2 KORINTUS 1:19 - PERJANJIAN BARU NALCA YUBA

¹⁹ Anasa Imik Neyung bedya me Yesus Kristus si anyek, Silas bedya gom, Timotius bedya gom, nadya gom, leb elegousubnya nenyek dara, or, orokaʾ ak sene bobnenewoka lebnenggusub. Al Yesus ak dara, ”Or” anaʾ ok ulumla.

2 KORINTUS 1:19 Խաչաձեւ Հղումներ

IBRANI 13:8

Anasa, Yesus Kristus ara youmaʾ hnon, wen hnon, eimik hnon, neikaʾ ok sobaʾ ulmorulamla.

WAHYU 1:17

Nara benyek eilil yabasa dara, na nong ara somoganya benesoʾ ak, aljaʾ yan berem glob lobsa. Bok aljaʾ sirik soruk era nak diyiwoka lebnyokaʾ ara, ”Anda lok ganya bonggom, mem. Nara men youboka ulusenya bera, onoʾ eimik sidyaʾ daknananya ulumna.

2 YOHANES 1:9

Kristus adya neklesuk yub ek pe salalmoubnaʾ loboka, Kristus adya yub ak pik aklel hwilimak nim era, sikda Imik Neyung orokaʾ ak ulumak. Alda Kristus adya neklesuk yuba lomok pe ululanya bera, neyung Imik Neyung anaba, alja me neneba yakaʾ ak ulumla.

WAHYU 2:18

Tiatira heikek yuba donaʾ nimi lero ek ban unuwoka momnya dobnelam: ”Ban yub enera Imik Neyung bedya me, alja heng era uk bokaʾ laralamlaʾ anaso uboka, alja yan era gabya silikaʾ uka damnaʾ ak seng-sengaʾ mengewoka delemlaʾ sokaʾ ak delelanya bedya, yub ek ulumla.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

WAHYU 1:8

Wenelesilnya Imik Neyung wen ulumlaʾ, youmaʾ men ulumokaʾ ara, onoʾ eimik yanalanya bera, onoʾ hyak senenggomaʾ migib ululanya bedya dara, ”Nak danyek, men ub einiwasenya bera onoʾ eimik sidyaʾ dakoka ubdaknanya ulumna,” alamla.

RASUL 18:5

Wera Silas beb, Timotius beb dara, Makedonia mok eb ara, seleb Korintus moka yarek dara, Paulus bera yok wa loboka, Yahudi nang ek Kristus anyek, Imik Neyung adya nimi blebsinaʾ dubnya eleganesin aboka orowek lemoknya bera, Yesus anasa lemok aboka yuba sobaʾ lel eleklesuk.

WAHYU 1:11

Wera ban yub enedya nak, ”Anja seleb eiblamaʾ ara nidyaʾ momnya doboka, an momnya dobmen buku era, ban sekbadya heikek yuba donaʾ nim ek, Epesus, Smirna, Pergamus, Tiatira, Sardis, Filadelfia, anya Laodikia heikek hnon, beibnelam,” henyok.

1 YOHANES 1:3

Wera ugunub nub neikaʾ ganya kwebdangoka ulunobaʾ aboka, nunja seleb heng eiyimouba o kemoubaʾ anyek, ugunuk lel eleklesab. Nunja ganya kwebdangoka ulumabnya nera, Neyung beb, alja me Yesus Kristus ab, neikaʾ ganya kwebdangoka ulumab.

2 PETRUS 1:17

Imik Neyung adya Yesus ak giboka imik nenewokaʾ ara, numba ok ulumoub bok ubok. Ban sum imik senenggom heikek ab yuba kebubaʾ ara, ”Nadya wanaʾ ulumna me nera ban. Alja nadya ganya hekel eleklenel!” hyok.

IBRANI 1:11

Yokaʾ-yokaʾ nidyaʾ ara ongon boksom anasoʾ ak gweldekoka denghenemla bok anak dara, mekaʾ denghenggunulam.

RASUL 15:22

Dara, Imik Neyung yuba lenaʾ gak nang eb, yuba dam nang eb, nidyaʾ Imik Neyung yuba donaʾ nim eb, mamagoka yuba saboka nimi wenen nang Barnabas Paulus ab neikaʾ Antiokhia heikek binok aboka bokol binimab aboka lemek. Dara, sikda yuba saboka, Silas beb, Yudas bok yok si nera Barsabas alameknya beblaboka, neikaʾ bokol bilisik. Dara ban penya nang dara, Imik Neyung mab adya sikenek hyak perob senesik nang ek sekiyisik.

RASUL 9:20

Dara nenyek moruwoka, Yahudi nim edya yuba don e pik biniboka, nimi yok nang ek, Yesus ara aldib Imik Neyung bedya me dibaʾ aboka lel eleklesuk.

RASUL 8:36

Wera sik penya dara, pikik anam balareekanya, wera meka ulumokaʾ ak sam yok sam birik. Dara, Etiopianya bedya, ”Wera, mek ara an ulumla anyek kendelom. Anasa wera, nak ara hekaʾ mekso ulunel anasa, meka danenaʾ ara lobnenelem do?” hyok.

