1 TESALONIKA 3:11 - PERJANJIAN BARU NALCA YUBA

¹¹ Wera nunjaʾ neyung Imik Neyung yokaʾ ab, nunja Wenelesilnya Yesus adya, ugunub neikaʾ ok eibdanamab pik era yarawousulul!

1 TESALONIKA 3:11 Խաչաձեւ Հղումներ

MATIUS 6:32

Ban unuruwaʾ nidyaʾ ara, nak yaso senewoka dulumak nim era, yok-yok mok soko nim Imik Neyung ak elgom ulumak nim edya danyek, hnonok unulumak. Ugunjaʾ neyung be imik heikek ululanya bedya dara, ugunja nidyaʾ doboka deisibya senelelumaʾ nidyaʾ ara, alda ella ulumla.

2 TESALONIKA 2:16

Ugunda perobnya weboka, onoʾ perobnya nenyek unulululumaʾ aboka, nunjaʾ Wenelesilnya Yesus Kristus adya, hnonda nunjaʾ neyung Imik Neyung adya, sobaʾ amba ganya sangab elegoka, nunja ganya migiba gebnesil. Imik Neyung adya nuk wanaʾ ulusilekanya, aljaʾ perob ganya edya, siklerob ganya boboka, perobnya nek ganya nebom aboka diri ulumab.

1 TESALONIKA 3:13

Wera anadya Wenelesilnya Yesus ara nimi nidyaʾ aljaʾ yokaʾ dangalamak nim eb yanamak sum era, Wenelesilnya bedya ugunja ganya migiba gebiyiwanesilaʾ adya, nunjaʾ neyung Imik Neyung saramek sam, nuk dara geisaʾ anyek uboka, si gegenaʾ pona orokaʾ ak dangiyiwanesil.

LUKAS 12:32

”Ugun ululum nim era dumunga mekaʾ me bok anasa, ugunda lok ganya bonaʾ ara mem! Imik Neyung ara alja wenelemnesilnya nenyek, ugunjinya danasil.

MATIUS 6:26

Ugunda im pik uru yabalamak wining enyek pe kendululum. Sikda wa weboka menggulumak, gwanenga yongonggulumak, denaʾ ulumlaʾ ara neikaʾ ak e soboka beilinggulumak. Wera ban ununggulumakaʾ anyek babya, ugunja neyung be imik heikek ululanya bedya sikenek denaʾ elegoka bo ulusil! Wining era or domdigum so bok, ugun nong ara perobaʾ nong ak unggululum de?

1 YOHANES 3:1

Imik Neyung adya nuk hyak nauba yadyek ulusilaʾ anyek, ugunda kendululum. Anadya wera, nuk nadya mab aboka si silisil. Dara aldib, nunda Imik Neyung alja mab ulumabaʾ aja. Anasa wera, soko nim era Imik Neyung ak mekaʾ elgom ulumakaʾ adya, nuk anaba elgom ulusak.

2 TESALONIKA 3:5

Wera anadya Wenelesilnya bedya aralesilyekanya, Imik Neyung ara ugunuk yadyek senelesilaʾ anyek pe ella dolulumaʾ aboka hnon, Kristus adya dara, ugunja ganya daklinggoka unaʾ hnon elegosulul senelesab.

LUKAS 12:30

Ban ganya en boboka yeiriwoka elemak nim era, yok-yok mok soko nim Imik Neyung ak elgom ulumak nim edya anara unulumak. Alda Imik Neyung ara ugunja nidyaʾ dobsibya bobsibya senelelumaʾ ara, alda pe ella ulusil.

MARKUS 1:3

Nimi ben hnon hwalek sam bii aboka lelemnamlaʾ ara, Wenelesilnya bemba pik orowek yarawoka meeb loblulum. Al yibinamlya pika nidyaʾ sangawoka jongaʾ yarawanalum, wenyalamnamla aboka lemok,” hyok.

