2 KORINTUS 10:10 - PERJANJIAN BARU NALCA YUBA

¹⁰ Nim adya ok dara, Paulus bedya momnya doboka beillilesil yub era, pe gasaʾ migib nongaʾ lelemla. Bok al nong anyek, oka nu gangganek ulumla dara, alda hmeng so ulumlakanya, alja yub era, dolbalek so dangalamla, alanyak.

2 KORINTUS 10:10 Խաչաձեւ Հղումներ

1 KORINTUS 1:17

Kristus nak bokol yeilinyok era, nimi meka dalasululaʾ aboka ubnenggunyok, bok alda perob lero yangganaʾ yuba lelelulaʾ aboka, bokol yeilinyok. Bok, Kristus gal dubuk somogok yuba migib era, salyaʾ lelem dalyek aboka, nimi geremseng adya yuba lelelulaʾ aboka, senewanggunyok.

1 KORINTUS 1:21

Imik Neyung nidyaʾ ella ulumlaʾ adya, nimi soko nim era hyak yokaʾ-yokaʾ nauba ellaʾ anaba, sikja ella unaʾ edya dara, nak ella danggunuseng senemookanya, nunja lero yabalamab yub era, nim adya malya yuba senelemak bok, ban adya nak dib senelemak nim era, blebnesin senewoka perob senemok.

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

2 KORINTUS 10:11

Ban anaso ganya bolomak nim era, nunda ugun gangganek ok ubna dara, unuwanamab ara momnya donaʾ ak beillilamnaʾ anasoʾ ok sunuwoka unuwanamab, senewanok.

2 KORINTUS 10:9

Dara, nadya momnya doboka beillilesinaʾ adya, ugunda hekasa ulusil aboka lok ganya bobmunuk senelamna.

2 KORINTUS 11:21

Bok nuk dara, unurubnya nek ara, hmeng so uboka unuwanggumsaʾ adya, alya ulunel. Bok, yok nim edya yokaʾ ak nonggo heneseng dara, nababya or asaʾ ganya boboka unuwanasinya! (Nara dongdang anaʾ anya beneso bok lebna.)

2 KORINTUS 11:6

Nara yuba sanaʾ ara, pe hobyang sanggulumna bok, ella danganaʾ ak dara, nara dongdang anaʾ mekaʾ oroknya bek ulumna. An unaʾ era ugunuk yokaʾ-yokaʾ unusubaʾ ak anyeb, laga dangamokaʾ ara ella ululum.

2 KORINTUS 13:3

Ugunda Kristus ara nak pik uboka yuba salamlaʾ ara, ugunda beknaʾ enyek eibnobaʾ aboka ululumaʾ anasa, neksin. Kristus adya ugunuk unulusilaʾ ara, alda hmeng unggulusil bok, ugun hnoum migib uboka welesil.