2 KORINTUS 12:1 - PERJANJIAN BARU NALCA YUBA

¹ Nonggo aldanaʾ ara, perobaʾ lananggulumlaʾ ak ululabok, wera, nara Imik Neyung adya lendar dib ab, alja yuba laga sal eleklenelnya nenyek, moruwoka lebnamna.

2 KORINTUS 12:1 Խաչաձեւ Հղումներ

GALATIA 1:12

Nadya ugunuk bo yeilimsa yub era, nim ek ab dobnenggumsa, dara onoʾ nim adya hnon neknenggunyek bok, Yesus Kristus adya albeyok, ganya lomok aawanyokaʾ ak domsa.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

2 KORINTUS 12:7

Imik Neyung adyaʾ senenggomaʾ unu laga eiro yabalenanya nenyek, eillilamnaʾ adya dengdang ganya bobnyek aboka, sabalaʾ hnon nadyaʾ nong lomok, meiyinyok. Nara dengdang ganya bobnyek aboka, ban sabalaʾ manyokaʾ ara, bisaʾ mal dibaʾ lebom alalulaʾ aboka elegenyok.

GALATIA 2:2

Imik Neyung adya or Yerusalem heikek binilam aboka aawoka nekenyokaʾ anasa, bilimsa. Wera Yerusalem heikek ara, hnonda si sinaʾ nang eb neikaʾ longowouba dara, nadya Yahudi gom nim ek perob lero yanggan yuba lel eleklamsaʾ anyek, neksisa. Nera youmaʾ wesenya gom, eimik welemnenanya gom anyek, hnon nim era salyaʾ lelem welemla seneweneijek aboka, si sinaʾ nang ok gelelenga neksisa.

2 KORINTUS 12:11

Nak dara, hyak salyaʾ anya ulunabok, yokaʾ-yokaʾ pe ununaʾ ak sam amba dara, senenggom yuba lenaʾ gak nang eneba sikda senenggomaʾ bok, nak dara mekaʾ sirikaʾ ak ara, hnon unggulumla. Ban neneso leboka, ugunja nak ara pelemla senewoka gigiwananesom bok, ugunda unuwanggunulumaʾ adya, nara dongdang anaʾ anya beneso dangalamna.

2 KORINTUS 8:10

Nenyek youmaʾ gibnaʾ enyek, ugunda men arawanamab aboka seinibgogolumukanya, onoʾ arab einilum nim ek, ugunuk perobaʾ dosululaʾ aboka, anaso unuwolulumaʾ aboka lebnesin.

1 KORINTUS 10:23

Nim adya hnon wenyalamakaʾ ara, ”Nunja yokaʾ-yokaʾ unuwanob senemeibyaʾ ara or unulunob ok,” alamak. Nera aldib mem anaʾ orok bok, ban perob senelemabnya nera, nidyaʾ pelesil gomaʾ. ”Nunja anyek-anyek unuwonun senemeibyaʾ ara, unulumnumab,” wenyalamak bok, ban ululanya nidyaʾ ara, nunsamba perobaʾ nenelesil gomaʾ.

RASUL 23:11

Dara onoʾ nenyek mabok sum enyek, Wenelesilnya Yesus bera, lendara dib Paulus berem sekoka, ”Anda ganya dabogalom,” hyok. ”Anyagan Yerusalem heikek nasamba laga lelelum sok, Roma heikek anaba neik so unulumnalam,” hyok.

RASUL 18:9

Dara yok sum enyek, Paulus bedya lendara mamok enyek, Imik Neyung adya alak yeiniboka lebokja, ”Paulus o, anda lok ganya bonggom mem. Anda yuba geleknaʾ loboka sobaʾ Imik Neyung yub anyek saboka lelmorululom.

YOHANES 16:7

Anasa, ban nidyaʾ nadya ugunuk, na imik heik binimna, ugunsamba perob dosulul amnaʾ ara, dib lebsin. Nak banaʾ orok dara, arasinya bera ugunuk yanggunumsoʾ anasa, nak binya dara, wera alda ugunuk bokol yanasin.

1 KORINTUS 6:12

Yok nim edya hnon lelemakaʾ ara, ”Yokaʾ-yokaʾ nidyaʾ ara, salyaʾ ganya doboka unuwanesibya,” alasak. Bok nak dara, ”Ban nidyaʾ ara perobnya nokaʾ aboka ganya doboka unuwanamna,” henesinya bok, na nong ak dara, ”Yokaʾ-yokaʾ adya ologoka mabnelyek,” senelamna.

YOHANES 18:14

Kayafas bedya orowek Yahudi nim ek, ”Nunja soko malya dang-danga balamlaʾ anasa, ben hnonok nidyaʾ pelesululaʾ aboka somoganamso dara, perob,” aboka wenelesuknya bera alan.

EPESUS 3:3

Imik Neyung adyaʾ unuwanamna senewoka men doknomokaʾ ara, nak an seleb laga nenewoka eleganyok. Damok era, men eini sam mekaʾ momnya doboka beiyisinaʾ ara ella ublum.

1 KORINTUS 14:6

Wera, na kabo nim o, nak ugunuk yanasinyekanya, yok-yok yuba saro yabasinya dara, ugunsamba dara perob danasuso de? Nera ugunuk dara, mekaʾ sibin anaba perob danggunususo. Alda yoknya perob danasonya nera, Imik Neyung yuba damok ak gom, yokaʾ-yokaʾ anyek Imik Neyung amba geklewoka lel eleklesisinya gom, Imik Neyung yuba nong ak lel eleklesisinya gom, neklesisinya dara, perob danesisonya nera an.

2 KORINTUS 12:5

Wera benyek, nadya dara, nonggo henesinya bok, nasamba nonggo abdanggunusinya. Alda nak hmenga dangalanelnya nemba danyek ok, nonggo abdanasinya.

2 KORINTUS 12:9

Bok Imik Neyung adya dara, ”Anda hmeng ululam danyek, nadya migib era, gobdo nauba dangalamlaʾ anasa, nara anak wanaʾ uboka elekgenaʾ ara seleb nauba ulunggel,” henyok. Nara hmeng ulumna ak an, Kristus adya migibaʾ nak gouluwoka bo ulumnenelaʾ anasa, nara hmeng ulumnenel dara, nonggo alamnamna.

1 TESALONIKA 4:15

Wenelesilnya albeyok wenyasuk sok wenyhenesab, Wenelesilnya yanamla sum era, anam embengaʾ ulumab nim era men somogomek Imik Neyung mabo mengeb hwibnenggunusab.