2 KORINTUS 1:24 - PERJANJIAN BARU NALCA YUBA

²⁴ Dara, ugunja dib senelelumnya nek, nuk dara, oruksin nang ulusinob senenggulusab. Ugumbeyok dib senelelumukanya, kaboka ululumaʾ anasa, nuk dara, ugunuk eiya ganya bon danasa, arasin nang ulumab.

2 KORINTUS 1:24 Խաչաձեւ Հղումներ

1 PETRUS 5:3

Ugunja nim enera, bo ubnelum aboka elegeisik nim ek ara, ugunja dara, senenggom dub nang edya ununaʾ enyek ununggom, mem; alda sikja ugunuk diliwanesijenya nenyek unulululum.

1 KORINTUS 15:1

Nadya hemyab o, wenera nadya youmaʾ enyek ugunuk perob lero yanggan yuba leb elegeisisaʾ anyek, saawoka bekiyiwanesin. Ugunda ban elegeisisaʾ yub enyek doboka, onoʾ pe seklelum.

2 KORINTUS 5:7

Nunja nim adya heng eillilemakaʾ ak sunuwoka unggulumab bok, alda Kristus ak dib senewoka un nong enyek ulumab.

2 KORINTUS 4:5

Yuba lel eleklesabaʾ ara, nun nong anyek geklewoka lel eleknenggulusab. Alda yub enera, Yesus Kristus ara Wenelesilnya nong ara an, an yub enyek, lel eleklesab. Bok, nuk dara alsamba leboka, ugunuk arasin nang ulumab aboka lel eleklesab.

ROMA 11:20

dara perob! Sikda an unu bologokaʾ ara, sikja ganya dib senenaʾ orok anasa unuwok. Anya ugunda jongaʾ ikoka mel-mel eiyiwosuk ara, ugunja ganya dib senewolum adya unuwok. Anasa ugunda ganya habmereng henggunulum, bok hyak lok ganya bolomnelum!

ROMA 5:2

Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

MATIUS 24:49

Maly, nadya neyung bera eimik ek yanamlaʾ anyaʾ, aboka, wa wen nang yok nang ek salyaʾ obyaboka, yu meka deregoka ganya uu alasil nim eb denaʾ neikaʾ deregoka ulumnemak dara,

1 KORINTUS 3:5

Dib nong ara, Paulus bera heknya do? Onoʾ Apolos bera heknya do? Nunda welenamnya nenyek, ban adya dib senelum bok, nunda Imik Neyung adya alja wa arawoka, welenam nang ok ulunam. Nunda or Wenelesilnya bedya ban wa nenyek welerurum aboka, elegesukaʾ ok welenam.

ROMA 1:12

Wera banedya, neikaʾ uwibyikanya, ugun pik uboka, ugunja yub ak dibaʾ dolum ganya eb, nadya dibaʾ domsa ganya eb, ugunub, nab neikaʾ ganya meebdanasibya.

2 KORINTUS 11:20

Ugunuk oruknaʾ nang nenelesak gom, ugunuk lobaʾ nenelesak gom, ugunuk ab duboka lolowoka bonaʾ dolomak gom, ugunuk mekaʾ neneiyiwoka, sikenek imik nenelemak gom, ugunuk hogunga wablasak gom dara, nuk or unulusinok senelelum.