GALATIA 1:4

Nunja malya unaʾ enesa leboka, wen malya unaʾ sokok an ulumabaʾ ak anyeb, blebsununaʾ aboka, nunja Wenelesilnya Yesus Kristus, al nong elekdok. Ban unuwokaʾ ara, nunja neyung Imik Neyung bedya seinimokaʾ sunuwoka unuwok.

ROMA 1:3

Alja me nek dara, nim ek sam dara, Daud nang yilaʾ ak ab beibek;

MATIUS 6:18

Anadya yok nim edya dara, sikda Imik Neyung amba gwanenga lomak senewanggunusak bok, alda ugunja neyung laga eilinggulumaknya bedya ok hnonok ella ubnamla. Anya unu doboka unulumnelumaʾ anyek, ugunja neyung be eillilesilnya bedya, alja deknaʾ ugunuk eleganesil,” hyok.

MATIUS 6:14

”Ugunda malya ubdangamun nim eb memeldalamnalum dara, wera ugunja neyung imik heikek ululanya beneba ugunja meknenaʾ doboka boloklomnesil.

MATIUS 6:6

Bok, ugunda heng uboka molowanamun dara, e lomok wekoka pika seregoka ugunjaʾ neyung be laga unggululanya bek molowanalum. Dara, ugunja neyung bedya ugunja doknowoka unuwanalumaʾ eibnesilnya bedya, alda ugunuk perobaʾ eleganesil.”

KOLOSE 1:2

ugunda Kolose sam Imik Neyung amba geisa uboka, Kristus ak dib senelelum hemyabo nim emba beibsab. Nunja neyung Imik Neyung ak ab wanaʾ uboka eleksinaʾ ab, namen ganya unaʾ ab danyek, ugunjaʾ dangalalul.

2 KORINTUS 6:18

Dara onoʾ, Imik Neyung hyak senenggomaʾ imik ululanya bedya dara, ”Nara ugunjaʾ neyung danasin dara, ugunda nadya memabo gelmabo dangoka ulumnelum,” alamla.

MATIUS 6:4

Ugunja ban unuwanalumaʾ ara, yok nim era eibnenggunusak bok, alda Imik Neyung adya ok hnonok eibnamla. Dara, ugunja geleleng aboka doknowoka unulumunaʾ anyek eillilisilnya bera, ugunjaʾ neyung imik heikek ululanya bedyaʾ anyaʾ, ugumba deknaʾ eleganasil,” hyok.

YOHANES 20:17

Danyek Yesus adya, Maria gek, ”Nadyaʾ neyung bek anam binggumnaʾ anasa, anda nak soruk salanenggom. Bok, anda berra aboka nadya hemyab ek bimenekanya, Yesus ara seleb nub alab, nunja neyung Imik Neyung bek, binimla aboka, wenyal bilom,” hyok.

1 TESALONIKA 4:16

Wenelesilnya bera imik ab yingginiboka bii aboka, lero dubnya wenyaboka, Imik Neyung benggong yuba leblya dara, somogomek nimi Kristus mab ara men welewanamak.

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

2 TESALONIKA 3:16

Wenelesilnya bera nuk penaʾ ul eleksilnya ulumla. Anasa, Wenelesilnya bedya ugunuk perob unaʾ ara yokaʾ-yokaʾ nidyaʾ ara ugunuk eleklesulul. Imik Neyung ara ugunuk nidyaʾ nang ek arawoka bo ulusulul.

WAHYU 21:3

Dara onoʾ ban senenggom ekla bunaʾ ak ab, yuba hnon bii aboka lelemokaʾ ak kebsaʾ ara, ”Imik Neyung adya albeyok ulumla oulyang era, wenyok nim ak dal! Imik Neyung ara nim ab neikaʾ ulumnemak dara, nim ara onoʾ alja mabo silibaʾ dangoka ulumnemak. Imik Neyung ara nim ab neikaʾ uboka, alda sikja Imik Neyung ulumnamla.