1 PETRUS 2:24 - PERJANJIAN BARU NALCA YUBA

²⁴ Nu nong anyek malya unaʾ adya gobuka ulusukaʾ anyek bleboka perobaʾ nenewosununaʾ aboka, anadya Imik Neyung adya unu ubseng senelelanya sunuwoka ubnokaʾ aboka, nunja malya unaʾ gong dara, Kristus adya huka boboka gal ak somogok, Kristus adya eneng menengaʾ edya ugunuk ara bleboka hwebsuk.

1 PETRUS 2:24 Խաչաձեւ Հղումներ

MATIUS 27:26

Dara Pilatus bera, Barabas bera henga lob lobookanya, nimi nauba wekemekaʾ ak Yesus ara saboka ololulum aboka orugookanya, oboka gal ak glabnelum aboka doboka elegosuk.

MATIUS 5:20

Anasa ugunda banyek seiniwoka beknelumaʾ ara, ugunda Yahudi yuba neksin nang eb, Parisi nang eb danyek, Imik Neyung senelamlaʾ ununaʾ ak sam ara, sikja dara mek so bok, ugunjinya nenyek nauba so danggunumla dara, wera aldib ugunda Imik Neyung wenesin heikek binggunulum!” hyok.

MATIUS 8:17

Yesus adya ban nidyaʾ unulumoknya nera, ununumnaʾ lelemoknya Yesaya bedya, ”Nunja hmeng usinaʾ dob salawoka, nunja neiklemabnya nera bo bilisuk,” amoknya nenyek gigiwolulaʾ aboka umok.

MARKUS 15:15

Anasa, Pilatus bera nimi ganya hekiyiwosunun senewoka, alda Barabas benyek siksamba henga lob lobsuk. Bok Yesus bek dara, legebnaʾ adya legeb-legeba obeekanya, oboka gal ak glabnelum aboka doboka elegousuk.

LUKAS 4:18

”Wenelesilnya bedyaʾ Geisinya ara nak ulunel. Wera anasa, alda nak seleb sekiyiwanyokaʾ ara, perob lero yanggan yub era, bonaʾ garan nim ek alja lelelulaʾ aboka, alda nak seleb orowek doboka sekiyinyok.

YOHANES 1:29

Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.

YOHANES 19:1

Wera Pilatus bera wekoka Yesus ak, an legeboka oblulum aboka orugusuk.

RASUL 10:35

Nimi ben hnon Imik Neyung ak lok uboka, alja unulamla nidyaʾ ara perob ok unulanya bera, Imik Neyung ara bera mok enyeganyebnya aboka webnaʾ loboka perobaʾ leboka doro dililamla,” hyok.

RASUL 10:39

”Dara, nun nang enyek, Yesus adya Yahudi nang mok ab, Yerusalem heikek ab ara, yokaʾ-yokaʾ nidyaʾ unulumok anyek, men youboka okoka eiyimouba nang era nunda an. Dara, sikda alak galak glaboka omek bok,

RASUL 13:29

Wera sikda nidyaʾ seleb Imik Neyung bukuk Yesus amba geklewoka momnya doboka ara unubgogomek dara, Yesus nong ara gal dubuk ab ara, beʾ dakoka boblinggek dara, al nong ara girik lomok sokok sam diyimek.

RASUL 5:30

Nunja neyung yabo youmaʾ nang sikja Imik Neyung bedya, ugunja henga goubuka galak bokoka oblumnya bek, somoknaʾ ak ab ara bukiyimok.

ROMA 6:11

Wera anasa, nunda malya unaʾ amba leboka seleb an unu somogomouba, bok Kristus Yesus lomok Imik Neyung amba leboka embengaʾ ulumabaʾ ara, ugunda nenyek hyak al dib senewoka, pe beklemnelum.

ROMA 6:13

Ugunja nonga, yana, soruk ara, nim on mal yin enesoʾ ak, ugunda malya unaʾ amba eleknenggom, mem. Bok ugun nong ara, nunda youmaʾ dara seleb somokdomoub bok, wera embengaʾ ulumab senewoka, Imik Neyung ak eleklelulum. Anya ban ugunja nonga, yana, soruk ara, perob nenesin mal yin geblelul aboka, Imik Neyung ak eleklelulum.

ROMA 6:16

Ugunda hnonnya bek biniboka, nara anja wa wenya danamna aboka bo elegeldal balalum dara, ugun nong ara ban benedya wa wenya dangoka, alja yuba pe keboka unululum ara, ugunda anam elgom ululum de? Anasa, ugunda malya unaʾ ak elegel dalalum dara, somoknaʾ ak bo balenggel. Bok pe keboka ununaʾ ak elegel dalalum dara, perobaʾ nenenaʾ ak bo balenggel.

ROMA 6:2

Anaso dara hyak mem nong! Nunda malya unaʾ amba seleb somoganggubub de? Anasa nunda malya unaʾ ak unuldibilloklemnemab dara, nera hyak okna so.

ROMA 6:22

Bok wenera, ugunda malya unaʾ ak ab seleb lob lobsuukanya, ugunda Imik Neyung bedya wa wen nang doulum. Dara, banedya perobaʾ dolumnya nedya pe munaʾ gobdo unaʾ ak bo balasilikanya, hyak sidyaʾ nong ara embengaʾ ulmoubnaʾ dangalamla.

ROMA 6:7

Anasa heknyek seleb somogok dara, alda malya unaʾ ak ab seleb lob lobok.

