1 KORINTUS 9:26 - PERJANJIAN BARU NALCA YUBA

²⁶ Anasa wera nak dara, banyek dobnamna senenadyok, nara pe sidyaʾ ak bik-bik al balamna. Wera onoʾ soruk mal oldalamna ak anaba, nara salyaʾ lelem oro yabanggulumna.

1 KORINTUS 9:26 Խաչաձեւ Հղումներ

2 PETRUS 1:10

Anasa wera, nadya hemyab o, Imik Neyung adya ugunuk weboka youbusukaʾ ara, duboka pe ulumunaʾ adya, dib ulusil aboka amalelulum. Ugunda ban unaʾ enyek pe unulumun dara, yuba dololumaʾ ara, eimik era goowoka denghenggunumla.

2 TIMOTIUS 2:5

Anaso neikek, onoʾ nimi ben hnon bik-bik alalanya bera, ban unuwoka bik-bik hen dara, pelemak senenaʾ anyek pe unuwanggubna dara, wera bera bik-bik henemsoʾ anaba, alda perobaʾ donggulumla.

PILIPI 1:21

Anasa nak dara, embengaʾ ulumnaʾ ak dara, Kristus amba ok ganya dib beiliwoka ulumna. Anya somoganamna dara, wera onoʾ hyak pewanasinya, senelamna.

KOLOSE 1:29

Wera anasa, nara ban nenyek unuwoulul aboka, nadya migib nidyaʾ yeiriwoka, onoʾ alja migib na lomok welenel anyek sunuwoka, an unuwaso senewoka welemna.

LUKAS 13:24

Yesus adya saaboka lebokaʾ ara, ”Nimi nauba weknemab senewoka dubnemak bok, weknenggunumakaʾ anasa, ugunda mek pik weknemab senewoka yeiriwoka dulululum.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

EPESUS 6:12

Nunda nimi sirikaʾ ab mala weboka oldanggulumab bok, alda imik garan denaʾ ak sam wenewoka bo usinaʾ ab, senenggom unaʾ ab, wen gunaʾ ulumla sokok an bisaʾ dub unaʾ ab, gobdo malya ulumak yu bisaʾ unaʾ ab, oldalamab.

1 PETRUS 5:1

Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

IBRANI 4:1

Wera anasa, an Imik Neyung adya dek-deka sonaʾ ak weknelum hyokaʾ ara, anam or ululabok anasa, nim ugun gangganek ara ben hnon weknenggublyek anasa, hyak pe diri uldalamnemab.

2 KORINTUS 5:8

Wera anasa, nunda ganya migib ulumabakanya, nunda Wenelesilnya ab neikaʾ ulunob senen ganya boboka, wen ulumab nong enera lobsibya senelemab.

2 KORINTUS 5:1

Nunda seleb ella ulumabaʾ ara, nunja e nera, nera nunja nong enyek, nu sokok an ulumab e nera golowanamla dara, nimi soruk adya songgulumak e nera, Imik Neyung adya solomlaʾ sobaʾ ulumnamla e nenyek, imik heikek Imik Neyung adya seleb sobsuk.

1 KORINTUS 14:9

Ugunuk dara, neik so. Anja yok yuba sanaʾ pe beknaʾ lenaʾ orok dara, anja lero salasom yub era, ella danggunuseng. Dara anja saro lololam yub era, salyaʾ im pik dengaro lobnamla.

MATIUS 11:12

Yohanes bera alda anam yuba lelemok salek ebaʾ moruwoka, nim Imik Neyung wenesinaʾ ak ulumak nim era, yok senenggom nang dangoka ulunob senelemak nang edya malya nenewoka ol neblesak.

GALATIA 2:2

Imik Neyung adya or Yerusalem heikek binilam aboka aawoka nekenyokaʾ anasa, bilimsa. Wera Yerusalem heikek ara, hnonda si sinaʾ nang eb neikaʾ longowouba dara, nadya Yahudi gom nim ek perob lero yanggan yuba lel eleklamsaʾ anyek, neksisa. Nera youmaʾ wesenya gom, eimik welemnenanya gom anyek, hnon nim era salyaʾ lelem welemla seneweneijek aboka, si sinaʾ nang ok gelelenga neksisa.

2 TIMOTIUS 4:7

Nara pe yeiriwoka oldalamsa. Nara bik-bikal dakal bilimsa. Nara dib senenaʾ ak pe bojam ulmorulamnyaʾ ara sidyaʾ daknamla.

IBRANI 12:1

Wera nuk kemelesak nim era nuk goulub ganagok debaʾ anasoʾ anyek ulumakaʾ anasa, wera nuk igina ul eleklesilaʾ nidyaʾ ab, men meknewaneseng malya unaʾ eb dara loboka, ugunsamba yeiriwoka bik-bik aboka unulululum hyokaʾ ak ara, ganya gouluwoka bik-bik alamnamab.