2 KORINTUS 1:23 - PERJANJIAN BARU NALCA YUBA

²³ Nara Korintus heik yanggubsaʾ ara, ugunja ganya soloma neneweisinyek aboka ubsaʾ ara, nadya unu seiniwasenya neneba, Imik Neyung ara ella ulunel.

2 KORINTUS 1:23 Խաչաձեւ Հղումներ

RASUL 18:1

Ban nen seleb dara, Paulus bera Atena heikek ab ara Korintus heikek byuk.

RASUL 18:8

Dara, Imik Neyung e damnya Krispus bera, alja mabo gelewa nidyaʾ ab, Wenelesilnya bek dib senewoka domek. Dara, nimi nauba Korintus nang eneba yuba keboka dib senewoka yuba dolomek dara, sikbabya meka dasik.

ROMA 1:9

Nadyaʾ ugunuk seinilisinaʾ beknaʾ aldib anaʾ dibaʾ ara, Imik Neyung adya, alja me nedya perob lero yanggan yub wa pik uboka, nadya ganya gouluwoka laga welemna pik an ella ulumla.

ROMA 9:1

Nara Kristus adya aldib nongnya nenyek lebnamna, nara sondaʾ lebnenggunumna. Geisinya adya nadya mek ganya hnon aldib lelenel.

1 KORINTUS 4:21

Anasa wenera, ugunja perob senemunya nenyek, nunda nenyek henelum. Ugunja dara, nara yeiriwoka yuba gasa einiwoka nekel yosulul senelelum gom, alda ugunuk wanaʾ ganya uboka, namenaʾ anyek pe nekel yosulul senelelum gom?

1 KORINTUS 5:5

Al onnya benyek, wera alja nong ara, soldob menegoka denghulul senen bok, alja ganya ak dara, Wenelesilnya yanamla sum enyek bleblulaʾ aboka, eleganalum.

2 KORINTUS 1:1

Nadyaʾ hemyab, Imik Neyung yuba donaʾ nim Korintus heikek ululum nim eb, Akhaya sokok sam munaʾ Imik Neyung mabo nidyaʾ ab, hemyab o! Nara Paulus bedya, Yesus Kristus adya yuba lenaʾ gaknya, Imik Neyung adya senemokaʾ sunuwoka sekiyiwanyoknya bedya, nunjaʾ hem be Timotius beblaboka,

2 KORINTUS 1:18

Imik Neyung ara hyak dib nong ok lelelanya bek si sibuka wenyalasin. Nadya ugunuk lesisaʾ ara, ”Or”, ”Orok” ara, sene bobnenewoka lebnenggusisa.

2 KORINTUS 11:10

Kristus adyaʾ dib jong yub era, nak an ulunel bok anasa, Akhaya mok ebnya ben hnonja, nadya an nonggo alamna senelenanya nera, yuba garawanggununel.

2 KORINTUS 11:11

Hekasa nara anaso wenyhen do? Nara ugunuk wanaʾ usinaʾ orok adya anaso lebna de? Orok! Nara ugunuk wanaʾ ulusinaʾ ara, Imik Neyung anaba ella ulunel!

2 KORINTUS 11:31

Imik Neyung, nunjaʾ Wenelesilnya Yesus aljaʾ neyung bera, sobaʾ giblemnemaknya bera, nara sondaʾ lenggulumnaʾ anara, ella ulunel.

2 KORINTUS 12:20

Nara kemel yeisinya sum enyek, ugunja unaʾ era, nadya anaso ubneseng senemnyaʾ unaʾ orokaʾ ak eibnyek aboka hnon, onoʾ ugunja dara, nak alda anaso ubnamso senenumunaʾ anyek eibmunuk aboka hnon, lok ganya bolomna. Hnonda wabdoumunuk, hnonda hman ganya bobdangoka, yu ganya boboka, nanokok pewonulul yok nim era lek senewoka, derewoka wabdangoka, o lom-lom pik gelelenga lebdangoka, dengdang ganya boboka, doluwoka malya nenebdangoka ubdoumunuk aboka, lok ganya bolomna.

2 KORINTUS 13:10

Imik Neyung adya nak an eleganyok migib era, nimi malya nenelelulaʾ aboka eleganggubnyok bok, alda perobaʾ nenelelulaʾ aboka eleganyokaʾ anasa, wera na yanamna sum era, Imik Neyung adya pe unuwolululaʾ aboka eleklenel migiba doboka, gasaʾ anyek dukaʾ lolom-lolom hisinyek aboka, ban momnya donaʾ enera, nara ugun gangganek an unaʾ orok salek men beibsin.

2 KORINTUS 13:2

Wenera, ugunub nab dara, mok bokdangoka ulumab bok, penenya sum enyek neksisa sok, wen neknesin. Wera, nak ugunuk an yanamna sum era, men unu meknemek nim ek hnon, yok nim ek hnon igin eleklemnesinaʾ ara denganaʾ orok ubnamlaʾ anasa, orowek neksin.

2 KORINTUS 6:6

Onoʾ geisa unaʾ adya hnon, ella danganaʾ adya hnon, igina siklebmouboka unaʾ adya hnon, perob unaʾ adya hnon, Geisinya lomok unaʾ adya hnon, munaʾ gobdo wanaʾ unaʾ adya hnon, laga amalamab.

GALATIA 1:20

Imik Neyung hogung ak aldib lebna, adya momnya dobnaʾ banera dib ubna, sondaʾ ak ubnenggubna.

PILIPI 1:8

Nara Yesus Kristus lomok uboka, wanaʾ uboka, ugunuk hyak eibsisinya senewoka ulusinya nera, Imik Neyung anaba alda ella ulunel.

1 TESALONIKA 2:5

Nunda ugunuk ara perob-perobaʾ yub edya meka lelewoka lebnenggusuba, orokaʾ anaba malya ubsinob senewoka hnon, ugunuk bob leregiyiweisinob senewoka Imik Neyung yuba leb eleganggubsuba. Imik Neyung ara ella ulumla!

1 TIMOTIUS 1:20

Wera unumek nim era, hnonda Himeneus beb, Aleksander beb ulurak an. Dara, ban penya nang era, Imik Neyung si malya nenenaʾ anyek lobdurukaʾ aboka, nadya Satan bek doboka elegeisisa.