1 YOHANES 5:20 - PERJANJIAN BARU NALCA YUBA

²⁰ Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

1 YOHANES 5:20 Խաչաձեւ Հղումներ

MATIUS 13:11

Anasa Yesus adya sikenek ara, ”Ugunuk dara, Imik Neyung adya wenelemnesilaʾ damok ara, gunuwoka elegosukaʾ adya ella ululum bok, sikenek dara, eleganggom anasa lelemna.

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

LUKAS 24:45

Dara onoʾ Yesus adya, Imik Neyung yuba momnya domokaʾ ara anasa aboka ella danokaʾ aboka, sikja ganya bakdebsuk.

YOHANES 1:18

Nimi hnonok adya, Imik Neyung bek heng eilinaʾ sibin anaba orok bok, Imik Neyung alja me hnonok ara, alja neyung beb neikaʾ lelewoka uluraakanya, nadya neyung bera ban anaso ulumla aboka nuk amasuk.

YOHANES 10:30

Nab Neyung beb dara, hnonok ok ulunam,” hyok.

YOHANES 14:20

Ban sum enyek, nara Neyung bedyaʾ nong lomok uboka, ugunda nadyaʾ nong lomok uboka, nara ugun lomok ulumnesinaʾ ara, ban sum enyek ella danalum,” hyok.

YOHANES 14:23

Yesus adya dara, ”Ben hnon nak wanaʾ ulunelya dara, alda nadya neklesin yuba sunuwoka ulumnamla. Dara, nadyaʾ neyung bedya alak wanaʾ ulumnamlakanya, Neyung beb, nab alak yeinima dara, alab neikaʾ ulumnamab.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 14:9

Yesus adya alak, ”Pilipus o, nara ugunub sobaʾ neikaʾ ulumab bok anasa, anda nak anam elgom ulunelem de? Heknedya nak eibnelya dara, wera Neyung bek seleb eiyiledya. Anasa, hekasa Neyung bek aaweisilom alalam do?

YOHANES 15:4

Ugunda nablaboka kwebdangoka ulumnamab dara, nara ugunub kwebdangoka ulumnamab. Gal soruk ara albeyok doka moubnenggunumso bok, gal nong ok ulumso dara, moubnamso. Anasonya neikik, ugunda nablaboka kwebdangoka unggulumnesibya dara, doka mounggulumnusom.

YOHANES 17:14

Neyung o, anja yub enyek sikenek seleb leb elegesisaakanya, nara sokok anyebnya unggulumna sok, sikba sokok anyeb nang unggulumakaʾ anasa, wera sokok an yokaʾ nim edya sikenek lek senelesak.

YOHANES 17:25

Neyung perob ok ululamnya o, sokok an yokaʾ ara anak elgom ulunjak bok, nak dara, anak ella ulunggen. Dara, elegenulum nang edya dara, anda sokok an bokol yeilinulumaʾ ara, dib senelemak.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

YOHANES 20:28

Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.

YOHANES 8:42

Dara, Yesus adya Yahudi nang ek lebokaʾ ara, ”Imik Neyung ara ugunja neyung be yokaʾ ulumso dara, nara nabeyok ganya doboka salyaʾ lelem sokok an yanggubsa bok, Imik Neyung adya bokol yeilinyok anasa, ugunda nak wanaʾ ulumnesom.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

ROMA 9:5

Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

2 KORINTUS 5:17

Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

EPESUS 3:18

ugunda yok munaʾ Imik Neyung mab ab, nidyaʾ hiboka Kristus adya wanaʾ unaʾ ara, har so waran ulumla, har so denebaʾ ulumla, har so imik ulumla, har so sokok ulumlaʾ anyek, olowoka ella dolululumaʾ aboka mololesin.

PILIPI 3:9

Anya aldib nara Kristus lomok ulunun senewoka unumsa. Nara Imik Neyung ak ganya kwebdonumaʾ ara, nadya ganya doboka nim adya unuwanalum an yub eboka dobnenggubsa. Wera nara Imik Neyung ab perobaʾ lebdangoka ulunamaʾ ara, nara Kristus ak dib senemsaʾ adya ulumna. Anasa ban unu Imik Neyung ab kwebdangoka jong ulumak unaʾ era, Yesus Kristus ak dib senelemakaʾ nong adya ok dangalamla.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

IBRANI 1:8

Bok alja me nemba dara, Imik Neyung adya dara, ”Wei Imik Neyung o, an bululam oulyang era sobaʾ ulmorulumnamla! Anja wenewoka bo ulumnesilimaʾ ara, hyak perob jong unaʾ enyek lelewoka wenelemnesilim e.

1 YOHANES 2:23

Alja me nek, Imik Neyung me aboka laga lenaʾ orok nim era, Neyung bek anaba dib donggulumak. Alda alja me nek, Imik Neyung bedya me aboka lelemak nim era, wera nera Neyung bek dib dolomak.

