2 KORINTUS 1:22 - PERJANJIAN BARU NALCA YUBA

²² Onoʾ Imik Neyung adya, nuk ouma debsuukanya, alja Geisinya bera aljaʾ nunja ganya lomok eleganesin amokaʾ anyek dib eleganesin an beknaʾ elegosuk.

2 KORINTUS 1:22 Խաչաձեւ Հղումներ

EPESUS 4:30

Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.

2 KORINTUS 5:5

Wera ban imik nong ongowanamak aboka meewoka beillilesilnya be Imik Neyung adya ok unulusil. Onoʾ alja dara, Geisinya anyek aldib unuwanesin an beknaʾ elegousuk.

YOHANES 6:27

Anasa wera, ugunda blolomla songa lelemla gwaneng emba yeiriwoka wenggom mem. Nimi nonga ganya embengaʾ nenelesil gwaneng enesa, yeiriwoka welelulum. Ban gwaneng era nimi dibaʾ me adya eleganesil. Alja neyung bedya pe unulamna aboka alak beknaʾ beiyimok anasa, alja ugunuk eleganesil,” hyok.

WAHYU 9:4

Dara onoʾ kweng gong danyek ara, holaʾ ak denggunulum, gal meklaʾ gom, embengaʾ ulumla digum gom ara, denggunulum. Alda sik asok ak Imik Neyung beknaʾ denesinaʾ orok nim enyek ok, delemnelum aboka orugosuk.

ROMA 8:23

Nera sikinok gom, bok numba Geisinya men perob eleknaʾ seleb dowub nang eneba, me anasoʾ anyek somowanasil salek, nunja nonga blebnesil sum emba, numbabya nunja nong era ganya obdangdo diri ulumab.

ROMA 8:9

Bok Imik Neyung Geisinya ugun nong lomok seleb ulusil dara, ugunda nimi ganya adya bo unggulusil, bok Geisinya adya bo ulusil. Bok onoʾ nimi be hnon Kristus adyaʾ Geisinya unggulumla dara, alda Kristus bedyinya unggulumla.

WAHYU 7:3

lelemokja, ”Nunjaʾ Imik Neyung bedya wa wen nang ek, mem an beknaʾ enyek asok ak anam denewanggumeibya bok dara, soko ab mek gwan ab gal donggala nidyaʾ, soldel meneknaʾ ara mem!” alamok.

2 TIMOTIUS 2:19

Bok, Imik Neyung adya ikimok egomnaʾ era, hyak mel-mel arob nong. Egomnaʾ eilibek ara lero momnya dobokja, ”Wenelesilnya bera alja nimi yokaʾ ak ella ulusil;” onoʾ, ”Nimi hnon nara Wenelesilnya bedyinya ulumna aldalalanya bera, alda malya unaʾ ara, hyak gobdo lobnamso.”

ROMA 4:11

Dara, alda anam bolaʾ garawanggumek bok, alja ganya dib senenaʾ adya alak perobaʾ nenemokaʾ ara, seleb ulumokaʾ anasa, ban bolaʾ garanaʾ ara, beknaʾ dibaʾ momnya donaʾ ak dib denenaʾ anasoʾ ak ara, dobok. Wera anasa, alda nimi nidyaʾ bolaʾ garasinaʾ orok dib senelemak nang edya sikjaʾ neyung be dok, anedya ban perobaʾ nenesinaʾ ara sikbabya dobnok aboka unuwok.

WAHYU 2:17

”Heknya o yakaʾ ara, Imik Neyung Geisinya adya yuba donaʾ nim ek lelemlaʾ ara, pe keblul! Heknedya malya unaʾ ak ab oblamaganalanya bera, doknowoka ulumla mana gwaneng delom aboka elegoka, nadyaʾ geisa dangman girik era benyek eleganamna. Ban girik enyek ara, yok nim elgom ulumak. Alda sik dobnemak nim edya ok ella ubnemak wenyok si nenyek, momnya dorob girik ek eleganamna,” aro momnya dobnelam, hyok.

YOHANES 3:33

Bok, alja lelemla yuba dib dololanya bedya dara, alda dolomlaʾ adya, Imik Neyung ara alda dib nongnya ulumla aboka laga amalamla,” hyok.

1 TESALONIKA 4:8

Anasa, ben hnon ara ban yuba blekoka lolomla dara, nimi yub ak gom, alja Geisinya eleklesil Imik Neyung bedya yub ak blekoka lolomla.