1 TESALONIKA 5:12 - PERJANJIAN BARU NALCA YUBA

¹² Wera, kabo nim o, ugun gangganek wa nauba welemak nang era, Wenelesilnya bedya wa nenyek, ugunuk mengewoka welesak nang era sikenek gigilelulum e, alasab.

1 TESALONIKA 5:12 Խաչաձեւ Հղումներ

LUKAS 10:7

Ugunda ban hnonok ek ok ulumnelum. Wa welemna nim era deknaʾ doboka delemakaʾ anasa, ugun ulumun ek anya denaʾ beibnesak dara, doboka delelulum. Yok-yok e pik salyaʾ welem-welem aro yabanaʾ ara mem.

YOHANES 4:38

Nara ugunja webnenggublum wak sam doka daknelum aboka orugusin. Yok nim edya orowek seleb nauba wemekaʾ anyek, ugunda daklumaʾ adya perobaʾ doblum,” hyok.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

RASUL 20:35

Nara nidyaʾ unulamsa anyek ugunja dilililulum aboka, ugunuk sam nimi hmeng ulumak nang ek wa weboka aralelulum aboka amasisa. Anasa wera, Wenelesilnya Yesus bedya, nimi yok nang eleknaʾ anyek perob so, don danagom, wenyamok ara ban amba anasa, seiniwoka beklemnemab,” hyok.

ROMA 16:12

Sik Imik Neyung amba hyak yongowoka welerak gelewa, Trifena geb, Trifosa geb, perob aboka gibsin. Al Imik Neyung amba hyak yongowoka welelanya, nadyaʾ wanaʾ ulunanya, Persis bek perob aboka alsamba gibna.

ROMA 16:6

Ugunsamba yeiriwoka welemla gel, Maria gek hnon gibna.

1 KORINTUS 12:28

Anasonya neikik, Imik Neyung yuba donaʾ nim emba dara, Imik Neyung adya orowek men ellaʾ gigiro gegewoka sekiyimok. Men Imik Neyung yuba lenaʾ gak nang, penenya nera ununumnaʾ len nang, winilinya nera neksin nang, dara sikda yokaʾ-yokaʾ migibaʾ unuro yabalemek nang, dara nimi merellisin damba hnon, yok aran damba hnon, yok nanga bo usin danasa hnon, onoʾ dagalongnaʾ ara, yok-yok yuba san damba hnon, sekiyisuk.

1 KORINTUS 15:10

Bok, Imik Neyung adya wanaʾ uboka eleksinaʾ nong edya, nara wera an seleb wen ulumna sok dasa. Imik Neyung adya nadya unulamsa malya unaʾ doboka boboganyokaʾ ara, salyaʾ lelem ub lobnenggubnyok. Nadya yok yuba lenaʾ nang era, nauba so ununaʾ orok bok, nak danyek nauba yeiriwoka welemsa. Bok, nera nadya ok wenggulumsa. Alda nenera Imik Neyung adya nak wanaʾ uboka eleksinaʾ elegenyokaʾ adya unumsa.

1 KORINTUS 16:16

Nara ugunuk ban men nang edya, unu pe welemaknya nenyek pe yeiriwoka welemak nang ek an, sikja yuba pe kelemnelum. Dara alak ok gom, alda nidyaʾ sik neik wa pe welemak nang, sikja yuba pe kelemnelum.

1 KORINTUS 16:18

Sikda nadya ganya angawoka pel eleklesak sok, sikja unulumaknya nenedya naba eiya ulunel. Ban unuweisija nang era, men perobaʾ leboka ublulumaʾ aboka lebna.

1 KORINTUS 3:9

Nunda Imik Neyung amba neik wa welemab nang ulumab. Ugun nong ak dara, Imik Neyung adya alja wa soko yokaʾ anaso ululum. Dara onoʾ, ugunda Imik Neyung alja e ululum.

