2 KORINTUS 12:11 - PERJANJIAN BARU NALCA YUBA

¹¹ Nak dara, hyak salyaʾ anya ulunabok, yokaʾ-yokaʾ pe ununaʾ ak sam amba dara, senenggom yuba lenaʾ gak nang eneba sikda senenggomaʾ bok, nak dara mekaʾ sirikaʾ ak ara, hnon unggulumla. Ban neneso leboka, ugunja nak ara pelemla senewoka gigiwananesom bok, ugunda unuwanggunulumaʾ adya, nara dongdang anaʾ anya beneso dangalamna.

2 KORINTUS 12:11 Խաչաձեւ Հղումներ

2 KORINTUS 11:5

Bok nak dara, yok senenggom yuba lenaʾ gak nang ulumak senelelum bok, nababya meknya bek senenggulumna.

2 KORINTUS 11:1

Nara hnon dongdang henemna bok, or keboka dogom hululum. Aldib, nadya yuba seleb dogom aboka kel lololum.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

2 KORINTUS 12:12

Nara aldib Kristus adya yuba lenaʾ gaknya laga beknaʾ ulumlaʾ ara, wa wenaʾ geknebaʾ ak lok soʾ beknaʾ hnon, senenggom lok so ununaʾ hnon, yok-yok migib ununaʾ ab dadya, ugun gangganek ab, nara hyak ganya siklewoka laga okoka welemsa.

2 KORINTUS 12:6

Nara yokaʾ-yokaʾ amba nonggo henesinya dara, dib yub amba ok lebnesinyaʾ anasa, dongdang anaʾ anya wenyhenggununeseng. Nadya unulamnaʾ ak eillilimakaʾ hnon, nadya yuba salamnaʾ kelemakaʾ hnon, banyek ok sunuwoka nak anaso unulamla senewaneseng. Bok, alda dibnya nek loboka nauba so unulamla seneweinijek aboka, nara yok yuba hnon sabnunaʾ unadyok, siklewoka ulumna.

2 KORINTUS 1:6

Nu nong anyek igina kwelesil dara, ugunuk blebsin damba hnon, ugunja ganya heknaʾ gebsin danasa ulusil. Onoʾ nuk ganya heknaʾ geblesil dara, nera ugunuk ganya heksinya nemba ulusil. Anadya wera, nunja yokaʾ-yokaʾ igina kwelesilaʾ anyek, ugumbabya neik so yokaʾ-yokaʾ igina kwelesilya bok, ganya siklewoka heiboka ulumnulum.

1 KORINTUS 3:22

Anasa Paulus gom, Petrus gom, sokok an gom, somoganalumaʾ gom, embengaʾ ulumnalumaʾ gom, wen ulumla salek gom, eimik yanamla salek gom, nidyaʾ ara, ugunjinya yokaʾ nong ulumla.

LUKAS 17:10

Ugumba anaso neikek. Ugunuk nidyaʾ unulululum aboka orugosuknya nenyek unulumun dara, ban nenyek lebnelum, nunda wa oruksin nang enyaʾ, nunda nunja webnesibya wa nok wero ulumab, henelum,” hyok.

1 KORINTUS 13:2

Nara Imik Neyung yuba lenaʾ migib elegenyokaʾ adya pe leb elegoka, yokaʾ-yokaʾ ara, hyak lomoknya neneba olowoka ella uboka, yokaʾ-yokaʾ nidyaʾ ella uboka, Imik Neyung ak hyak dib senenaʾ adya, mok soko mein anaba dama delewoka yokok sam bukillil yabalesinya bok, yok nim ek wanaʾ usinaʾ orok dara, wera nak dara, hyak salyaʾ nongnya bek ulumnesinya.

2 KORINTUS 3:1

Nunda onoʾ hnon gigibdanobaʾ aboka leb einimab de? Nunja dara, yok nim unulumak sok, ugunuk gom, ugunuk ab gom, wa nen pe welelanya an momnya donaʾ bobnesibya de?

2 KORINTUS 5:13

Dara, nunda serema salasinaʾ anaso ulumak senewanesiseng bok, Imik Neyung amba leboka unulumab. Onoʾ nuk pe seinilimak seneweisisengaʾ anaba, anara ugunsamba pesin danasa unulumab.

GALATIA 6:3

Anasa nimi ben hnon alda perob gomnya bokaʾ anyek, nara perobnya seneldalamla dara, al dam nang sondaʾ leldalamla.