1 TESALONIKA 2:10 - PERJANJIAN BARU NALCA YUBA

¹⁰ Ugun Kristus ak dib senelum nimi gangganek ara, nunda geisaʾ uboka, hyak pe unuwoka, si gegena ponaʾ loboka, ulumouba. Nunja unu ulumoubnya nera, ugumba seleb eillilisulum, hnonda Imik Neyung anaba ella ulusil.

1 TESALONIKA 2:10 Խաչաձեւ Հղումներ

1 PETRUS 5:3

Ugunja nim enera, bo ubnelum aboka elegeisik nim ek ara, ugunja dara, senenggom dub nang edya ununaʾ enyek ununggom, mem; alda sikja ugunuk diliwanesijenya nenyek unulululum.

1 TESALONIKA 1:5

Nunda ugunuk perob lero yanggan yuba lelemoubaʾ ara, sibamaʾ adya ok lenggulumouba. Alda migib adya, Geisinya adya, ban yub enera hyak dib nong senewoka leb elegesuba. Ugunuk pewosululaʾ aboka, nunda ugun gangganek ara, hekaʾ huboka ulumoubaʾ ara, ugunda pe ella ululum.

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

2 TIMOTIUS 3:10

Bok anak dara, nadya men nekenggesa yub eb, nadya hekaʾ anaso uboka ulumsaʾ ab, nadya unu ulunun senelenanya neb dara, anda seleb eiyiwoka ella ululam. Nadya hyak dib nongaʾ anyek, Yesus Kristus ak dib senewoka onoʾ nim ek wanaʾ ulusinaʾ ara, anda seleb ella ululam.

RASUL 20:18

Wera Epesus nanga yek dara, Paulus bedya sikenek lebokaʾ ara, ”Hem yabo nang o, nara men Asia anam yeilimsa sum enyek, ugun gangganek nadya hekaʾ huboka ulumsa ara, seleb ella ululum.

1 TIMOTIUS 4:12

Anda goubenya ululamaʾ anasa, yok nim edya anak, alda mek goubenenya benyaʾ seneweigijek. Bok alda saawoka, Imik Neyung mab adya anja unulumennya nenyek diliwagenokaʾ aboka, anja yuba sanaʾ maka hnon, anja ununaʾ hnon, nim ek wanaʾ unaʾ hnon, ganya geisa uboka Yesus Kristus ak dib senen ganya hnon boboka bojam ululom.

2 TESALONIKA 3:7

Nunda ugun gangganek sam ulumouba dara, wa wenaʾ ara hnon sulmalyaʾ unggulumouba. Anasa ugumbabya nunja wa yeiriwoka welemouba sok, nunja diligaʾ doboka wa moubuka welelulum.

1 TESALONIKA 2:5

Nunda ugunuk ara perob-perobaʾ yub edya meka lelewoka lebnenggusuba, orokaʾ anaba malya ubsinob senewoka hnon, ugunuk bob leregiyiweisinob senewoka Imik Neyung yuba leb eleganggubsuba. Imik Neyung ara ella ulumla!

2 KORINTUS 11:11

Hekasa nara anaso wenyhen do? Nara ugunuk wanaʾ usinaʾ orok adya anaso lebna de? Orok! Nara ugunuk wanaʾ ulusinaʾ ara, Imik Neyung anaba ella ulunel!

2 KORINTUS 7:2

Ugunja ganya edya nu nonga doboka beibsululum. Nunja dara, yok nim ek ara, hnon malya ubnenggumouba, dara onoʾ hnon malya danok senewoka malya nenewanggumouba. Nunda yok nim ek ab bobnenewoka perobaʾ dobnenggumouba.

RASUL 24:16

Wera nenesa leboka, nadya mek ganya enyek geisa ulunun senewoka, Imik Neyung ak anaba, onoʾ nimi sirik ak anaba, sikenek hyak pe unulunun senewoka sunulyamalamna,” hyok.

RASUL 20:26

Anasa, nara sumen enera ugunuk sam gununaʾ loboka laga poboka lebnesinaʾ ara, Nara Imik Neyung adya alja orowek seinimokaʾ nidyaʾ anyek, ugunuk ak hyak sene mandewoka longgulumsaʾ anasa, ugun gangganek an nimi be hnon yuba dobnenggunumla dara, nera nadya huka bonggulumna adya, wenyhesin.

2 KORINTUS 11:31

Imik Neyung, nunjaʾ Wenelesilnya Yesus aljaʾ neyung bera, sobaʾ giblemnemaknya bera, nara sondaʾ lenggulumnaʾ anara, ella ulunel.

2 KORINTUS 5:11

Imik Neyung ak lok ulumak an damok era, nunda seleb ella ulumabaʾ anasa, yok nim ek ara dukaʾ lolom-lolom aboka lelemab. Imik Neyung ara nunjaʾ ganya lomok anaba hyak nidyaʾ olowoka ella ulusil, onoʾ ugunjaʾ anaba nunja ganya ek ara ella ubsinok senelamna.

2 KORINTUS 4:2

Nunda doknololanya, nimi malya dangoka alya dangananya nera, lek aboka lolomab. Nunda nim ak bob geregoka, Imik Neyung yub ak dangab menegoka unggulumab. Alda nuk dara, Imik Neyung wa welemabaʾ ara, dib nong yub enyek laga amawoka welemab. Ban adya, nimi nidyaʾ ara nuk dara, Imik Neyung hogung ak ara, aldib anara welemak senewoka, sikjaʾ mek ganya ek ab wensenewaneseng.

LUKAS 23:41

Alda nuk dara, aldib nunja okoka malya ubnumaʾ amba sunuwoka usak. Bok alak dara, hyak malya unaʾ orok bok, oboka gal ak glabamak!” hyok.