ROMA 7:6

Bok wenera nuk ganagosuknya bemba, nunda alsamba seleb somogokaʾ anasa, nunda unuwanalum an yub ak seleb blebsuk. Wera anasa, nunda wenera wenyoknya nera Geisinya bek sunuwoka welemabakanya, youmaʾanya oruknaʾ yuba momnya domoknya nek sunuwoka wenggulumab.

1 KORINTUS 15:3

Hemyab o, nadya ugunuk yokaʾ-yokaʾ leb elegesisaʾ ara, nadya seleb dobsenya nek leb elegesisa. Imik Neyung yuba momnya dobok sok, hyak dib nong ara, Kristus somogok ara nunja malya unaʾ enesa somogok aboka, seleb leb elegesisa.

2 KORINTUS 6:17

Anasa wera, ugunda sik Imik Neyung ak elgom ulumak nimi gangganek ab bokdanalumukanya, ugunda malyaʾ ak unulyamanggom. Dara, wera ugunuk perobaʾ leboka dobnesin,” ara Wenelesilnya bedya lelemla.

GALATIA 3:13

Imik Neyung yub ek ara, ”Gal ikoka oboka dibeknya bera, weil malyaʾ glokeknya bek ulumla,” aro momnya dobok. Bok wenyek dara, Kristus adya nunsamba weil malyaʾ glokeknya dangasukaʾ adya, nunda unuwanalum an yub ek ab weil malyaʾ gloksukaʾ ak ab, hweboka blebsuk.

EPESUS 5:9

Anasa Imik Neyung dilinaʾ ak ab lanalamlaʾ ara, perob ganya bonaʾ ab nimi yok nim ek pe ununaʾ ab, yok-yok dib yub era lanalamla.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

KOLOSE 2:14

nuk igina berewoka, kweldisinaʾ yok-yok sunuwoka memewoka, an lelemla sunuwoka, deklulum aboka yeirilisuknya nera, alja bo somogok gal ak paku bokokaʾ adya, wera alja orok nenewoka seleb lubsuk.

KOLOSE 2:20

Ugunda Kristus ab seleb neikaʾ somogoulum adya, wera sokok an nimi sirikaʾ ganya ek ab seleb blebdolum dara, hekasa ugunda sokok an anam ulumnaʾ anaso anyek, yokaʾ-yokaʾ memewoka unulumaknya nek an keboka unululum do?

IBRANI 10:10

Yesus Kristus ara Imik Neyung adya unuweisinya senemokaʾ anyek gigiwoka unuwokaʾ adya, al nong anyek doboka malya unaʾ doboka boboganasin bar aboka seleb elekdangoka somogok. Wera an al nonga doboka elekdokaʾ anadya, sobaʾ pe unulmorululaʾ aboka, lika hnonok somogokaʾ adya, nunda nidyaʾ ara, Imik Neyung amba ok munaʾ un nimi dengeiyiwousuk.

IBRANI 10:5

Ban nenesa leboka Kristus ara sokok sam yok sum era, Imik Neyung ak lebokaʾ ara, ”Anda pam ab yokaʾ-yokaʾ giboka eleklenjakaʾ ara perob senenggululam bok, alda nadya nong enyek doboka beiblum.

IBRANI 12:13

Anya, geimdilimak nim era oro beibsilyek, alda merewanokaʾ aboka ugun yaban pik era pe meewoka yaralelulum.

IBRANI 7:26

Anasa wera, yuba wa gakaʾ dubnya bera, banasonya benyek, nunda alak aboka, anera, alda meknenaʾ orokaʾ ak, malya unaʾ sibin ara, alak mekaʾ unaʾ orokaʾ anyek, geisa nongaʾ ok ulumlakanya, malya unaʾ nimi gangganek ara unggululanya, anya imik heikek ara hyak imik ululanya.

IBRANI 9:28

Anasonya neikek Kristus ara nimi nauba sikja malya unaʾ doboka bobogousululaʾ aboka lika hnonok elekdangoka somogok. Wera sumen penenya yanalanya nera, malya unaʾ amba meewoununaʾ aboka yanggunumla, alda nim alak yanamlaʾ amba diri ulumak nim enyek dib blebsinaʾ bo yanamla.

YAKOBUS 5:16

Anasa wera, ugunda merewanalum aboka dara, malya ulumunaʾ ara laga lebdangoka, onoʾ heng uboka mololdalalulum. Imik Neyung ak pelemak nim edya mololesak dara, senenggom migiba lanalamla.

1 YOHANES 2:29

Alda pelemlaʾ ok ulumlaʾ ara, ugunda ella ululum. Anasa, pelemak nimi nidyaʾ ara, anera alak ab beiyimek nim ulumakaʾ ara, ugumbabya nen hnon ella ululum.

1 YOHANES 3:7

Najabo yab o, yok nim edya ugunuk malya ub elegosunuk senewoka, ugun moumen sene pika yaraldanggom mem. Kristus adya pe unulamla sok, onoʾ perob ok unulumak nim era, perobaʾ nenelamla nim era an.

WAHYU 22:2

Dara, heik enyegan naubaʾ yaban pik hnoumung era, mek en mabokaʾ ge dara-dara ara, nim embengaʾ eleklesil gala gong ek sekdo byuukanya, gibnaʾ hnonok dara, walaʾ elaʾ gigiro lika obadya moulumla. Dara, gal meklaʾ danedya meklaʾ era, nimi nidyaʾ soko nim merellisinaʾ amba ulumla.