1 TESALONIKA 2:13 - PERJANJIAN BARU NALCA YUBA

¹³ Ugunja hnonok pe unululumaʾ anyek nunda eiyiwoka Imik Neyung ak sobaʾ giblemab. An wenyhenaʾ ara, nunja ugunuk Imik Neyung yuba leb elegesuba sum enyek, ugunja keboka dolumaʾ ara, nimi sirikaʾ yub anaso ganya boboka dobnenggulum, alda Imik Neyung nong adya yub dib senewoka dolumaʾ nong amba Imik Neyung giblemab. Wera ugun Kristus dolum nimi gangganek an wen welesilnya nera ban Imik Neyung yub enedya welesil.

1 TESALONIKA 2:13 Խաչաձեւ Հղումներ

IBRANI 4:12

Imik Neyung yub ara, embengaʾ ab, migibaʾ ab, yok-yok mal si nek ab dara, hyak yu nongaʾ ak ulumla. Imik Neyung yub ara, nimi nong ab, nimi ganya ab, lomok wekoka bokol meneklamla, onoʾ yok ab, nolonggwerenaʾ ab, ana lomok anaba bokol meneklamla. Anya, nimi ganya seininaʾ ab, unuwesinya ganya eb danaba, yok-yok nenewoka ella ulumla.

ROMA 10:17

Wera anasa, Kristus yuba kenaʾ adya, ganya aldib senenaʾ damok ara an kelemak pik lanalamla.

1 PETRUS 1:23

Wera embengaʾ uboka, pe migibaʾ ulumla Imik Neyung pik anyeb uboka, ugun nong ak dara, nim adya beillilesak nong unaʾ ek gom, alda imik sam sobaʾ pe ulumla Imik Neyung ek ab wenyok nonga nenewosuk.

1 PETRUS 1:25

Imik Neyung yub ak dara, or sobaʾ ulmorulamla,” aro momnya dobok. Dara ban Imik Neyung yub enyek ugunuk ara leb elegesik.

1 PETRUS 2:2

Wenelesilnya bera hyak perobnya ulumlaʾ ara, ugumba seleb ella ululumaʾ anasa, ugunda wenyok beibna me neneso uboka, perob geisa moum soub mek enyek desinya senen ganya bololulum. Ban anadya ugunja ganya nebnesilikanya, blebnesil.

LUKAS 11:28

Bok Yesus adya dara, ”Nauba so ara, nim Imik Neyung yuba keboka pe unulumak nim enyek, hyak nauba pe ulumak!” hyok.

RASUL 13:48

Yahudi gom nim era, Paulus bedya ban wenyaboka lelemok anyek kemek dara, eiya uboka, Imik Neyung yub ak gigiwoka eiya hlalamek. Wera onoʾ, Imik Neyung adya embengaʾ unaʾ dobnemak senewoka orowek seiniwoka gegemok nimi nidyaʾ era, Imik Neyung yub ak dib senewoka domek.

1 YOHANES 3:3

Nimi nidyaʾ ban nenyek nak unuwanenel senewoka ganya welemak nim era, al nong ara pe geisa ulunun aboka diri uldalamak. Wera Kristus anaba geisa ulumla sok, malya unaʾ ak ab loboka geisaʾ ak ulunun senelemak.

GALATIA 4:14

Nadya nong enyek anaso ubnyok bok dara, ugunuk ara hubnemabaʾ ak ubla anaʾ dok bok, ugunja dara, heng kemenaʾ malya danganaʾ danggubuk. Ugunja nak ara, Imik Neyung lero anasoʾ gom, Yesus Kristus diligaʾ anasoʾ doboka perobaʾ lebnulum.

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

RASUL 17:11

Dara, Berea heikek nim era, ganya hegom aboka perob so ulumek bok, Tesalonika nim ek dara, gasa ganya bolomek. Wera onoʾ, sikda Berea nim era, Paulus bedya Imik Neyung yuba lelemok dara, sikda ganya eleleng aboka pe dolomeekanya, onoʾ Paulus bedya Yesus yuba lelesil ara, aldib gom aboka dara, Imik Neyung yuba bukuk sam sobaʾ ella danob aboka eboka einilimek.

KOLOSE 1:6

ugunuk an seleb yousuk sok, mok soko nidyaʾ oboka lelewoka doka moru balamla. Dara neikek, ugun gangganek anaba, an yub enyek einilumukanya, Imik Neyung adya wanaʾ uboka perob eleksinaʾ anyek pe ella dangalum salek ek ab ara mouruwoka, doka moru balasil.

