1 YOHANES 4:15 - PERJANJIAN BARU NALCA YUBA

¹⁵ Heknedya Yesus ara Imik Neyung bedya me aboka laga lelemla dara, Imik Neyung ara al lomok ulumlakanya, bera onoʾ Imik Neyung lomok ulumla.

1 YOHANES 4:15 Խաչաձեւ Հղումներ

1 YOHANES 5:5

Heknedya sokok an yokaʾ-yokaʾ ob lamaganamso do? Al Yesus ara Imik Neyung bedya me yokaʾ ulumla aboka dib senelelanya bedyok ol lamaklamla.

ROMA 10:9

Anasa ugunda ugunja si bamaʾ adya Yesus ara wenelesilnya bek ulumla aboka laga lelemunukanya, ugunja ganya ara alda Imik Neyung adya somoknaʾ nang gangganek ab seleb subuka embengaʾ bukiyiwok aboka dib senelemun dara, blebnesil.

MATIUS 10:32

”Heknedya nimi hnoum ab, nara Yesus yuba doboka diriga balananya aboka laga lelemla dara, nababya neyung imik ululanya saramek sam ab uboka albabya laga lebnamna.

1 YOHANES 4:2

Wera ugunja nera, Imik Neyung ak ab ganya seininaʾ ara ban, anya yok seininaʾ era ban, aboka okoka beknaʾ ella danalumaʾ ara, ban adya ella danalum: Yesus Kristus ara sokok an nimi dangoka yeilimok aboka, laga lelelanya benyek, wera Imik Neyung ak ab seinilelanya bera an.

1 YOHANES 3:24

Nimi nidyaʾ Imik Neyung yub ak dib senewoka ganya ologoka dolomak nim era, Imik Neyung al lomok ulumaakanya, albabya sik lomok ulusil. Hnonda alja Geisinya era seleb nuk elegesukaʾ adya, wera Imik Neyung ara nu lomok ulusil senewoka ella ulumab.

PILIPI 2:11

Sikda nidyaʾ adya dara lebnemakja, ”Yesus Kristus anyek hnonok Wenelesilnya dibaʾ ulumla,” aboka laga lebnemak, dara wera anadya, neyung Imik Neyung ara alja si imik nenewanamak.

1 YOHANES 4:12

Nimi hnonok sibin anaba, Imik Neyung ak ara heng eilinaʾ orok bok, nun moumen wanaʾ uldalamnemab dara, Imik Neyung ara nub neikaʾ kwebdangoka ulumnemabakanya, alja wanaʾ unaʾ ara, nun lomok kalasil.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.

LUKAS 12:8

”Ugunuk dib lebsin, nimi ben hnon ara, nimi hnoum nara Yesus ak diriga bannya ulumna aboka laga lebnamla dara, albabya nimi dibaʾ me nedya Imik Neyung lero nang hogung ak sam laga lebnamla.

2 YOHANES 1:7

Nim ek sondaʾ bobnenewoka malya nenelesak nang era, mok soko nidyaʾ oboka lelewal. Ban lebna nang danara, sikja dara, Yesus Kristus ara nimi nonga dangoka sokok yeilimok aboka laga lenggulumak nang ulumak. Anasa ban nang danara, sondaʾ hwam nang uboka, Kristus adya alja isaʾ nang ulumakaʾ ara an.

YOHANES 6:56

Heknedya nadya nong soub eb, nadya eneng eb, delemlya dara, alda nadyaʾ nong lomok sam ulumnamlakanya, nababya alja nong lomok ulumnamna,” hyok.

1 YOHANES 2:23

Alja me nek, Imik Neyung me aboka laga lenaʾ orok nim era, Neyung bek anaba dib donggulumak. Alda alja me nek, Imik Neyung bedya me aboka lelemak nim era, wera nera Neyung bek dib dolomak.

1 YOHANES 2:24

Anasa wera, ugunda anam yuba dib seneb einilum sum kelum yub era, ganya lomok beiyiwoka pe keeboka diri ulululum. Yuba nong enyek pe keeboka diri bo ulumnelum dara, wera ugunda sobaʾ Imik Neyung ab, alja me neb neikaʾ kwebdangoka ulumnelum.

1 YOHANES 3:23

Imik Neyung adya unulululum aboka oruklesilnya nera an: Nunda alja me si Yesus Kristus ak dib senewoka, onoʾ Kristus adya nuk lebsuk sok, nun moumen wanaʾ uldalamnemab aboka oruklesil.

RASUL 8:37

Dara Pilipus bedya Etiopianya bek, ”Neyung o, anda hyak Yesus ak ganya gekman dib senewamen dara, wera meka dabnenggen,” hyok. Dara Etiopianya bedya, ”Nara Yesus Kristus ara Imik Neyung bedya me dib ulumla ara dib senelamna,” hyok.