1 YOHANES 2:13 - PERJANJIAN BARU NALCA YUBA

¹³ Neyung yab o, ban ugunuk momnya dobsinaʾ ara, men youmaʾ youbuka ulumoknya bek seleb ella ululumaʾ anasa, ubsin. Goubenya nang o, ugunuk ara yu hwam bisaʾ enyek seleb oblamakalumaʾ anasa, momnya dobsin.

1 YOHANES 2:13 Խաչաձեւ Հղումներ

YOHANES 14:7

Ugunda nak ella ulunusom dara, wera, Neyung bek ella ulumnesom. Dara wera, ugunda alak ella ululumukanya, alak seleb eiyilum,” hyok.

1 YOHANES 2:14

Najabo yab o, momnya doboka beibsinya nera, ugunda mekmab era ugunja neyung Imik Neyung bek seleb ella dangalumaʾ anasa, ubsin. Neyung yab o, ugunuk momnya doboka beibsinya nera, ugunda men youmaʾ ulumok yub ek seleb ella dangalumaʾ anasa, ubsin. Goubenya nang o, ugunuk momnya doboka beibsinaʾ ara, ugunda migib ululumaʾ anasa, ubsin. Imik Neyung yub ara ugunja ganya ek seleb ulusil. Dara onoʾ, yu bisaʾ ara seleb ugunja yugom nenelumaʾ anasa, ubsin.

1 YOHANES 4:4

Bok najabo yab, ugunuk dara, Imik Neyung alja mab ululum. Sokok an ululanya nera mek so bok, ugunuk ulusil Geisinya bera, senenggomaʾ migibaʾ ulusilaʾ anasa, wera ugunda sondaʾ anasa ununumnaʾ lelemab alamak nang ek, ugunja seleb oblamagelum.

1 YOHANES 1:1

Ban yub enyek nidyaʾ ara, nim embengaʾ unaʾ eleklesil yuba men youmaʾ ek moruwoka ulumokaʾ anyek momnya dobab. Nunja o kemoubukanya, heng eiyimouba. Nunja seleb okoka eiyiwoka onoʾ nunja soruk edya seleb salamouba.

LUKAS 10:22

”Yokaʾ-yokaʾ nidyaʾ ara neyung bedya nak lebnyok. Nimi nidyaʾ ara me ak ara elgom ulumak bok, neyung anak ok hnonok ella ulunelem. Nim adya dara, anak elgom ulunjak bok, anja me nedya danyek, hnonok ella ulunggen. Anya hek nim ek, me nenedya neyung bera ban aboka neksin nang edyaʾ anaba ella ulunjak,” hyok.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

1 YOHANES 5:18

Nimi nidyaʾ Imik Neyung mabo seleb dangamek nim era, sob-sobaʾ malya unulmorunggulumakaʾ ara nunda ella ulumab. Nera Imik Neyung alja me adya sikenek goluwoka bo ulusil dara, bisaʾ ara sikenek yokaʾ-yokaʾ hnon ununggulusil.

1 YOHANES 3:12

Kain bera bisaʾ wa wenya dangoka, alja weis oboksonya nera, nunda ununaʾ ara mem. Hekasa Kain bera alja weis ek omok do? Nera alja unulumoknya nek dara, malya bok, alja weis edya unulumoknya nera perob anasa, obok.

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

1 YOHANES 2:12

Najaba yab o, ban ugunuk momnya dobsinaʾ ara, Kristus si pik uboka ugunja malya unaʾ seleb meewousukaʾ anasa ubsin.

1 YOHANES 2:1

Najabo yab o! Ban momnya en ugunuk momnya doboka beibsinaʾ ara, ugunuk malya ubmunuk aboka ubsin. Bok, hnon malya umeibya dara, wera nunsamba arawoka sasinya ben hnon ulumlaʾ ara, nera Yesus Kristus pelelanya bek lebna. Aljaʾ Neyung bek malya unaʾ doboka bobogeisilom aboka mololesil.

TITUS 2:6

Anasonya neikek, onoʾ goubenya nang ek anaba, sikda pe seiniwoka diri ubdangoka pe ulunokaʾ aboka dukaʾ lolowoka wenelesilom.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

YOHANES 16:3

Ban unuwanasakaʾ ara, sikda neyung beb nab elgom ulusakaʾ adya, ugunuk eimik unulumnasak.

YOHANES 14:9

Yesus adya alak, ”Pilipus o, nara ugunub sobaʾ neikaʾ ulumab bok anasa, anda nak anam elgom ulunelem de? Heknedya nak eibnelya dara, wera Neyung bek seleb eiyiledya. Anasa, hekasa Neyung bek aaweisilom alalam do?

YOHANES 8:19

Parisi nang edya alak, ”Anjaʾ neyung bera hanyagar ulumla do?” aboka heimek. Dara alja dara, ”Nunda penya nidyaʾ ugunja dara, elgom ulusulum. Ugunda nak ella ubnesom dara, wera nadyaʾ neyung anaba ella ubnesom,” hyok.

MATIUS 13:38

Wa ara soko ara an. Perob yinaʾ ara, nimi nidyaʾ Imik Neyung mabo dangalamak nim era an. Walenja ak dara, bisaʾ ak sam maklemak nim era an.

MATIUS 13:19

Yinaʾ pikek sam yama yinggilimoknya nera, damok ara nim Imik Neyung adya wenelemnesil yub era kelemak bok, pe ella danganggulumak. Sikjaʾ ganya ak doklomak yub era malya unaʾ damoknya bisaʾ adya yeiniboka gwenelamla.

1 TIMOTIUS 5:1

Yamen so nim ek, hogunga gorogoka gasaʾ anyek ooma lenggom, mem. Nadya neyung yabe denga leboka lelesilom. Goubenya nim ek dara, nadya hemyab ulumak senen ganya boboka unululom.

YOHANES 17:21

Dara, nadya anak mololamnaʾ ara, Neyung anda na lomok ulunelemekanya, nara an lomok ulunggen sok, sikbabya neikaʾ hiboka hnonok ulunokaʾ aboka mololamna. Wera onoʾ, soko nim adya, nak aldib Imik Neyung adya bokol yeilimok senewanokaʾ aboka, sikda hnonok uboka nu lomok ulunokaʾ aboka mololamna.

MATIUS 5:37

Yokaʾ-yokaʾ nauba dara, bisaʾ ak ab yalamla anasa, Yo gom, Orok gom, ok leblulum,” hyok.

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

WAHYU 2:7

”Heknyek o yakaʾ ara, Imik Neyung Geisinya adya yuba donaʾ nim ek lelemlaʾ ara pe keblul! Heknedya malya unaʾ ak ab oblamaganalanya bera, Imik Neyung perob heik sam nim embeng unaʾ gal doka delemnamla henemna,” aro momnya dobnelam, hyok.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.