LUKAS 8:21

Bok Yesus ara sikenek, ”Nimi nidyaʾ Imik Neyung yuba kelemaakanya, wenyalamlaʾ anyek unulumak nim enyek, sikenek wera nadyaʾ genong yabo, nadya weisab ulumak nim era al an,” hyok.

YOHANES 17:19

Neyung o, sik nong anyek, munaʾ mem nimi danokaʾ aboka, na damnya anaba munaʾanya neneldalamna,” hyok.

MATIUS 10:40

”Heknedya ugunuk perobaʾ leboka dolosinya bera, alda anara nak dolonel. Anya nak dolonelnya bera, alda nak sokok bokol yeilinyoknya bek dolomla.

YOHANES 17:17

Neyung o, anjaʾ dib yub edya, sikenek munaʾ nanga neneweisilom. Anja yub era, dib nong yub ara alan.

YOHANES 15:3

Nara ugunuk seleb elegeisisa yub edya, ugunda anaso seleb pewousuk.

LUKAS 8:11

”Wera yinaʾ bo bolol bilimokaʾ sununaʾ damok ara ban: Yinaʾ ara Imik Neyung yuba.

MATIUS 10:20

Anasa ban unuwanasak salek enyek yuba sabnelumnya nera, ugunja sibamaʾ adya sabnelum bok, neyung imik heikek ululanya alja Geisinya adya ugunuk uboka yuba sabnamla,” hyok.

2 PETRUS 3:2

Nadya ugunuk unuwanasinaʾ ara, Imik Neyung adya geisa ununumnaʾ lelemek nang edya youmaʾ yuba ugunuk nekesikaʾ anyek pe seiniwoka ulululum, hnonda Imik Neyung yuba lenaʾ gak nang edya ugunuk neklesakaʾ anyek, nimi blebsinaʾ dubnya dangoka wenewanasil yub enyek bekoka ulululum.

YAKOBUS 1:18

Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.

RASUL 17:32

Atena nim edya Paulus bedya nimi somogoka embengaʾ subnaʾ yuba lelemok enyek, nimi hnon adya sondaʾ anasa lelemla aboka Paulus bek oksellilimek. Anya onoʾ hnon lelemekja, ”Nunda hnon kebnemab anasa, onnya nenyek hnon yok sum saawoka lebsilom,” aboka lelemek.

RASUL 16:14

Dara, sik hnoum an bulumok gel gera alja si nera Lidia, alda Tiatira mok eb gel gek ulumok. Alda mouk dok akleng ek deknaʾ dekoka dolomok gel ulumok. Dara, alda Imik Neyung ak giblemok gel ulumok. Dara ban sum enyek, Paulus bedya neklesukaʾ ak pe keboka doblulaʾ aboka Wenelesilnya bedya alja ganya bakamok.

RASUL 10:33

Wenyaboka oruganyok anasa, wera neyung anak e yagenok aboka nim orugesisa. Wera anda ganya perobnya bek adya wera seleb nak yalam. Anasa wera, nunda nidyaʾ anyagan nadya ek longomab ara Imik Neyung saramek uboka neyung Wenelesilnya adya nuk lebsilom aboka orugagelyaʾ anyek, nuk lebsimen enyek kebnob aboka longomab,” hyok.

RASUL 2:41

Dara, Petrus bedya lelemok yub ek keboka dib senewoka domek nim ak meka dasik. Dara, nimi nidyaʾ ban sum Imik Neyung ak dib senewoka domek nim era hiboka denga salyeʾ obadya nang anaso, dangamek.

RASUL 8:14

Dara, Yerusalem heik ab yuba lenaʾ gak nang edya, Samaria nang era Imik Neyung yuba dib dobak an yuba kemek dara, anasa wera Petrus Yohanes ak kemel binirum aboka bokol bilisik.

LUKAS 5:1

Dara onoʾ yok sum enyek, Yesus ara Genesaret mek gwan gek sam biniboka sekemok. Dara, nimi nauba Imik Neyung yuba kebnobaʾ aboka al nong ok sam obgokdangoka yalamek.

IBRANI 4:2

Anasa Imik Neyung adyaʾ perob lero yanggan yub era, sikenek leb elegeisik sok, onoʾ nuk anaba leb elegeisik. Bok sikja yuba seleb kebekjok, dib senenaʾ orok anasa, siksamba dara, Imik Neyung yub ara perobaʾ danggubuk.