunuk perob unaʾ ara yokaʾ-yokaʾ nidyaʾ ara ugunuk eleklesulul. Imik Neyung ara ugunuk nidyaʾ nang ek arawoka bo ulusulul.

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

1 TESALONIKA 5:16

Ei-ei ganya bolmorulumnelum.

1 TESALONIKA 5:13

Sikja welemakaʾ anasa, wanaʾ uboka sikenek hyak perob aboka seinililulum. Waldanaʾ oldanaʾ loboka, pe hiboka neikek ulumnalum.

1 TESALONIKA 4:18

Anasa, ban yuba lebdangoka ganya hekellildalamnalum.

PILIPI 4:4

Ugunda Wenelesilnya beb seleb neikaʾ kwebdangoka ululumaʾ anasa leboka, ei-ei ganya sobaʾ bololulum. Onoʾ saawoka hnon wenyhenesin: Ugunda ei-ei ganya bololulum e.

PILIPI 4:2

Ugun penya gelewa Euodia, Sintike o! Ugun penya yuba dolomak nimi geknebaʾ neik ganya boboka pe ulurumaʾ aboka moloweisin.

PILIPI 3:16

Ban nong ara, ugunda pe beknelum: Nunja unaʾ nong era, youmaʾ unu ulumnemab amoubaʾ wen ulumabnya nenyek sunuwoka onoʾ pe ulumnemab.

EPESUS 6:23

Nunja neyung Imik Neyung bedya hnon, Wenelesilnya Yesus Kristus bedya, nimi nidyaʾ yuba dololum nim ek, ganya heknaʾ hnon, dib senen ganya boboka, wanaʾ unaʾ hnon eleklesulul.

2 KORINTUS 1:4

Nunuk nidyaʾ yokaʾ-yokaʾ igina kwelesilaʾ ak ab, Imik Neyung adya ganya hekellilisilaʾ adya, ban ganya heknaʾ enedya, nimi yok nim igina kwelesil nim ek, sikja igina kwelesilaʾ nidyaʾ ak, nunda ganya heknaʾ gebnokaʾ aboka nuk eleklesil.

RASUL 23:30

Dara onoʾ nak Yahudi nang edya Paulus bek obnob aboka welemak aboka nekdo yeilinyak dara, nadya doboka neyung mok soko dubnya, anak doboka bo bululum aboka orugeisin. Dara, alak yana kiboka miniwoka lelemak nang ek ara, ugunja wenyalalumnya nera, or neyung mok soko dubnya bek bo bululum aboka orugeisin,” aboka yin bonaʾ dubnya bedya wenyaro webok.

RASUL 18:21

Bok, onoʾ binimok sum era lebokja, ”Imik Neyung adya or helya dara, eimik onoʾ ugunuk saawoka yanasin,” hyok. Paulus bera seleb wenyabgogomok dara, mek ekla bunaʾ pik Epesus heikek ab ara, Antiokhia moka bununaʾ aboka lanawok.

RASUL 15:29

Ugunda bisaʾ ak geklewoka hweboka beibija denaʾ masa era doboka denggom mem. Dara onoʾ, yokaʾ eneng ara salyaʾ denggom mem, nonga heiboka somogalya wininga manaʾ salyaʾ denggom, mem. Dara onoʾ, hnon gela salaldanaʾ ak, ugunda mok sam geboka ulululum. Ugunda ban nidyaʾ lebabnya danyek nidyaʾ mok sam geboka ulumun dara, wera hyak pelemunaʾ ara an. Seleb lebab, perob e,” wenyaboka momnya doboka beibek.

YOHANES 17:23

Dara, nara sik lomok uboka, onoʾ anda na lomok uboka, sikda hyak ganya hnonok ulunokaʾ aboka mololamna. Anadya wera, soko nim edya, Yesus ara aldib Imik Neyung adya sokok sam bokol yeilimok senewoka, hnonda Neyung anja nak wanaʾ ulunelem sok, onoʾ sikenek wanaʾ ulusil senewoka ella danokaʾ aboka mololamna,” hyok.

LUKAS 9:61

Nimi ben hnon onoʾ Yesus ak yeiniboka lebokaʾ ara, ”Neyung o, nara anak diriga yalamnenggen bok, men nadya nauba nim ek molol binimnaʾ anasa, or henenelem,” hyok.

MARKUS 10:49

Anasa Yesus ara balamokaʾ ara sek loboka lebokja, ”Wera alak yalom hululum!” hyok. Dara yok nang edya heng lumnya bek yalom aboka alak, ”Anja ganya daboka seklom, alda anak yalom alamla,” hyek.

MATIUS 5:48

Ugunja neyung be imik heikek ululanya bera, hyak perob ok unulamla anasa, ugumbabya pe ganya kaboka perob ok unulumnulum,” hyok.

MATIUS 1:23

”Nenya mekaʾ dobnenggumeijaʾ goubenya gel gedya me boboka beibnamla dara, me nenedya si nera Imanuel, aboka sibnemak,” amok. (Imanuel ara Ibrani yub bok, nunja dara, Imik Neyung nub ulumab, alamak.)

EPESUS 4:3

Imik Neyung Geisinya adya hnonok nonga nenesuknya nenyek, heknaʾ ganya boboka, sobaʾ neiknya nok maro lololulaʾ aboka, ugunda ganya enyek ok boboka ulunob senewoka duboka unulululum.

ROMA 14:19

Anasa nunda ganya pe namenaʾ unaʾ ab, wenebdangoka ganya pe unaʾ ab, damok en lanawanamlyaʾ anyek yeiriwoka doblemnemab.

EPESUS 4:12

Ban unura elegousukaʾ ara, munaʾ Imik Neyung mab era, welenok aboka elegousuk. Pe welemeijaʾ adya, Kristus adya nonga perobaʾ nenewoka nauba danggiga balalulaʾ aboka elegousuk.

1 TESALONIKA 3:10

Ugunja Kristus ak dib senenaʾ anyek nunda ugunub ok eibdangoka, hnon onoʾ mak sounuwoka neksisibya senewoka, yubyek inimnek pik moruwoka Imik Neyung ak nauba mololemab.

2 TESALONIKA 3:1

Anya wera, hemyabo nim o, nunsamba hnon heng uboka mololesululum. Hnonda Wenelesilnya bedya yub era, ugun dolum sok, li sobaʾ nauba danggiga balamlyekanya, imik nenewanokaʾ aboka mololesululum.