2 KORINTUS 1:17 - PERJANJIAN BARU NALCA YUBA

¹⁷ Bok ban nidyaʾ unu seinisenya nera, nadya ganya kaboka seininaʾ orok adya ubsa de? Nara yokaʾ-yokaʾ unuwanamna senewoka sunulamna dara, nadya ok ganya doboka salyaʾ seinilamnakanya, wera nabeyok ”Or, or,” henekanya, onoʾ ”Orok, orok,” alamna de? Orok e.

2 KORINTUS 1:17 Խաչաձեւ Հղումներ

MATIUS 5:37

Yokaʾ-yokaʾ nauba dara, bisaʾ ak ab yalamla anasa, Yo gom, Orok gom, ok leblulum,” hyok.

YAKOBUS 5:12

Hyak men mem nongaʾ ara, ugunda im ak si sibuka, soko ak si sibuka, yokaʾ-yokaʾ ak si sibuka laga dib unuwanamna aboka mema lenaʾ ara hyak mem. Imik Neyung adya igina yakaʾ boyiwesilyek anasa, ugunja lebnemunaʾ ara dib dara, ”Yo” hululum, sondaʾ danalyebok dara, ”Orok” hululum.

YOHANES 8:15

Ugunda nim adya unulumaknya nenesa sunuwoka yana lelelelum bok, nak dara, nimi hnonok sibin anaba yana kinggulusin.

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

1 TESALONIKA 2:18

Nunda ugunuk kemel yanasab senewoka ulumoubukanya, anya nak dara, li hnonok penya anaso sunuwasebok, Iblis adya pika garab menegoka ubnyok.

GALATIA 2:2

Imik Neyung adya or Yerusalem heikek binilam aboka aawoka nekenyokaʾ anasa, bilimsa. Wera Yerusalem heikek ara, hnonda si sinaʾ nang eb neikaʾ longowouba dara, nadya Yahudi gom nim ek perob lero yanggan yuba lel eleklamsaʾ anyek, neksisa. Nera youmaʾ wesenya gom, eimik welemnenanya gom anyek, hnon nim era salyaʾ lelem welemla seneweneijek aboka, si sinaʾ nang ok gelelenga neksisa.

GALATIA 1:16

Dara perob lero yanggan yuba aljaʾ me nembaʾ ara, Yahudi gom nim ek leb elegolulaʾ aboka, Imik Neyung alja me nera, nak an okoka amanyok. Wera an Imik Neyung adya perob senemookanya unuwanyok sum era, nim adya hnon makoka be hnon neknululum aboka molol binggumsa.

MATIUS 1:19

Yusuf bera Imik Neyung ak pelemoknya bek adya, alja molob lomok gel ge me boboka dara, Maria gera nimi hnoum laga lobnamna dara, alya dablyek senewoka, gelelenga lobnamna senewoka ganya lomok unu seinimok.

2 KORINTUS 11:18

Ugunja dara, nunda geremseng nang seneldalalumaʾ adya, nimi dongdang anaʾ nang ek ara, or namenaʾ siklewoka ululumaʾ anasa, nimi nauba sokok an ulumlaʾ ak sunuwoka nonggo alamakaʾ anasa, wera onoʾ naba nonggo henemna.