1 YOHANES 2:27 - PERJANJIAN BARU NALCA YUBA

²⁷ Bok ugunsamba dara, al adya Geisinya yek goulunaʾ ara ugunuk anam ulusil bok dara, nim adya ok hnon ugunuk neknenggunusiseng. Anasa wera, ban yek goulusinaʾ adya yokaʾ-yokaʾ nidyaʾ wen neklesil bok dara, anya wera alja neklesilnya nera, anara sondaʾ ak unggulumlaʾ anasa, anera aldibaʾ ak ulumla. Anasa wera, yek goulunaʾ adya yokaʾ-yokaʾ nidyaʾ neklesilaʾ anyek, ugunda dib senewoka, al lomok ululum.

1 YOHANES 2:27 Խաչաձեւ Հղումներ

YOHANES 14:26

arasinya bera, Neyung bedya nadya si pik uboka bokol yanasil Geisinya edya, yokaʾ-yokaʾ nidyaʾ ugunuk neklemnesilikanya, nara ugunuk lesisa yuba nidyaʾ bekellilimnesil.

1 KORINTUS 2:13

Anasa wera, nunda yok-yok Imik Neyung yub era, Geisinya aralesilaʾ adya sunuwoka lelemab. Dara, nim adya ella dangalamak ganya seininaʾ geremseng enyek lenggulumab bok, Imik Neyung Geisinya nuk neklesilnya nenyek lel eleklemab.

YOHANES 16:13

Bok, Imik Neyung jong ganya unaʾ ugunuk lebnesil Geisinya benyek yalya dara, alja dib yuba nidyaʾ ella danalum aboka neknesil. Alja ok yok seiniwoka ganya doboka lebnenggunulabok, alja seleb kemlyaʾ anyek, ugunuk neknesil. Nera yokaʾ-yokaʾ eimik unuwanalanya nenyek neklemnesil.

1 TESALONIKA 2:13

Ugunja hnonok pe unululumaʾ anyek nunda eiyiwoka Imik Neyung ak sobaʾ giblemab. An wenyhenaʾ ara, nunja ugunuk Imik Neyung yuba leb elegesuba sum enyek, ugunja keboka dolumaʾ ara, nimi sirikaʾ yub anaso ganya boboka dobnenggulum, alda Imik Neyung nong adya yub dib senewoka dolumaʾ nong amba Imik Neyung giblemab. Wera ugun Kristus dolum nimi gangganek an wen welesilnya nera ban Imik Neyung yub enedya welesil.

2 YOHANES 1:2

Dib yub ara, nunja ganya lomok ulusilekanya, alda hyak sob-sobaʾ nu lomok ulmoublemnesilaʾ anasa, wanaʾ ulusab.

1 YOHANES 3:24

Nimi nidyaʾ Imik Neyung yub ak dib senewoka ganya ologoka dolomak nim era, Imik Neyung al lomok ulumaakanya, albabya sik lomok ulusil. Hnonda alja Geisinya era seleb nuk elegesukaʾ adya, wera Imik Neyung ara nu lomok ulusil senewoka ella ulumab.

1 YOHANES 2:28

Najabo yab o! Anasa wera, ugunda Kristus ab neikaʾ sobaʾ kwebdangoka ulululum. Anadya wera, asaʾ ganya boboka al yalyaʾ ak binobaʾ aboka, alya anasa lomok doknoweibyek aboka pe keeboka ulululum.

1 PETRUS 1:23

Wera embengaʾ uboka, pe migibaʾ ulumla Imik Neyung pik anyeb uboka, ugun nong ak dara, nim adya beillilesak nong unaʾ ek gom, alda imik sam sobaʾ pe ulumla Imik Neyung ek ab wenyok nonga nenewosuk.

KOLOSE 2:6

Ugunda Kristus Yesus ara, Wenelesilnya aboka seleb dolum anasa, ugunja ululum ara alab neikaʾ kwebdangoka ubgiga balalulum.

YOHANES 14:17

Soko adya, alak eilinggulumlakanya, elgom ulumlaʾ anasa, alak dobnenggunumso. Bok, alda ugunublaboka ululumukanya, onoʾ ugunja ganya lomok ulumnesilaʾ anasa, ugunja alak ella ululum.

EPESUS 4:21

Ugunda aldib alja yuba kelumukanya, al lomok ara dib yub ok ulumlaʾ sunuwoka nekesik dara, anasoʾ ununaʾ ella dangoka dobnenggulum.

YOHANES 4:14

nadya elegeisinya mek enyek delenya bera, eimik saaboka mek ok ubnenggunumla. Bok saaboka, nadya elegeisinya mek ek dara, alja nong lomok sam ara sob-sobaʾ yabalmorulamla mek anaso dangoka, dib embengaʾ ulmoubnaʾ eleganamla,” hyok.

1 TIMOTIUS 2:7

Dara wera ban nenesa leboka, nak yuba lel eleksinya lenaʾ gaknya sekiyinyok. Wera Yahudi gom nim ek, nadya dib senewoka jong dangalamak yuba leb elegosululaʾ aboka nak sekiyinyok. Nara ban wenyalananya nera dib lelemna, sonda ak lenggulumna.

MATIUS 13:11

Anasa Yesus adya sikenek ara, ”Ugunuk dara, Imik Neyung adya wenelemnesilaʾ damok ara, gunuwoka elegosukaʾ adya ella ululum bok, sikenek dara, eleganggom anasa lelemna.

YOHANES 6:45

Ununumnaʾ lelemek nang bukuk ara, sikda nimi nidyaʾ ara, Imik Neyung adya eimik wenewanesil, aboka momnya domek. Anasa, heknedya Imik Neyung bek pe keboka, alak ab dolomla dara, alda nak or yanenel.

YOHANES 14:16

”Nadyaʾ neyung bek molowanya dara, ugunuk yok arasinya eleganesil. Ugunublaboka sobaʾ ulululumaʾ aboka, ban aralemnesilnya bera dib yub ulumla Geisinya ek eleganesil.

1 KORINTUS 2:12

Wera nuk ara, soko enyek anyeb ganya ek eleganggusuk bok, alda Imik Neyung adya, alja Geisa ganya ek elegousuk. Anadya wera, Imik Neyung adya nidyaʾ yokaʾ-yokaʾ nuk elegousuknya nera, ella danokaʾ aboka Geisinya elegosuk.

2 KORINTUS 1:21

Nunja ganya eb, onoʾ ugunja ganya eneba, Kristus lomok ulumabakanya, migibaʾ nenelesilikanya, nuk alsamba sekillilisilnya bera, Imik Neyung ulumla.

1 TESALONIKA 4:9

Imik Neyung adya ugun kabo nim ek wanaʾ ubdanalum aboka seleb nekesukaʾ anasa, wera, ban yub en onoʾ momnya dobnenggunusibya.