1 TESALONIKA 1:6 - PERJANJIAN BARU NALCA YUBA

⁶ Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

1 TESALONIKA 1:6 Խաչաձեւ Հղումներ

MATIUS 16:24

Dara onoʾ Yesus adya, alja yuba doro diriga ban nang ek, ”Nimi nak diriga yanenyak aboka dara, alak perob danasonya nera hibigalyekanya, aljaʾ igin yakaʾ doboka, nak diriga yalanulul.

YOHANES 8:12

Dara onoʾ, Yesus ara nim ek yuba lelesuk dara, lelesukja, ”Nara sokok an dilinaʾ ulumna e. Anasa, nak diriga yalanelnya bera, alda embengaʾ dilinaʾ ak sam ulmorulumnamla,” hyok.

RASUL 13:52

Wera Antiokhia heikek ulumek yuba doro diriga ban nang era, hyak ei-ei ganya boboka, Imik Neyung Geisinya adya deknewoka ulumek.

RASUL 5:41

Dara, yuba doboka lelemek nang era, Yesus si amba leboka olosak, yokaʾ unulusak ara, perob aboka eiya daboka, yuba sanaʾ gak nang ek ab goboka bilimek.

RASUL 9:31

Dara wenyek, Imik Neyung yuba donaʾ nim anyek, Yudea sokok hnon, Galilea sokok hnon, Samaria moka hnon, ulumek nim era, kaboka pe ulumek. Imik Neyung Geisinya adya arawoka, sikda Wenelesilnya bek lok ganya boboka, yuba dolomek nimi nidyaʾ ara, ganya gasa kaboka, sik nonga yuba dolomek, anaba nauba danggiga balamok.

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

1 KORINTUS 11:1

Nababya Kristus adya unulamlaʾ anyek, diliwoka ulumna sok, ugumbabya nadya unulunanya nenyek dililenululum e.

1 KORINTUS 11:2

Ugunda nak sobaʾ beklenulumukanya, nadya neklesin yub ek pe sunuwoka unululumaʾ anasa, nara ugunuk perob aboka gigilesin.

1 KORINTUS 4:16

Anasa wera, nadya ulumna sok diligaʾ doboka ulululumaʾ aboka, ugunuk dukaʾ lolom-lolom hesin.

2 KORINTUS 6:10

Nunda igin ganya bolomab bok, onoʾ sobaʾ ei-ei ganya bolomab. Nuk bonaʾ garan ulumab bok, nunja yok nim ek ara bonaʾ dub nimi nenelemab. Nuk dara, yokaʾ-yokaʾ garan ulumak senen bok, hyak yokaʾ nauba ulusil nang ek ulumab. Dara ban yokaʾ-yokaʾ nidyaʾ ak, perob wa wen nang beknaʾ dangalasululaʾ aboka laga amalamab.

2 KORINTUS 8:5

Nunja dara, anasoʾ ak eleganemak senewanggumoubnya nenyek unumek. Sikda Imik Neyung adya seinilamlaʾ sok, men dara, sik nong anyek Imik Neyung ak elegekjok, onoʾ nuk hnon sik nong elegeisik dara, yok aranaʾ era elegemek.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

EPESUS 5:1

Ugunda Imik Neyung adya wanaʾ ulusil mab ek ululumaʾ anasa, Imik Neyung adya unulamla ununaʾ enyek, diliwoka numba anaso ulunob senen ganya bolomnemun nim ek ulululum.

PILIPI 3:17

Ugunda nadyaʾ hemyabo nim o! Ugunda nadya unulunanya nenyek dililenululum. Nunjaʾ perob unaʾ seleb elegesubaʾ anasa, nimi nidyaʾ nunjaʾ ununaʾ diliwoka unulumak nim enyek, ugunda pe kendululum.

2 TESALONIKA 1:4

Anya wera, ban unululumnya nenesa leboka, nunda yok Imik Neyung yub donaʾ nim ek kemero yabanek ab, ugunuk nekoka, sikda anaso unu yuba dib senewoka unulumak aboka nekdo yabalesab. Ugunuk nong ak dara, yokaʾ-yokaʾ damok igina kweboka, nauba gweklelum bokaʾ anyek babya, Kristus ak ganya kweboka dib dololumaʾ ara dib mel-mel alamlaʾ anasa, unulumak aboka nekdo yabalemab.

2 TESALONIKA 3:7

Nunda ugun gangganek sam ulumouba dara, wa wenaʾ ara hnon sulmalyaʾ unggulumouba. Anasa ugumbabya nunja wa yeiriwoka welemouba sok, nunja diligaʾ doboka wa moubuka welelulum.

2 TESALONIKA 3:9

Ban nunja nidyaʾ ugun gangganek anya, yeiriwoka wa welemoubnya nera, ugunuk an si akoka molowanggunusibya aboka ulumoubaʾ gomaʾ, alda nunja unuweibya enyek, ugumba nuk diliwoka unuwolulumaʾ aboka ulumouba.

2 TIMOTIUS 4:2

Anda Imik Neyung yub ara sobaʾ lel eleklelom. Perob salek gom, malya salek gom, sobaʾ meewoka ululom. Anda nimi ganya dangallilisilom, meilinya nera ban aboka wenelesilom, banyek unuwolulum aboka nimi ganya wekellilisilom. Anda hyak ganya kaboka siklewoka ulumenekanya, pe neklesilom.

IBRANI 10:34

Nimi henga geregoka beillilesik nang edya engelemeknya nera ugumbabya unululum. Ugunja dara, nunda eimik era songa leboka blobnenggunumla perob so bonaʾ Imik Neyung adya eleganesilaʾ seleb ella ululumaʾ anasa, ugunja bonaʾ nidyaʾ hokaʾ nang edya doluwoka dolosik dara, or unulunok senewoka dogom alum.

1 PETRUS 1:6

Dara, ugunda wenyek dara, yokaʾ-yokaʾ nauba seʾ amba bobgeregoka sunulusil bok, ban amba bekoka ei-ei ganya bololum.

1 PETRUS 1:8

Ugunda wera Kristus ak ara heng eibnenggulumjok, wera alak wanaʾ ululum. Onoʾ wenera alak ara eilinaʾ orokjok, alak dib senelelum. Ban nenesa leboka ugunda wenera hyak ei-ei ganya bolomunukanya, hyak perob senewoka nauba eiya hlalalum.

1 PETRUS 3:13

Ugunda perob unaʾ enyek ok unulunob senen ganya bolomnelum bok dara, heknedya ugunuk ara malya ubnesuso do?

3 YOHANES 1:11

Nadya wanaʾ ulunggenaʾ hem o! Anda meilinya nek hyak dilinaʾ ara mem nong. Alda anda perobnya nenyek dililelom. Perob unaʾ unulumak nim era, sikda Imik Neyung adyinya ulumak. Alda malya unaʾ unuro ulumak nim era, sikda Imik Neyung ak elgom ulumak nim era an.