1 YOHANES 5:1 - PERJANJIAN BARU NALCA YUBA

¹ Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.

1 YOHANES 5:1 Խաչաձեւ Հղումներ

MATIUS 16:16

Dara Simon Petrus bedya, ”Neyung, anda Kristus, nimi blebsinaʾ dubnya ululam. Anda Imik Neyung embengaʾ ululanya bedya me ululam,” hyok.

LUKAS 7:5

Alda nunja sokok an nim ek wanaʾ uboka, Yahudi nim edya yuba don e sonaʾ hnon alja arawoka ulusil anasa,” aboka okoka lebek.

YOHANES 1:3

Yokaʾ-yokaʾ nidyaʾ ara al adya uyimok. Yoknya nedya, hnonok sibin anaba uyiwanggumok.

YOHANES 15:23

Nak lek senelelanya bera, nadyaʾ neyung bek anaba lek senelamla.

YOHANES 3:3

Dara, Yesus adya Nikodemus bek, ”Nara anak dib lebgen, Nimi ben hnon penya beilinaʾ anam orok dara, alda Imik Neyung wenesin heikek sam ara mekaʾ eibnenggunumla,” hyok.

YOHANES 6:69

Anak danyek, Imik Neyung adya geisaʾ ak bokol yeilinjoknya ululamaʾ ara, nunda dib senewoka ella ulunjab,” hyok.

YOHANES 8:42

Dara, Yesus adya Yahudi nang ek lebokaʾ ara, ”Imik Neyung ara ugunja neyung be yokaʾ ulumso dara, nara nabeyok ganya doboka salyaʾ lelem sokok an yanggubsa bok, Imik Neyung adya bokol yeilinyok anasa, ugunda nak wanaʾ ulumnesom.

RASUL 8:36

Wera sik penya dara, pikik anam balareekanya, wera meka ulumokaʾ ak sam yok sam birik. Dara, Etiopianya bedya, ”Wera, mek ara an ulumla anyek kendelom. Anasa wera, nak ara hekaʾ mekso ulunel anasa, meka danenaʾ ara lobnenelem do?” hyok.

RASUL 8:37

Dara Pilipus bedya Etiopianya bek, ”Neyung o, anda hyak Yesus ak ganya gekman dib senewamen dara, wera meka dabnenggen,” hyok. Dara Etiopianya bedya, ”Nara Yesus Kristus ara Imik Neyung bedya me dib ulumla ara dib senelamna,” hyok.

YAKOBUS 1:18

Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.

1 PETRUS 1:3

Nunda Imik Neyung ak nunjaʾ Wenelesilnya Yesus Kristus alja giblelanya aljaʾ neyung bek gibnemab! Alda nuk angoo yadyek senewoka arasukaʾ sunuwoka, Yesus Kristus somoknaʾ ak ab embengaʾ suboka bukiyiwokaʾ adya, wenyek embeng unaʾ ara nuk elegosuk. Ban adya ganya welmorunaʾ ganya nuk elegosuk.

1 YOHANES 2:10

Alja hem yab ek wanaʾ uboka ululanya bera, alda dilinaʾ ak pe ulumla. Wera anadya alak yokaʾ unuwalya dara, yok nimi malya unaʾ lomok malyinggijek senenaʾ ara, oluk diknaʾ hyak unggulumla.

1 YOHANES 2:29

Alda pelemlaʾ ok ulumlaʾ ara, ugunda ella ululum. Anasa, pelemak nimi nidyaʾ ara, anera alak ab beiyimek nim ulumakaʾ ara, ugumbabya nen hnon ella ululum.

1 YOHANES 3:14

Alda nunja ella ulumabnya nera, nunda somoknaʾ damok ok ab ara goubuka, embengaʾ unaʾ damok ok sam yeilimoubnya hnonok, ella ulumab. Nunda ban nen ella ulumabaʾ ara, nun kabo nim ek wanaʾ ulumabaʾ adya, anara ella ulumab. Wanaʾ unggulusilnya bera, wera weneba alda somoknaʾ lomok or anam ulumla.

1 YOHANES 3:17

Nimi ben hnon alda sokok an yokaʾ-yokaʾ ara pe nauba ululabok, alkabo ben hnon bonaʾ garan ulumlaʾ eilliladyok, aranaʾ loboka eil lolomla dara, ban unululanya bera, alda Imik Neyung ak wanaʾ ululanya bera an heneseng de?

1 YOHANES 3:9

Seleb Imik Neyung mabo dangamek nim era, Imik Neyung alja unulamla diligaʾ yinaʾ anaso seleb sikenek ulusilaʾ anasa, sobaʾ malya unubmoruwamenggom. Dara onoʾ, sikda Imik Neyung adya mengesuk nim anasa, wera sob-sobaʾ malya unubmoruwamenggom.

1 YOHANES 4:2

Wera ugunja nera, Imik Neyung ak ab ganya seininaʾ ara ban, anya yok seininaʾ era ban, aboka okoka beknaʾ ella danalumaʾ ara, ban adya ella danalum: Yesus Kristus ara sokok an nimi dangoka yeilimok aboka, laga lelelanya benyek, wera Imik Neyung ak ab seinilelanya bera an.

1 YOHANES 4:20

Nimi ben hnon leleladya, ”Nara Imik Neyung bek wanaʾ ulumna,” alaladyok, alkabo nim ek wanaʾ usinaʾ orok dara, alda sondaʾ lelelanya ulumla. Anasa wera, nimi ben hnon alkabo heng eillililanya benyek wanaʾ unaʾ orok dara, wera Imik Neyung heng eilinggululanya bek ara, alda hekaʾ huboka wanaʾ ubnamso do?

1 YOHANES 4:7

Nadya wanaʾ ulusin hemyabo nim o! Wanaʾ unaʾ ara Imik Neyung ak ab lanalamlaʾ anasa, nunda wanaʾ uldalamnemab e. Wanaʾ ganya ululanya bera, alda Imik Neyung adya beiyimoknya ulumlakanya, alda Imik Neyung ak ella ululanya bera an ulumla.

1 YOHANES 5:18

Nimi nidyaʾ Imik Neyung mabo seleb dangamek nim era, sob-sobaʾ malya unulmorunggulumakaʾ ara nunda ella ulumab. Nera Imik Neyung alja me adya sikenek goluwoka bo ulusil dara, bisaʾ ara sikenek yokaʾ-yokaʾ hnon ununggulusil.

1 YOHANES 5:4

Anasa wera, Imik Neyung mab ulumak nim era, sokok an malya unaʾ hwam ulumlaʾ ara, migib adya ol lamaklamak. Dara onoʾ nenyek dara, nunja dib senenaʾ adya ara, sokok an yokaʾ-yokaʾ ol lamaklamab.

1 YOHANES 5:5

Heknedya sokok an yokaʾ-yokaʾ ob lamaganamso do? Al Yesus ara Imik Neyung bedya me yokaʾ ulumla aboka dib senelelanya bedyok ol lamaklamla.