1 TESALONIKA 5:11 - PERJANJIAN BARU NALCA YUBA

¹¹ Anasa, seleb unuldalalum sok, ganya gwelelek aldalamnalumukanya, migiba nenellildalamnalum.

1 TESALONIKA 5:11 Խաչաձեւ Հղումներ

EPESUS 4:29

Ugunda yuba sabnemun dara, malya yub enyek geregoka salyaʾ sanaʾ ara mem. Nimi perob yuba ok salamakaʾ adya, nimi kelemak nim era, perobaʾ dousululaʾ aboka, nimi keboka perob danamlya yub ok sunuwoka saldalalulum.

IBRANI 10:25

Imik Neyung yuba longolomabaʾ ara longgom mem. Nimi hnon lolomak sok neik so ununggom. Nunda ganya gwelelek aboka yokaʾ-yokaʾ unuldalamnamab. Wenelesilnya bera mek anam yanalabok anasa, nunda sobaʾ nauba so wenebdangoka uldalamnamab.

ROMA 15:2

Nu gangganek ara nimi yok-yok nunja nim edya ganya eiya dabnaʾ anyek, alak perob danggiga balamnamlaʾ anyek yeiriwoka elemnemab.

IBRANI 3:13

Bok, ugun gangganek ara, sondaʾ damok malya unaʾ adya nimi ben hnon alja ganya gasa darawalyek anasa, ugunda nimi ben hnonja hnonnya bek, sumen or anam alalum salek era, ugunda li sobaʾ pe wenewoka unuldalalulum.

1 TESALONIKA 4:18

Anasa, ban yuba lebdangoka ganya hekellildalamnalum.

ROMA 14:19

Anasa nunda ganya pe namenaʾ unaʾ ab, wenebdangoka ganya pe unaʾ ab, damok en lanawanamlyaʾ anyek yeiriwoka doblemnemab.

1 KORINTUS 14:12

Ugunuk dara, Imik Neyung adya eleklesil wa wenaʾ dobnob senen ganya ululumaʾ anasa, dib nong ara, Imik Neyung adya eleklesil wa wenaʾ damoka dobmunaʾ ara, yuba dolomak nim enyek, pebgiga balalulaʾ aboka migib unaʾ ak dobnobaʾ aboka, duboka elelulum.

EPESUS 4:12

Ban unura elegousukaʾ ara, munaʾ Imik Neyung mab era, welenok aboka elegousuk. Pe welemeijaʾ adya, Kristus adya nonga perobaʾ nenewoka nauba danggiga balalulaʾ aboka elegousuk.

YUDAS 1:20

Bok nadyaʾ hemyab ugunuk dara, ugunja dib senelumaʾ ara, hyak perobaʾ geisa nong ulusilaʾ anyek, wera migib nenebdanggiga balamunukanya, ugunda Imik Neyung Geisinya migib unaʾ lomok uboka mololelulum.

EPESUS 4:16

Dara alak ab, nonga nidyaʾ ara, mel-mela mourumnaʾ gong adya hyak pe meewoka sunuwoka beiri byuk. Wera anedya, nonga digum yok-yok ara, pe wero balamlaʾ adya, wera nong ara wanaʾ unaʾ pik uboka migibaʾ danggiga nero balamla.

1 KORINTUS 10:23

Nim adya hnon wenyalamakaʾ ara, ”Nunja yokaʾ-yokaʾ unuwanob senemeibyaʾ ara or unulunob ok,” alamak. Nera aldib mem anaʾ orok bok, ban perob senelemabnya nera, nidyaʾ pelesil gomaʾ. ”Nunja anyek-anyek unuwonun senemeibyaʾ ara, unulumnumab,” wenyalamak bok, ban ululanya nidyaʾ ara, nunsamba perobaʾ nenelesil gomaʾ.

2 PETRUS 1:12

Ban nenyek unuwanaseng senewoka, ugunda seleb ella dangoka onoʾ Imik Neyung yub ak ella dangalumnya, nera seleb doboka pe salalalum bok, sounuwoka hnon beklulumaʾ aboka sobaʾ neklemnesin.

2 KORINTUS 12:19

Ugunja dara, ban nidyaʾ lelemakaʾ ara, meknenggulumab senewoka, mala doldalamak senelesulum. Bok, nunja nidyaʾ ugunuk an lelemabnya nera, Kristus lomok uboka nenyek lelesabaʾ ara, Imik Neyung hogung ak lelemab. Nadya wanaʾ ulusin nim o, ban nidyaʾ unulumabnya nera, ugunja yuba dib senenaʾ nong anyek, gobdo migib dosululaʾ aboka ulusab.

1 KORINTUS 14:29

Imik Neyung yuba lesin nang ara, nimi penya gom winilya nimi gom, Imik Neyung yuba lelenok. Dara anyagan yuba longolomak nim era, hekaʾ ak lelemak do aboka, seiniro ulunok.

ROMA 15:14

Nadyaʾ hem yabo nang, ugunuk pe ununaʾ adya seleb deknewosuukanya, yok-yokaʾ ella danganaʾ damok eb, or pe ganya adyok wenebdanasom ara, nara seleb ella ulusin.

1 TIMOTIUS 1:4

Salyaʾ malya hwam deng anyek maro lolomla yub ek ganya we bulumakaʾ hnon, youmaʾ morublinaʾ nim ek yana lelewoka unuwok aboka neklamnaʾ anyek, kero bulumak nim ek unululumaʾ ara mem, alalom. Ban nidyaʾ ara mal damok lanalamlaʾ ak anasa, Imik Neyung adya alak dib senewanaʾ anasa eleklesilaʾ anyek sunuwoka ununggulumakaʾ anasa, mem henelam.

1 TESALONIKA 4:10

Al dib, ugun kabo nimi Makedonia sokok ulumak nimi nidyaʾ ak wanaʾ ulusulum. Bok, hemyab o, nauba so unul sounululumaʾ aboka dukaʾ lolom-lolom alasab.

1 KORINTUS 14:5

Ugunda nidyaʾ yok-yok yuba salamnasom dara, perob senewanesinya. Bok, hyak nauba perob nong ara, ugunda Imik Neyung adya unuwaseng senelamlaʾ anyek, nim ek lel eleklemnesom dara, nauba perob senewanesinya. Imik Neyung yuba lelemak nang ek dara, hyak dib nong nang ulumak bok, yok-yok yuba salamak nim era, yuba danganaʾ orok dara, or mek so ulumak. Alda yok-yok yuba salamak nim era, yuba dolomak nim enyek migibaʾ dangiyiwanobaʾ aboka, yuba dangawanamla dara, pellilimnesil.