1 YOHANES 2:15 - PERJANJIAN BARU NALCA YUBA

¹⁵ Ugunda soko anyek wanaʾ unaʾ ara mem. Anyek okoka unu wanaʾ unaʾ anaba yokaʾ-yokaʾ nidyaʾ soko dubuk sam ulumlaʾ deng anyek, wanaʾ unaʾ ara mem. Ugunda sokok anyek wanaʾ ulumun dara, Neyung bek ara wanaʾ unaʾ ara unggulumunja.

1 YOHANES 2:15 Խաչաձեւ Հղումներ

MATIUS 4:8

Dara onoʾ Iblis adya Yesus ak eboka boboknya nera, senenggom mok soko meinik sam biniboka, yok-yok mok soko nidyaʾ ab, sikja yokaʾ-yokaʾ perobaʾ ulumlaʾ nidyaʾ ak aawonunaʾ aboka bo bilimok.

MATIUS 6:24

”Hnonnya bek ara nauba wanaʾ uboka yoknya bek ara lek senewanamsoʾ anasa, goma hnonnya bek ara malya senewoka, yoknya bek ara pe bojam ubnamsoʾ anasa, nimi ben hnon alda nimi penya nang emba aboka neikewenyek wa webnenggunumso. Anasonya neikik, ugunda Imik Neyung amba wa we, onoʾ bonaʾ amba wa we, ubnenggunusom.”

LUKAS 16:13

”Neiknya bedya nimi penya nang emba hiboka dara, wa pe webnenggunususo. Dara, alda hnonnya bek ara lek ganya boboka, onoʾ yoknya bek ara wanaʾ ubnamso. Goma, mennya bek ganya goluwoka, yoknya bek ara, dolbalek ganya bobnamso. Anasa, ugunda Imik Neyung wa we, rupiah wa we, ubnenggunusom,” hyok.

YOHANES 15:19

Ugunda sokok anyebaʾ ak ulusom dara, aljinya nek anasa, wanaʾ nauba ulumnesuso bok, ugunda sokok anyebnya unggululumaʾ anasa, nadya sokok ab ugunuk dosisaʾ anasa, ugunuk lek senelesil.

ROMA 12:2

Anasa ugunda sokok anyeb ganya uruma neikso danganaʾ ara mem. Alda ugunda har nerek perobnya, malyinya senelemnelumukanya, Imik Neyung adya senelelanya, hyak perob nongaʾ, Imik Neyung adya ganya heklamlakanya, hyak gobdo perobnya nenyek, wenyek perob seiniwoka ella unaʾ edya samab meneganalum.

GALATIA 1:10

Anasa wera hekaʾ hulumla senenulum? Nim adya or perob senelenyaknya nek elemna gom, Imik Neyung adya or perob senelenelnya nek elemna gom? Goma, nim adya perob senewanenok senewoka pik elemna de? Wenyek nim adya hnon perob senewanenok senewoka pik elemnya dara, nara Kristus adya wa wenya unggulumnaʾ laga danganenaʾ ara an.

EPESUS 2:2

Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

1 TIMOTIUS 6:10

Nim ara, rupiah ganya ok hwilimak dara, wera yok-yok malya unaʾ damoka gong-gong lanalamla. Hnon nim era, rupiah ak nauba dobsibya ganya adya, yuba dib senen ganya dilinaʾ loboka, nimi ganya soldobdangoka, sikda hyak nauba igin ganya nenebdangamek.

YAKOBUS 1:27

Imik Neyung adya nim ek yuba donaʾ ara, yuba pe dib senenaʾ ganya ab, neyung Imik Neyung bek dib senewoka bojam unaʾ damok alja perob senelelanya nera, genonga neyung orok mab ek pe arawoka, onoʾ nenya orokaʾ yamen nim unuruwaʾ oka kwelesil nim ek pe arawoka, sokok anyeb malya ub eleganelyek senewoka, pe diri uldalamak nim era pelemakaʾ ara an.

YAKOBUS 4:4

Ugunda hyak bojam unaʾ orok nim ek ululum! Nimi sokok ab kwebdangoka ulumak dara, Imik Neyung ak ara, isaʾ geblemakaʾ ara, ugunda ella ululum de? Anasa nimi ben hnon sokok sam wanaʾ ulunun senelelanya bera Imik Neyung ak ara isaʾanya geblamla.

1 YOHANES 3:17

Nimi ben hnon alda sokok an yokaʾ-yokaʾ ara pe nauba ululabok, alkabo ben hnon bonaʾ garan ulumlaʾ eilliladyok, aranaʾ loboka eil lolomla dara, ban unululanya bera, alda Imik Neyung ak wanaʾ ululanya bera an heneseng de?

1 YOHANES 4:5

Sondaʾ anasa nunda ununumnaʾ lelemab alamak nang era, sik nong ara sokok anyeb ulumakaʾ anasa, sikda sokok anyebnya nek geklewoka lero yabalamak. Dara, sokok nim era sikja yuba kelemak.

1 YOHANES 5:10

Anasa ban nenesa leboka, Imik Neyung alja me nek dib senelemak nim era, ban laga lelemla yub enera, seleb ganya lomok ulusil. Bok Imik Neyung ak dib senenaʾ orok nim era, Imik Neyung ara sondaʾ lelelanya nenelemak. Ban unulumaknya nera, Imik Neyung adya alja me nemba lelemlaʾ anyek dib senenggulumakaʾ adya sondaʾ lelelanya nenelemak.