2 KORINTUS 12:18 - PERJANJIAN BARU NALCA YUBA

¹⁸ Nara Titus benyek ugunuk an aralesululaʾ aboka bokol yeilimsa, dara onoʾ yok yuba donya be hnon alab neikaʾ wel binilum aboka bokosisa. Titus bera, ugunuk ab bonaʾ denaʾ hnon molowoka doboka desuk de? Bok nab Titus beb dara, neik ganya boboka, neik ununaʾ edya neikaʾ welenamaʾ ak, eiyilum do?

2 KORINTUS 12:18 Խաչաձեւ Հղումներ

2 KORINTUS 8:6

Ban unumek anasa, ugun gangganek sam hnon, Imik Neyung adya pe arawoka unulusilaʾ adya, neik unaʾ unulumnulum aboka, Titus bedya nek einimoknya nenyek webdaknamla aboka orugomouba.

ROMA 4:12

Anya, hnonda nimi bolaʾ gararob nang, nunjaʾ neyung youmaʾanya Abraham, alda anam bolaʾ garawanggom danyek mouruwoka, alja dib senemok ganya soʾ enyek, dililda doboka dib senelemak nang emba hnon, sikjaʾ neyung be dok.

1 PETRUS 2:21

Ban nenesa leboka, Imik Neyung ara ugunuk youbsuk. Anasa Kristus ara ugunsamba leboka somogookanya, ugunda alja unaʾ diliwoululumaʾ aboka, alda ugunsamba pik dibaʾ yarawousuk.

2 KORINTUS 7:6

Bok, Imik Neyung adya alda nimi malya dan nim ek ganya hekellilisilnya bedya, nuk dara, Titus benyek anyagan bo yokaʾ nong adya, nunja ganya hekom husuk.

2 KORINTUS 7:2

Ugunja ganya edya nu nonga doboka beibsululum. Nunja dara, yok nim ek ara, hnon malya ubnenggumouba, dara onoʾ hnon malya danok senewoka malya nenewanggumouba. Nunda yok nim ek ab bobnenewoka perobaʾ dobnenggumouba.

1 KORINTUS 4:21

Anasa wenera, ugunja perob senemunya nenyek, nunda nenyek henelum. Ugunja dara, nara yeiriwoka yuba gasa einiwoka nekel yosulul senelelum gom, alda ugunuk wanaʾ ganya uboka, namenaʾ anyek pe nekel yosulul senelelum gom?