1 TESALONIKA 2:14 - PERJANJIAN BARU NALCA YUBA

¹⁴ Nadyaʾ hemyabo nim o, ugunuk an igina kweboka malya nenelesilaʾ ara, Yudea sam Imik Neyung yuba doboka, Yesus Kristus mabo dangamek nim eneba unulusil. Ugunuk an igina kwellilisakaʾ ara, ugunjaʾ meneng mok nang edya ulusak, dara Yudea sam yuba dolomak nim igina kwellilisakaʾ anaba sikja mok nimi Yahudi nang edya ulusak.

1 TESALONIKA 2:14 Խաչաձեւ Հղումներ

1 TESALONIKA 3:4

Nunda neikaʾ ugunub ulumouba sum era, nunda eimik era igina nauba kwebnesilaʾ ak yuba dobab asubaʾ ara ugunda seleb ella ululum. Wera nera aldib gigiwoka ugun gangganek an unulusilaʾ ara, eillilelum.

2 TESALONIKA 1:4

Anya wera, ban unululumnya nenesa leboka, nunda yok Imik Neyung yub donaʾ nim ek kemero yabanek ab, ugunuk nekoka, sikda anaso unu yuba dib senewoka unulumak aboka nekdo yabalesab. Ugunuk nong ak dara, yokaʾ-yokaʾ damok igina kweboka, nauba gweklelum bokaʾ anyek babya, Kristus ak ganya kweboka dib dololumaʾ ara dib mel-mel alamlaʾ anasa, unulumak aboka nekdo yabalemab.

GALATIA 1:22

Bok na nong ak dara, yuba donaʾ nim Kristus lomok uboka Yudea sokok ulumek nim era, okoka benyekaʾ senewoka ella danganggulunyek.

1 TESALONIKA 1:6

Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

2 TESALONIKA 1:1

Hem yabo Tesalonika heikek yuba donaʾ nim, nunjaʾ neyung Imik Neyung mabo dangoka Wenelesilnya Yesus Kristus mabo dangalum nim ek,

1 TESALONIKA 1:1

Paulus beb, Silvanus beb, Timotius beb dadya, Tesalonika heikek yuba donaʾ nim ek momnya donaʾ en beibsab. Ugunda Imik Neyung lomok ululumukanya, Wenelesilnya Yesus Kristus lomok ululum. Dara, wanaʾ uboka eleksinaʾ hnon, namen ganya bonaʾ hnon, ugunuk elegousulul.

1 KORINTUS 7:17

Imik Neyung adya ugunuk youbsukaʾ ara, al adya migib elegoka ban unuwoka ulumnelum aboka, youbosuk sok, neik so unu ulumnalum. Dara, ban yub enyek, nimi nidyaʾ Imik Neyung yuba dolomak nim ek unulululum aboka, wenero yabalasin.

RASUL 17:13

Wera Yahudi nang edya Tesalonika heikek ab sam kelemek enyek, Paulus bera Berea heik Yesus yuba nim ek leboka unulamla an yuba kemek dara, sikbabya Berea heikek yeiniboka, nimi ganya soro-wara eiyiwoka, nimi nidyaʾ ganya ara yu neniyisik.

RASUL 11:19

Wera Stefanus bera seleb obek dara, Imik Neyung yuba dolomek nang era, doboka olosik. Dara yok heik yok heik bok sen-senem abgokoka ulumek. Dara, bokdangoka hnonda Fenesia sam yeiri balamek dara, hnonda Siprus sam balamek, hnonda Antiokhia sam balamek. Dara, sikda Imik Neyung adya perob lero yanggan yub era Yahudi nang yokaʾ nong ok leb elekdo yabalamek.

RASUL 9:31

Dara wenyek, Imik Neyung yuba donaʾ nim anyek, Yudea sokok hnon, Galilea sokok hnon, Samaria moka hnon, ulumek nim era, kaboka pe ulumek. Imik Neyung Geisinya adya arawoka, sikda Wenelesilnya bek lok ganya boboka, yuba dolomek nimi nidyaʾ ara, ganya gasa kaboka, sik nonga yuba dolomek, anaba nauba danggiga balamok.

