1 YOHANES 4:17 - PERJANJIAN BARU NALCA YUBA

¹⁷ Sokok anyeb, numba Kristus ulumla sok, unu ulumeibya anasa, Yesus adya yana lelewanasil sum era, wera asaʾ ganya bobnemab aboka, wanaʾ unaʾ ara nu lomok kalasil.

1 YOHANES 4:17 Խաչաձեւ Հղումներ

MATIUS 10:15

Ban dib lebsin, Soko sidyaʾ daknamla sum era, Sodom heik nim eb, Gomora heik nim era, Imik Neyung adya dara, sikenek igina kwesinaʾ ara mek so bok, ugunuk lek henesak nim ek dara, igina nauba danamla!” hyok.

MATIUS 10:25

Neklamna me nera, eilibe neklenanya beneso dan dara, anya arawoka wa welenanya bera, alja wa welenanya beneso dan dara, nera al seleb perob dangalamla. Sikjaʾ neyung benyek babya si Beelzebul aboka sibuk dara, wera nidyaʾ aljaʾ ek an ulumak nim era wanok,” hyok.

MATIUS 11:22

Ugunda banyek pe seiniwoka beknelum! Soko sidyaʾ daknamla sum era, Tirus mok nim eb, Sidon nim eb dara, or sikenek mek so obnesil bok, ugunuk dara, hyak nauba obnesil!

MATIUS 11:24

Ugunda banyek seiniwanalum, soko sidyaʾ daknamla sum era, Sodom nim ek dara, Imik Neyung adya sikja malya unaʾ amba mek so obnesil bok, ugunuk dara, nauba so obnesil!” hyok.

MATIUS 12:36

Anasa ugunda pe seiniwoka beknelum: Soko sidyaʾ daknamla sum era, nimi wen salyaʾ yuba saro ulumaknya nidyaʾ amba, Imik Neyung adya, anaso lelemek aboka, laga yana lelewanasil.

YOHANES 15:20

Wa wenanya bera, alja neyung bek ab imik so unggulumla seleb wenyamsaʾ ara, beklulum. Dara, sikda nak olonyek dara, ugumba olomnesak. Sikda nadya yuba kelenyek dara, ugumba ugunja yuba kelemnesak.

YOHANES 17:22

Neyung o, numba hnonok hiboka ulunam sok, sikbabya hnonok hiboka ulunokaʾ aboka, wera anja si imik danganaʾ nak elegenulumaʾ ara, onoʾ nadya sikenek seleb elegesisa.

ROMA 8:29

Anera hyak men danyek, alja nidyaʾ webesuk nang era, al sikinek alja me nedya diligaʾ dobnok aboka, men danyek alja sunuwoka bokosuk. Anedya, alda alja me nera, aljaʾ hemyabo gong ek ab uboka, yandonya dok.

IBRANI 9:27

Imik Neyung adya nim ara lika hnonok somoganamlaʾ seleb dara, eimik yana lelewanamna aboka seleb orowek garawok.

YAKOBUS 2:13

Anasa wera, Imik Neyung ara nim angoo yadyek senen ganya orok bok yana lelelemak nang ek, albabya angoo yadyek senenaʾ loboka yana lelewanesil. Angoo yadyek senewoka arasinaʾ ara hyak migib nong ak ululabok, nimi yana lelenaʾ ak dara, or mek so ak ulumla.

YAKOBUS 2:22

Nunda pe ulumnemab aboka dara, nunja dib senelemabaʾ anyek beknaʾ dolulaʾ aboka dara, wera nunja perob nong un unaʾ enyek, pe laga unulunob.

2 PETRUS 2:9

Anasa ban eini lebmanaʾ adya eillilemab. Imik Neyung ara alak ella uboka, pe ulumak nim era, sikenek yokaʾ-yokaʾ adya geregoka malya nenelesil sum era, har so blebnamnaʾ ara pe ella ulumla. Dara onoʾ Imik Neyung ara, nimi malya ulumak nim era sidyaʾ daknamla sum ek henga geregoka yana lelewanamna senewoka, ban amba bo unaʾ ara alda ella ulumla.

2 PETRUS 3:7

Bok wen an ulumla im eb soko ab dara, Imik Neyung yub adya bo ulumlaʾ ara onoʾ eimik uka dabnamlaʾ ak ulumla. Wera soko ab im ab dara, Imik Neyung adya or bo ulumlyaʾ ara, nimi malya unaʾ hwam ok ulumak nimi yana lelewanesil sum enyek, uka dabnamla.

1 YOHANES 2:28

Najabo yab o! Anasa wera, ugunda Kristus ab neikaʾ sobaʾ kwebdangoka ulululum. Anadya wera, asaʾ ganya boboka al yalyaʾ ak binobaʾ aboka, alya anasa lomok doknoweibyek aboka pe keeboka ulululum.

1 YOHANES 2:5

Bok nimi hnon Imik Neyung yub ak pe keboka unululanya bera, alda Imik Neyung wanaʾ unaʾ ak seleb kaboknya be ulumla. Wera nunda Imik Neyung ab neikaʾ kwebdangoka ulumabaʾ damok ara an.

1 YOHANES 2:6

Heknedya nara Imik Neyung ab neikaʾ kwebdangoka ulunam wenyalalanya bera, alda Kristus adya nidyaʾ unulumok diligaʾ doboka lunuwoka unululul.

1 YOHANES 3:1

Imik Neyung adya nuk hyak nauba yadyek ulusilaʾ anyek, ugunda kendululum. Anadya wera, nuk nadya mab aboka si silisil. Dara aldib, nunda Imik Neyung alja mab ulumabaʾ aja. Anasa wera, soko nim era Imik Neyung ak mekaʾ elgom ulumakaʾ adya, nuk anaba elgom ulusak.

1 YOHANES 3:3

Nimi nidyaʾ ban nenyek nak unuwanenel senewoka ganya welemak nim era, al nong ara pe geisa ulunun aboka diri uldalamak. Wera Kristus anaba geisa ulumla sok, malya unaʾ ak ab loboka geisaʾ ak ulunun senelemak.

1 YOHANES 3:7

Najabo yab o, yok nim edya ugunuk malya ub elegosunuk senewoka, ugun moumen sene pika yaraldanggom mem. Kristus adya pe unulamla sok, onoʾ perob ok unulumak nim era, perobaʾ nenelamla nim era an.

1 YOHANES 4:12

Nimi hnonok sibin anaba, Imik Neyung ak ara heng eilinaʾ orok bok, nun moumen wanaʾ uldalamnemab dara, Imik Neyung ara nub neikaʾ kwebdangoka ulumnemabakanya, alja wanaʾ unaʾ ara, nun lomok kalasil.