1 YOHANES 2:28 - PERJANJIAN BARU NALCA YUBA

²⁸ Najabo yab o! Anasa wera, ugunda Kristus ab neikaʾ sobaʾ kwebdangoka ulululum. Anadya wera, asaʾ ganya boboka al yalyaʾ ak binobaʾ aboka, alya anasa lomok doknoweibyek aboka pe keeboka ulululum.

1 YOHANES 2:28 Խաչաձեւ Հղումներ

1 YOHANES 4:17

Sokok anyeb, numba Kristus ulumla sok, unu ulumeibya anasa, Yesus adya yana lelewanasil sum era, wera asaʾ ganya bobnemab aboka, wanaʾ unaʾ ara nu lomok kalasil.

MARKUS 8:38

Yu hwam uboka malya unaʾ lomok an unulumak salek wen, na nong ab, nadya neklesin yub eb danyek, ugunda alya amba nim ak laga lel eleknenggulumun dara, alda alja neyung bedya nong unaʾ lomok senenggomaʾ ab, geisa ulumak lero nang eblaboka yanamla sum era, sik hogung ak nimi dibaʾ me ara naba alya anasa, albabya lobnamla,” hyok.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.

1 YOHANES 3:21

Nadya hyak wanaʾ ulusin hemyabo nim o, anasa wera, nunja ganya edya nuk malya nenesinaʾ orok dara, wera nunda Imik Neyung ak pe asaʾ ganya boboka alak binimab.

KOLOSE 3:4

Dara, nunja embengaʾ ulumabaʾ Kristus ara, eimik laga nenebdalya dara, ugumbabya alablaboka alja senenggomaʾ unaʾ ak sam neikaʾ laga nenewanesil.

1 YOHANES 2:1

Najabo yab o! Ban momnya en ugunuk momnya doboka beibsinaʾ ara, ugunuk malya ubmunuk aboka ubsin. Bok, hnon malya umeibya dara, wera nunsamba arawoka sasinya ben hnon ulumlaʾ ara, nera Yesus Kristus pelelanya bek lebna. Aljaʾ Neyung bek malya unaʾ doboka bobogeisilom aboka mololesil.

1 TESALONIKA 3:13

Wera anadya Wenelesilnya Yesus ara nimi nidyaʾ aljaʾ yokaʾ dangalamak nim eb yanamak sum era, Wenelesilnya bedya ugunja ganya migiba gebiyiwanesilaʾ adya, nunjaʾ neyung Imik Neyung saramek sam, nuk dara geisaʾ anyek uboka, si gegenaʾ pona orokaʾ ak dangiyiwanesil.

1 YOHANES 5:14

Dara nunja yokaʾ-yokaʾ mololemabaʾ ara alja seinilamla sok mololomab dara, wera nunja molonaʾ kelesil senewoka dib ella ulumab. An anasa, nunda Imik Neyung aljaʾ saramek uboka asaʾ ganya boboka mololomab.

1 PETRUS 5:4

Anya senenggomaʾ imiknya nimi bo ulusilnya yanamla sum era, ugunuk ara senedyaʾ mekaʾ habnenggunumla bonaʾ enyek, senedyaʾ yakaʾ anyek eleganesil.

WAHYU 1:7

Wera, Yesus ara debaʾ hnoumung sam uboka yalamlyeʾ anyek kendululum e! Nimi nidyaʾ soko nim eibnemak dara, onoʾ alak gamaʾ adya gondowoka orob nim eneba eibnemak. Dara, nimi mok soko yok-yok nidyaʾ ara, alak eiyiwoka nauba engenaʾ salawanamak. Anasa aldib nera hyak dib unuwanamla! Amin!

IBRANI 9:28

Anasonya neikek Kristus ara nimi nauba sikja malya unaʾ doboka bobogousululaʾ aboka lika hnonok elekdangoka somogok. Wera sumen penenya yanalanya nera, malya unaʾ amba meewoununaʾ aboka yanggunumla, alda nim alak yanamlaʾ amba diri ulumak nim enyek dib blebsinaʾ bo yanamla.

1 TESALONIKA 2:19

Ugun nong anyek, nunjaʾ ganya nebom anaʾ dibaʾ uboka, eiya dabnaʾ dibaʾ ululum. Anasa wera, Wenelesilnya Kristus yanamla sum era, ugunuk danyek nunjaʾ perob bonaʾ dibaʾ danalumaʾ ak ululum!

1 KORINTUS 1:7

Anasa, nunja Wenelesilnya Yesus Kristus yanamla senewoka diri ululum salek era, ugunda yokaʾ-yokaʾ ganya eleknaʾ ak dara, garan unggululum.

ROMA 9:33

nera an momnya dobok sok, ”Hyak aldib, nara Sion meinik sam ara soruka beleknaʾ girik ab, yana ouluka diknaʾ girik ab beiyimnamna, dara heknedya alak an ganya aldib senewanamla dara, eimik era alya dabnenggunumla,” wenhyokaʾ ak momnya dobokaʾ ak ulumla.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

1 TIMOTIUS 6:14

Wene salek ebaʾ moruwoka, Wenelesilnya Yesus Kristus laga danamla sum era, ban oruknaʾ yuba nidyaʾ ara, mek sirik anaba meknenaʾ loboka, nidyaʾ pe bekoka unubgiga balalomaʾ aboka, orugenggen.

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

1 KORINTUS 15:23

Bok, nimi nidyaʾ munaʾ gobdo yok-yok elaʾ gigiro embengaʾ suboka bukiyiwanasil. Kristus ak men embengaʾ suboka bukiyibok. Dara, onoʾ eimik al Kristus yanggalya sum era, alja ak ulumak nim era, embengaʾ suboka bukiyiwanasil.

1 PETRUS 1:7

Ban yokaʾ-yokaʾ ak geregoka sunulusilaʾ damok ara, ugunda aldib Wenelesilnya bek okoka dib senelum gom, orokaʾ anyek, laga dolulaʾ aboka ulusil. Dangmana perobaʾ anaba jobok orokaʾ ara, uk ak dalyamalemak. Anasa Imik Neyung ak dib senenaʾ ara hyak perobaʾ ak uboka, eimik denghenemla dangman era or malya so anasa, ugunuk hnon sunulusil. Dara Yesus Kristus laga danamla sum era, ugunja dib senenaʾ ara seleb laga dokaʾ adya, ugunuk dara, perobaʾ leboka gibnesilikanya, ugun nong ara imik nenewanasil.

MATIUS 16:27

Duboka mandenaʾ loboka, nimi dibaʾ me neb, alja lero nang eb, alja neyung bedya nong senedyaʾ pik uboka yanamak. Ban sum enyek, nimi nidyaʾ sikja unulumekaʾ sunuwoka yok-yok deknesil.

MATIUS 16:28

Ugunuk hyak dib lebsinaʾ anyek ella danalum: Ugun an ublum nim enera, nimi dibaʾ me yeiniboka, wenelemnesilaʾ ara eibnenggumun salek somoganggunulum nimi hnon ululum,” hyok.

LUKAS 17:30

Nimi dibaʾ me yanamla sum era, neik so unuwanamla.

EPESUS 3:12

Nunda Kristus ak dib senewoka, alab ganya kwebdangoka ulumabaʾ adya, glob lobsuk pik biniboka, asaʾ ganya boboka Imik Neyung berem balamab.