2 KORINTUS 11:23

Sikda Kristus adya wa wen nang ulumak de? (Nara lobaʾ oronanya benesoʾ anyek lebnamna.) Nak danyek, Kristus adya wa wenaʾ nongnya ulumna! Nara Kristus wa yeiriwoka hyak nauba so welemna, anasemba leboka liga gong henga gouboka beillilenyek, hnonda sobaʾ saboka olonyek dara, liga gong somogeisinyaʾ ak elelloblonyok.

2 KORINTUS 5:9

Nunda sokok an ulumab salek gom, imik heikek ulumnemab salek gom, ara Imik Neyung ganya anyek perobaʾ nenel eleklenob senewoka dulumab.

2 KORINTUS 6:1

Nunda neikaʾ welemab nang edya, Imik Neyung adya ugunuk wanaʾ uboka eleknaʾ dololumaʾ anyek, salyaʾ lelem domunuk aboka dukaʾ lololosab.

GALATIA 4:11

Nadya ugunsamba nauba duboka welenanya nera, nidyaʾ salyaʾ lelem dalyek senewoka, loka dablenel.

PILIPI 2:19

Ugunuk pe ulumak an yub kebnyekanya, nadya ganya eiya dabnululaʾ aboka, Wenelesilnya Yesus aralenelaʾ adya, Timotius bera ugunuk an mek anam bokol yanesin.

KOLOSE 1:29

Wera anasa, nara ban nenyek unuwoulul aboka, nadya migib nidyaʾ yeiriwoka, onoʾ alja migib na lomok welenel anyek sunuwoka, an unuwaso senewoka welemna.

1 TESALONIKA 2:9

Nunja ugun gangganek an nauba yeiriwoka duboka welemoubaʾ ara, ugunda seleb beklelumaʾ anyaʾ. Nunda Imik Neyung adyaʾ perob lero yanggan yuba ugunuk lero yeilisuba sum era, ugun nang enyek malya nenewoka obnebsibyek senewoka, inimnek yubyek pik nunja yeiriwoka welemouba.

1 TESALONIKA 4:1

Na kabo nim o, wen sidyaʾ lebdaknesin. Imik Neyung perob senewosululaʾ aboka anaso unulumnulum ara ugunuk nekesub dara, keboka wen unululum. Dara, wenyok Wenelesilnya Yesus si sibuka, sobaʾ nauba so dolulaʾ aboka, onoʾ unul sounululumaʾ aboka, dukaʾ lolom-lolom alasab.

1 TESALONIKA 5:14

Na kabo nim o, hnon ara ugunuk dukaʾ lolom-lolom alasab, Salyaʾ ulumak nim ek yuba seklulum, lok ganya bolomak nim ek ganya gwelelek aboka leblulum, hmeng ulumak nim ek arawolulum, nimi nidyaʾ ak, yongon ganya boboka berra ununggom.

1 TIMOTIUS 5:1

Yamen so nim ek, hogunga gorogoka gasaʾ anyek ooma lenggom, mem. Nadya neyung yabe denga leboka lelesilom. Goubenya nim ek dara, nadya hemyab ulumak senen ganya boboka unululom.

1 TIMOTIUS 5:20

Bok aldib sikda malya ubija dara, yok nim eneba lok ganya bobnok aboka, nimi nauba longolomakaʾ hnoum ab omoma leboka wabnok.

2 TIMOTIUS 2:6

Dara onoʾ hnonda, nimi wa ara men nonogoka weboka menanya benyek, masa ara nonga ubna dara, alak men boboka delemla.

TITUS 1:3

Dara wera, perob sum en unuwanamna senemok sum enyek, yuba lelelulaʾ aboka orugomokaʾ adya, laga dangiyimok. Anadya wera, alja yub era, nak an anja lelelom aboka lobongganyok. Dara, nara nunja Imik Neyung bleblesilnya bedya orugonyok yub ek, sunuwoka lero yabalamna.

