1 TESALONIKA 2:19 - PERJANJIAN BARU NALCA YUBA

¹⁹ Ugun nong anyek, nunjaʾ ganya nebom anaʾ dibaʾ uboka, eiya dabnaʾ dibaʾ ululum. Anasa wera, Wenelesilnya Kristus yanamla sum era, ugunuk danyek nunjaʾ perob bonaʾ dibaʾ danalumaʾ ak ululum!

1 TESALONIKA 2:19 Խաչաձեւ Հղումներ

PILIPI 4:1

Nadya wanaʾ ulusin hemyabo nim o, wera anasa ugunda Wenelesilnya bek hyak dib senewoka ganya ologoka ubmoublulum. Nara ugunuk hyak eibsisinya senen ulusin. Ugun nong anyek, nadya ganya hekoka nadyaʾ deknaʾ dibaʾ nim ululum.

1 TESALONIKA 3:13

Wera anadya Wenelesilnya Yesus ara nimi nidyaʾ aljaʾ yokaʾ dangalamak nim eb yanamak sum era, Wenelesilnya bedya ugunja ganya migiba gebiyiwanesilaʾ adya, nunjaʾ neyung Imik Neyung saramek sam, nuk dara geisaʾ anyek uboka, si gegenaʾ pona orokaʾ ak dangiyiwanesil.

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

1 KORINTUS 15:23

Bok, nimi nidyaʾ munaʾ gobdo yok-yok elaʾ gigiro embengaʾ suboka bukiyiwanasil. Kristus ak men embengaʾ suboka bukiyibok. Dara, onoʾ eimik al Kristus yanggalya sum era, alja ak ulumak nim era, embengaʾ suboka bukiyiwanasil.

MATIUS 16:27

Duboka mandenaʾ loboka, nimi dibaʾ me neb, alja lero nang eb, alja neyung bedya nong senedyaʾ pik uboka yanamak. Ban sum enyek, nimi nidyaʾ sikja unulumekaʾ sunuwoka yok-yok deknesil.

1 YOHANES 2:28

Najabo yab o! Anasa wera, ugunda Kristus ab neikaʾ sobaʾ kwebdangoka ulululum. Anadya wera, asaʾ ganya boboka al yalyaʾ ak binobaʾ aboka, alya anasa lomok doknoweibyek aboka pe keeboka ulululum.

WAHYU 22:12

”Aldib, dib nong ara, nara mek anam yanamnakanya, nimi nidyaʾ sikja unulumakaʾ sunuwoka deknesinaʾ anasa, deknaʾ en bo yanamna. Dara, nidyaʾ sikja unumekaʾ sunuwoka, gigiwoka eleganesin.

WAHYU 1:7

Wera, Yesus ara debaʾ hnoumung sam uboka yalamlyeʾ anyek kendululum e! Nimi nidyaʾ soko nim eibnemak dara, onoʾ alak gamaʾ adya gondowoka orob nim eneba eibnemak. Dara, nimi mok soko yok-yok nidyaʾ ara, alak eiyiwoka nauba engenaʾ salawanamak. Anasa aldib nera hyak dib unuwanamla! Amin!

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

1 TESALONIKA 4:15

Wenelesilnya albeyok wenyasuk sok wenyhenesab, Wenelesilnya yanamla sum era, anam embengaʾ ulumab nim era men somogomek Imik Neyung mabo mengeb hwibnenggunusab.

YUDAS 1:24

Imik Neyung ara, ugunuk malyinggijek aboka migibaʾ pe bo ulusilnya bek, anya ugun nonga doboka Imik Neyung al omomaʾ perobaʾ saramek sam si gegena ponaʾ orokaʾ anyek, ei-ei ganya gekman, migib imik nenewanasil.

1 PETRUS 5:4

Anya senenggomaʾ imiknya nimi bo ulusilnya yanamla sum era, ugunuk ara senedyaʾ mekaʾ habnenggunumla bonaʾ enyek, senedyaʾ yakaʾ anyek eleganesil.