1 YOHANES 2:24

Anasa wera, ugunda anam yuba dib seneb einilum sum kelum yub era, ganya lomok beiyiwoka pe keeboka diri ulululum. Yuba nong enyek pe keeboka diri bo ulumnelum dara, wera ugunda sobaʾ Imik Neyung ab, alja me neb neikaʾ kwebdangoka ulumnelum.

1 YOHANES 2:6

Heknedya nara Imik Neyung ab neikaʾ kwebdangoka ulunam wenyalalanya bera, alda Kristus adya nidyaʾ unulumok diligaʾ doboka lunuwoka unululul.

1 YOHANES 4:14

Imik Neyung bedya me nera, Imik Neyung adya soko nimi blebsinaʾ dubnya dolulaʾ aboka bokol yeilimokaʾ anyek, nunja seleb okoka eiyimoubakanya, nim ek leb elekdo yabalamab.

1 YOHANES 4:16

Dara nuk dara, Imik Neyung adya nuk wanaʾ ulusilaʾ ara, nunja ella dangoka dib senelemab. Imik Neyung alda wanaʾ unaʾ damoknya ulumla. Nimi wanaʾ unaʾ adya ok deknewoka ululanya bera, alda Imik Neyung ab neikaʾ hiboka uluraakanya, onoʾ bera Imik Neyung ab neikaʾ kwebdangoka ulurak.

1 YOHANES 4:2

Wera ugunja nera, Imik Neyung ak ab ganya seininaʾ ara ban, anya yok seininaʾ era ban, aboka okoka beknaʾ ella danalumaʾ ara, ban adya ella danalum: Yesus Kristus ara sokok an nimi dangoka yeilimok aboka, laga lelelanya benyek, wera Imik Neyung ak ab seinilelanya bera an.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.

1 YOHANES 5:15

Dara, nunja yokaʾ-yokaʾ alak mololemab dara, nunja molonaʾ kelesil senewoka seleb ella ulumab dara, onoʾ nunja yokaʾ-yokaʾ mololemabaʾ ara eleganesilaʾ anyaʾ senewoka ella ulumab.

1 YOHANES 5:18

Nimi nidyaʾ Imik Neyung mabo seleb dangamek nim era, sob-sobaʾ malya unulmorunggulumakaʾ ara nunda ella ulumab. Nera Imik Neyung alja me adya sikenek goluwoka bo ulusil dara, bisaʾ ara sikenek yokaʾ-yokaʾ hnon ununggulusil.

1 YOHANES 5:5

Heknedya sokok an yokaʾ-yokaʾ ob lamaganamso do? Al Yesus ara Imik Neyung bedya me yokaʾ ulumla aboka dib senelelanya bedyok ol lamaklamla.

WAHYU 15:3

Dara, Imik Neyung wa wenya Musa beb, domba me ab, sikja seblemek bera era anaso: ”Imik Neyung, hyak migib nongnya ululam. Anja unululamaʾ ara hyak omom nongokanya, hyak senenggom! Nidyaʾ mok soko amba wenewoka bo uboka, senenggom dubnya ululam. Anja unulusilimaʾ ara pe beknaʾ sunuwoka, yana lelewoka, perob ok unululamnya.

WAHYU 19:11

Dara onoʾ hnon eimik so danyek, imik heikek ara gaboka, wera nim abaksin pama, kul pam ek eibsa. Pam en abagemoknya bedya alja si nera Bojam hwam uboka, dib nongnya aboka simek. Alda nimi henga goubnaʾ ab, mala weboka oldanaʾ ab dara, pe senenya loboka yana lelelesil.

WAHYU 3:14

Laodikia heikek yuba donaʾ nim lero ek unu momnya dobnelamaʾ ara: ”Ban yub enera, Amin, yo aldib anaʾ damnya, yokaʾ-yokaʾ eiyiwoka aldib ulumla aboka, bojam uboka dib nong ok lelelanya, anya Imik Neyung adya yokaʾ-yokaʾ uyiwokaʾ nidyaʾ gaknya bedya yub era ban.

WAHYU 3:7

Filadelfia heikek yuba donaʾ nimi lero ek ban unu momnya dobnelamaʾ ara: ”Ban yub enera, hyak geisa uboka, hyak dib nong ululanya bedya yub era ban. Dara, Daud bedya pik baknaʾ era alja bo ulumla. Alja pika baknamso dara, nimi yok nang edya seregamenggom, anya onoʾ alja sereganamso dara, yok nang edya anaba baknamenggom.

WAHYU 6:10

Anya sikda hyak yeiriwoka bii aboka, banaso wenyalamek, ”Ai, hyak migibaʾ senenggomaʾ yangawolumnya, hyak geisikanya, aldib ok unululamnya o, anda nunja eneng emba leboka, sik sokok ulumak nang ek diriknaʾ ara, lika hekbadya so ublya ek yana lelenaʾ lolomnalam do?” hyek.