TITUS 1:5

Nadya anak Kreta sokok sam lo yeilinggesaʾ ara, webnamen ulumla wa nenyek meewoka welelomaʾ aboka sene lo yeilinggesa. Hnonda, heik elaʾ gigiro Imik Neyung e dam nang sikillililomaʾ aboka lo yeilinggesa. Dara onoʾ ban nadya anaso unuwanalam aboka nekgenaʾ banara pe beklom.

TITUS 2:15

Anda hyak loksonya benyek ulumenekanya, anja yuba kelenggija nim ek, ban nidyaʾ lebnanya nera, hyak pe wenewoka ooma leboka neklesilom. Anak yok nim edya dara, alda or maly, mek goubenenya benyaʾ, seneweigejek anasa, mem!

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

IBRANI 13:7

Dara ugunjaʾ dub nang, ugunuk Imik Neyung yuba seleb lel eleklesak nang ek ara beklelulum. Anya sikja unulumakaʾ ak ab lanelamla anyek pe kemelemunukanya, ugunda sikja unulumakaʾ anyek dililda doblelulum.

WAHYU 1:20

Wera sekbadya guraʾ nadyaʾ sirik soruk ak sam ab, uk dininaʾ sekbadya ulumlaʾ eiblamaʾ gunun damok ara, Sekbadya guraʾ era sekbadya yuba donaʾ nim edya lero nang era an, anya sekbadya uk dininaʾ ara, sekbadya yuba donaʾ nim era, gereja nong ara an,” hyok.

WAHYU 2:12

Pergamus heikek yuba donaʾ nimi lero ek ban unuwoka momnya dobnelam: ”Ban yub enera u penyaʾ paranga sala ululanya bedya yub era an.

WAHYU 2:18

Tiatira heikek yuba donaʾ nimi lero ek ban unuwoka momnya dobnelam: ”Ban yub enera Imik Neyung bedya me, alja heng era uk bokaʾ laralamlaʾ anaso uboka, alja yan era gabya silikaʾ uka damnaʾ ak seng-sengaʾ mengewoka delemlaʾ sokaʾ ak delelanya bedya, yub ek ulumla.

WAHYU 2:3

Anda nadya si amba leboka, igina kwelesilaʾ anaba siklewoka ululumukanya, hmengaʾ danggiga banggululam.”

WAHYU 2:8

Smirna heikek yuba donaʾ nimi lero ek ban unu: ”Ban yub enera men youmaʾ ulumokaʾ ara, onoʾ eimik sobaʾ ulmorulumnelanya bedya yuba, alda seleb somogoka onoʾ embengaʾ dangamoknya bedya yub era an.

WAHYU 3:1

Sardis heikek yuba donaʾ nimi lero ek, ban unuwoka momnya dobnelamaʾ ara: ”Ban yub enera Imik Neyung aljaʾ sekbadya ganya eb, sekbadya guraʾ eb, danyek salalanya bedya yub era an. Anja unululamaʾ nidyaʾ ara nara seleb ella ulumna. Anak dara, hnon nim edya dara, anam embengaʾ ulumla alanjak bok, seleb somogolumaʾ ak ululam.

WAHYU 3:14

Laodikia heikek yuba donaʾ nim lero ek unu momnya dobnelamaʾ ara: ”Ban yub enera, Amin, yo aldib anaʾ damnya, yokaʾ-yokaʾ eiyiwoka aldib ulumla aboka, bojam uboka dib nong ok lelelanya, anya Imik Neyung adya yokaʾ-yokaʾ uyiwokaʾ nidyaʾ gaknya bedya yub era ban.

WAHYU 3:7

Filadelfia heikek yuba donaʾ nimi lero ek ban unu momnya dobnelamaʾ ara: ”Ban yub enera, hyak geisa uboka, hyak dib nong ululanya bedya yub era ban. Dara, Daud bedya pik baknaʾ era alja bo ulumla. Alja pika baknamso dara, nimi yok nang edya seregamenggom, anya onoʾ alja sereganamso dara, yok nang edya anaba baknamenggom.