YOHANES 20:31

Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.

YOHANES 19:7

Bok, Yahudi nim edya Pilatus bek, ”Nunja Yahudi nang yuba momnya dobok sok, Yesus adya al damnya, Nara Imik Neyung bedya me, aldalamlaʾ anasa, alda or somogolul,” alamek.

YOHANES 8:58

Dara, Yesus adya sikenek, ”Ugunuk dib lebsin, Abraham bera anam unggulumok salek, nak men ulumsa,” hyok.

YOHANES 6:69

Anak danyek, Imik Neyung adya geisaʾ ak bokol yeilinjoknya ululamaʾ ara, nunda dib senewoka ella ulunjab,” hyok.

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

YOHANES 1:49

Dara, Natanael bedya, ”Rabi o, anda Imik Neyung me ululam, anda Israeli nang edya senenggom dubnya ululam,” hyok.

YOHANES 1:34

Dara, ban eiyimsakanya, ban benera, Imik Neyung alja me ulumlaʾ ara alan aboka laga lelesin,” hyok.

LUKAS 1:35

Wenyek lero enedya saaboka, ”Imik Neyung Geisinya ara an nong ak yanamlakanya, Imik Neyung hyak imik migibaʾ ululanya bedya migib era anak golul yanenggel. Anesemba, anja eimik beibnelam me nera, alda Imik Neyung bedyaʾ geisa me alamnemak.

MARKUS 1:1

Imik Neyung bedya me Yesus Kristus amba perob lero yanggan yuba men leb einiwok yub era ban.

MATIUS 27:54

Dara yin bonaʾ nang dubnya beb, alja mab eb dara, sogoumaʾ warawokaʾ nidyaʾ unuru yibokaʾ ak eibek dara, hyak loka dabsuk. Anasa yin bonaʾ dubnya bedya, ”Aldib ban benera Imik Neyung bedya me ulumo e!” hyok.

MATIUS 27:40

Sikja wenyalamekaʾ ara, ”Imik Neyung e golowoka beibnyekanya, nadya dara, lika winilya ok sobnamna alalamnya benyaʾ! Anya, anda aldib Imik Neyung me ulumen dara, wera oboka glanjakaʾ al ab, buru beiya yinggimenekanya, saaboka blebdalom!” wenyaboka walamek.

MATIUS 24:35

Anya, im ab soko ab dara, dengaro lobnalabok, nadya yub ek dara, dengaro lobnenggunumla,” hyok.

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

MATIUS 3:17

Anya imik sam ab yub adya Yesus anasa, ”Nadyaʾ wanaʾ me nera ban e, alja nadya ganya hekellilinel,” hyok.

YOHANES 20:28

Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.

MATIUS 4:3

Dara Iblis adya Yesus ak yeiniboka, ”Anda Imik Neyung me ulumen dara, banyan girik danyek gwanenga nenewanelam,” hyok.

RASUL 16:1

Wera Paulus bera balamok ara Derbe heikek ab uboka dara, onoʾ Listra heikek byuk. Dara, anyagan ara Yesus ak yuba doro diriga balamoknya si Timotius ben hnon ulumok. Alja genong gera Yahudi nimi yokaʾ bok, Yesus ak dib senewoka domok gel. Bok alja neyung bek dara, Yunani nang ulumok.

2 KORINTUS 1:1

Nadyaʾ hemyab, Imik Neyung yuba donaʾ nim Korintus heikek ululum nim eb, Akhaya sokok sam munaʾ Imik Neyung mabo nidyaʾ ab, hemyab o! Nara Paulus bedya, Yesus Kristus adya yuba lenaʾ gaknya, Imik Neyung adya senemokaʾ sunuwoka sekiyiwanyoknya bedya, nunjaʾ hem be Timotius beblaboka,

1 TESALONIKA 1:1

Paulus beb, Silvanus beb, Timotius beb dadya, Tesalonika heikek yuba donaʾ nim ek momnya donaʾ en beibsab. Ugunda Imik Neyung lomok ululumukanya, Wenelesilnya Yesus Kristus lomok ululum. Dara, wanaʾ uboka eleksinaʾ hnon, namen ganya bonaʾ hnon, ugunuk elegousulul.

2 TESALONIKA 1:1

Hem yabo Tesalonika heikek yuba donaʾ nim, nunjaʾ neyung Imik Neyung mabo dangoka Wenelesilnya Yesus Kristus mabo dangalum nim ek,

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

1 PETRUS 5:12

Nadya ban burum momnya donaʾ beibsinaʾ anara, Silas benya arawoka beibsinem. Nadya dara, Silas bera nunjaʾ hem be yuba donaʾanya bojamnya bek ulumla. Nadya ban weboka beibsinaʾ anara, Imik Neyung adya perobaʾ eleklesilaʾ dibaʾ anyek, ugunuk unuwaneseng senewoka, unuwanalumaʾ anyaʾ aboka beibsin. Ugunda ban unu eleklesilaʾ anyek pe salabmoubuka ulululum.