2 KORINTUS 12:4 - PERJANJIAN BARU NALCA YUBA

⁴ Bera alda imik heikek bo byuk dara, nim ek ella dangoka salalulum henggomaʾ, sabnamenggom yub enyek, kemok.

2 KORINTUS 12:4 Խաչաձեւ Հղումներ

LUKAS 23:43

Danyek Yesus adya benyek, ”Anak dib lebgen. Anda al sumen eneba, neikaʾ nab anab Firdaus heikek ulunam,” hyok.

RASUL 8:39

Wera mekek ab ara goboka yabarek dara, Pilipus bera Imik Neyung Geisinya adya wene sab-sab doboka yokok bo bilimok. Dara, Etiopianya bedya dara, Pilipus bek mekaʾ eil donaʾ ara hyak orok. Bok, ban Etiopia dub nang wa wenaʾ dubnya bera ganya eiya daboka alja ek pik bilimok.

1 KORINTUS 13:1

Nara nim adya yuba nidyaʾ ella dangoka salasinya bok, lero nang yub anaba ella dangoka salasinya bok, yok nim ek, wanaʾ unaʾ orok dara, wera nadya ella dangoka salasinya yuba danara, abya meklaʾ ak moka go-go alamla sokaʾ ak, senenggom nyonyanaʾ nyo-nyo alamla sokaʾ ak, ulumnesinya.

2 KORINTUS 12:2

Nimi yuba donya ben hnon, Kristus adya imik heikek hyak imik sam do welewok salek era, wera gibnaʾ meija dubukaʾ badya lemok danyekaʾ ak, ella ulumna. Alja nong gekman dobok gom, or lendara ak gom ara, dibaʾ orokaʾ ara Imik Neyung ok ella ulumla. Do welewoknya bera imik heikek denewaʾ winilyaʾ ak welewok.

1 TESALONIKA 4:17

Ana berem ara, nu anam embengaʾ ulumab nim era debaʾ hnoum sikenek bob mamagiyiweisilya dara, Wenelesilnya bera imik sam eb hwibdanamab. Dara, Wenelesilnya ablaboka sob-sobaʾ ulmoublomnamab.

WAHYU 12:5

Bok gel gera nengma ak, nimi mok soko ulumak nimi nidyaʾ ak, besi gamaʾ adya bomlyekanya wenelemnesilnya bek beibok. Bok beibok salek era, me nera gel genyek anyeb alawoka, Imik Neyung bek, al bulumokaʾ ak bo byuk.

WAHYU 2:7

”Heknyek o yakaʾ ara, Imik Neyung Geisinya adya yuba donaʾ nim ek lelemlaʾ ara pe keblul! Heknedya malya unaʾ ak ab oblamaganalanya bera, Imik Neyung perob heik sam nim embeng unaʾ gal doka delemnamla henemna,” aro momnya dobnelam, hyok.