1 TESALONIKA 4:11 - PERJANJIAN BARU NALCA YUBA

¹¹ Ugunuk seleb wenyamouba sok, namenaʾ ulumnulum. Yok nim edyinya nek doboka salyaʾ makal banggom. Ugunja soruk adya ugun dam nang wa welemnelum.

1 TESALONIKA 4:11 Խաչաձեւ Հղումներ

EPESUS 4:28

Nimi hokaʾ dololenya bera, hoga donaʾ ara wera loblul. Alda bera alja yokaʾ nong ok anyeb, bonaʾ garan ulumak nim ek elegousululaʾ aboka, alja soruk yokaʾ edya perob wa welelul.

1 PETRUS 3:4

Bok saawoka, alda ugunuk goubenya ubnelumaʾ ara ban: ugun goubenya ubnamna senen ganya era, ugunjaʾ ganya lomok anyek namen uboka, dogom aboka pe ulunun senen ganya, ugunjaʾ ganya lomok ab, Imik Neyung adya nenyek perob senelamlaʾ anasa, ugunja perob neneldanaʾ ara an.

TITUS 3:14

Nunja nim era, sikja unaʾ ek dara, perobaʾ ak unuwanggubijek aboka, sikja ganya edya anyek desibya bobsibya senelemaknya nera, pe dolonokaʾ aboka, sikda perobnya nenyek unulmorulunokaʾ aboka ella dangalanok.

1 TIMOTIUS 2:2

Hnon ara, mok soko dub nang amba hnon, yokaʾ-yokaʾ duka salawoka bo ulumak nim emba hnon, mololululum. Nu ulumab soko namen uboka, nunda Imik Neyung bek lok ganya boboka hyak pe ulunobaʾ aboka unuro mololululum.

1 KORINTUS 4:12

Nunda yokaʾ-yokaʾ dobnobaʾ aboka dara, nunja soruk adya yeiriwoka welemab. Nuk nim adya weil malyaʾ gloksin dara, unuwesin nang ek amba perobaʾ-perobaʾ lelemab. Nuk malya nenewoka obsin dara, obsin nang ek sam siklewoka lolomab.

1 PETRUS 4:15

Ugun gangganek ara nimi ben hnon, alda nim olomla gom, hokaʾ dolomla gom, yu ganya boboka malya unulamlaʾ adya gom, yok nim edyaʾ bok dobsalawoka ulumlaʾ adya, malya dangalamla adya igina kwewoka gweklelum dara, perob gom.

1 TIMOTIUS 5:13

Onoʾ hnonda nenyek ok gom, alda hnonda neikaʾ ak uldabnaʾ loboka, nim edya ek sam wele goluga unaʾ anasa, loblom. Hyak nauba omomaʾ loksonya nera, yuba miniwoka bol giriknaʾ hnon, yub era sabnenggom yuba bok, meka lelewoka len yuba hnon, yok nim ek bera unulamla aboka salyaʾ hmouna doboka sal giriknaʾ yuba hnon lelemak. Sikenek nera ugunja unuwanalum anaʾ orok wa bok, sikjok salyaʾ welemak.

2 KORINTUS 5:9

Nunda sokok an ulumab salek gom, imik heikek ulumnemab salek gom, ara Imik Neyung ganya anyek perobaʾ nenel eleklenob senewoka dulumab.

ROMA 12:11

Anjaʾ yeng ganya era hmenga dalyek, alda anja ganya era laga senedyaʾ boloklamlyekanya, Imik Neyung ak welelom.

RASUL 20:35

Nara nidyaʾ unulamsa anyek ugunja dilililulum aboka, ugunuk sam nimi hmeng ulumak nang ek wa weboka aralelulum aboka amasisa. Anasa wera, Wenelesilnya Yesus bedya, nimi yok nang eleknaʾ anyek perob so, don danagom, wenyamok ara ban amba anasa, seiniwoka beklemnemab,” hyok.

MARKUS 13:34

Sununaʾ ara, nimi be hnon yok heik binibnekanya, alja wa wen nim ek nadyaʾ ara pe diri bo ulululum aboka, anda wa nenyek welemnelam aboka wa yok-yok elege balasil. Dara pik sindamak sam welelanya bek, anda pe welsinilelom aboka oruga balamla sok, ubnamla.

ROMA 15:20

Anya ban yub en lero yabalamsa dara, nara nadyaʾ perobaʾ anyaʾ senelamsaʾ ara, Kristus si seleb ella unggulumeija nang mok soko era, yok nang edya seleb yangameija damok enyek, onoʾ nadya sounuwoka an eilib sob siklewanyek aboka, sikja mok heik era lelemsa.

RASUL 18:3

Dara wenyek, onoʾ Paulus bera sik nang penya ek biniboka yuba saboka, wera wa anaba neikaʾ ak beiyik soboka malamak e manaʾ enyek, Paulus beneba sonaʾ ella ulumok bok adya, wera anyagan neikik maboka weboka ulumek.