RASUL 9:13

Bok Ananias bedya dara, ”Wenelesilimnya, o nara ban benesa nimi nauba alsamba, alja nimi munaʾ Imik Neyung mab Yerusalem heikek ara nauba oboka unulusil alamaknya bek anasa,” hyok.

RASUL 9:1

Dara onoʾ al neik salek Saulus bera Wenelesilnya Yesus ak diriga ban nang ek yeiriwoka olosunun senen ganya boboka, yub adya lobaʾ nenellilisuk.

RASUL 8:1

Saulus bera anyagan ulumok ara, Stefanus bek obek dara, perob senemok. Dara al neik sum enyek, men obadya nang Imik Neyung yuba lenaʾ gak nang enyek orok bok, yok Yerusalem heikek sam ab yuba donaʾ nim ek, doluwoka yaklanawoka doboka olosik dara, doluwoka bokdangoka hnonda Yudea sam hnon, hnonda Samaria sam hnon, doknol balamek.

RASUL 8:3

Bok, Saulus bera yeiniboka Imik Neyung yuba donaʾ nim era, nauba deijik senewoka soldob menegonun aboka dulumok. Dara, alda hnon ek obgogowan dara, onoʾ hnon yok ek biniboka Imik Neyung yuba dib senemna nang, nengmab ab gelewa ab, doboka bobna dara, nimi henga gereksin ek sam henga geregel balasuk.

RASUL 13:50

Bok, anyagan heik yokaʾ senenggom dub nang eb, Imik Neyung ak lok ganya boboka ulumek dub gelewa eb dara, sikenek Yahudi nang edya wenyaro doblesik. Wera danyek, sikda Barnabas Paulus ak isaʾ nang geboka oboka, ugun penya dara, nunja ak sam ab lo binirum aboka waboka yakasik.

RASUL 14:2

Bok onoʾ Yahudi nimi darasam hnon nim era bokoka, Yesus yuba donaʾ lek senewoka ulumek nim era, Yahudi gom nim ek wenewoka sondaʾ anasa lelerak aboka wenewoka lelesik adya, wera sikbabya Yesus ak dib senewoka dolomek nim ek malya senelemek.

RASUL 14:4

Bok, heik enyegan nimi sik moumen dukaʾ lolowoka bokdangoka, hnonda Yahudi nang ek sam bokoka makal balamek dara, hnonda Imik Neyung yuba lenaʾ gak nang ek sam mamagel bilimek.

RASUL 14:5

Wera danyek, Yahudi gom nim eb, Yahudi nimi yokaʾ nim eb, sikja dub nang eb, Paulus beb, Barnabas beb danyek, girik adya gweboka saboka obnemab aboka yuba sal gegelemek.

RASUL 14:19

Dara onoʾ danyek, Yahudi nang edya wene nang Pisidia moka Antiokhia heikek ab hnon, Ikonium heik ab hnon ara, Listra heik yeilimeekanya, wenewoka lelesik adya, nimi nauba ganya dangawoka Yahudi nang ek sam makal bilimek. Wera sikda heik enyegan nang era, Yahudi nang eblaboka neikaʾ hiboka, Paulus bek girik adya saboka oboka, eremek weilik sam bologol bilimek. Sikja dara, Paulus bera seleb somogamla senemek.

RASUL 18:12

Wera onoʾ Galio bera, Akhaya moka dubnya ulumok sum enyek, Paulus bek malya lelemla aboka Yahudi nang adya bleklemeekanya, Paulus be nong ak henga goubuka yana lelesinaʾ ak sam bo bilimek.

1 KORINTUS 10:32

Anja unulumennya nedya, yok nimi malya unaʾ lomok sam malyinggijek anasa, pe keeboka ululom. Nera Yahudi nim gom, Yahudi gom nim gom, Imik Neyung yuba dolomak nimi gom, nidyaʾ ak lebsin.