2 TESALONIKA 1:7

Wen ugun an yokaʾ adya igina kwelesil nim ek hnon arawanasil dara, onoʾ nuk anaba neik so arawanasil. Anasa Imik Neyung ara imik heikek abaʾ ara aljaʾ senenggom migib lero nang neikaʾ hiboka yingginimak sum enyek unuwanesil,

1 KORINTUS 4:5

Anasa wera, ugunja men, bera malya ubla, bera pewal aboka, berra aboka yana leleldanggom. Alda diri ulumunaʾ ara Wenelelesilnya bedya yalyekanya, al adya yok-yok damoka nidyaʾ gunaʾ lomok sam doknolomlaʾ ara, poboka laga nenewanamla. Imik Neyung adya, onoʾ nimi ganya lomok mouboka seinilemaknya nera, laga nenewanamla. Ban sum enyek, nimi nidyaʾ ara, Imik Neyung adya sikenek unuro yana lelewoka gigiwanesil.

1 TESALONIKA 2:20

Anasa ugun nong anyek, nunjaʾ perob bonaʾ dibaʾ anaso ululumukanya, nunjaʾ ei-ei ganya nenesinaʾ gak nim ululum!

MARKUS 8:38

Yu hwam uboka malya unaʾ lomok an unulumak salek wen, na nong ab, nadya neklesin yub eb danyek, ugunda alya amba nim ak laga lel eleknenggulumun dara, alda alja neyung bedya nong unaʾ lomok senenggomaʾ ab, geisa ulumak lero nang eblaboka yanamla sum era, sik hogung ak nimi dibaʾ me ara naba alya anasa, albabya lobnamla,” hyok.

YOHANES 21:22

Dara, Yesus adya Petrus bek, ”Nadya alda or embengaʾ ululul senemnya dara, alda or moruwoka ulumlyaʾ ara na eimik yanamna. Anasa nera, anjinya gomaʾ, loblom. Bok, anda nak diriga yalanelom,” hyok.

2 TESALONIKA 1:4

Anya wera, ban unululumnya nenesa leboka, nunda yok Imik Neyung yub donaʾ nim ek kemero yabanek ab, ugunuk nekoka, sikda anaso unu yuba dib senewoka unulumak aboka nekdo yabalesab. Ugunuk nong ak dara, yokaʾ-yokaʾ damok igina kweboka, nauba gweklelum bokaʾ anyek babya, Kristus ak ganya kweboka dib dololumaʾ ara dib mel-mel alamlaʾ anasa, unulumak aboka nekdo yabalemab.

2 TESALONIKA 2:1

Nunjaʾ Wenelesilnya Yesus Kristus yanggan yuba nong eb, nun nong anyek neikaʾ ak bobmamaganasilikanya ulumnemab an yub enesa leboka, nadya okoka moloweisinaʾ nong ara ban:

YAKOBUS 5:7

Wera anasa, nadyaʾ hemyab o, ugunda ganya siklewoka ulumunaʾ moruwoka Imik Neyung yanamla. Nimi wa weboka melelanya bera, wa weboka meb lomnaʾ ara moka yeiniboka nong ubna dara doboka delemlaʾ amba diri ulumlaʾ anyek, ugunda sunuwoka kendululum. Dara bera alda siklewoka ulumnaʾ ara, esaʾ uruklamla salek hnon, nong ulumna salek hnon diri ulumla.

YAKOBUS 5:8

Imik Neyung yanggan salek era, oka dalaʾ anasa, ugunda hnon ugunja ganya hwiboka ganya siklewoka pe diri ulululum.

2 PETRUS 1:16

Nunjaʾ Wenelesilnya Yesus Kristus migibaʾ eimik yanamla aboka neklesubaʾ anyek, nim adya geremseng adya, meka lelewoka salamak yub ek neknenggusuba. Kristus anyek Imik Neyung adya imik nenewokaʾ ara, nu nong adya ok ab okoka eibuba.

2 PETRUS 3:4

Anya ban wenyalamnasakaʾ ara, ”Imik Neyung ara yanamna hyok alalumaʾ ara wera har laga yal? Wera alda hanyagar ulumla? Nunjaʾ neyung yabo youmaʾ nang era seleb somogekaʾ anaba, yokaʾ-yokaʾ ara yok hogunga beilinaʾ loboka, youmaʾ anam uyimokaʾ wenesoʾ ak or ulumla!” aboka lelemnesak.