1 KORINTUS 9:23 - PERJANJIAN BARU NALCA YUBA

²³ Ban nidyaʾ nadya unulunanya nera, anadya Imik Neyung alja perob lero yanggan yub amba anasa, nababya perobaʾ donululaʾ aboka ulumna.

1 KORINTUS 9:23 Խաչաձեւ Հղումներ

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

MARKUS 8:35

Anasa nadya nong anyek weiningdanyek senen ganya bololanya bera, alda denghenelabok, Imik Neyung adyaʾ perob lero yanggan yub eb, nasamba hnon leboka, al weininggeldalamla dara, were alja nong era, eimik blebnamla.

1 YOHANES 1:3

Wera ugunub nub neikaʾ ganya kwebdangoka ulunobaʾ aboka, nunja seleb heng eiyimouba o kemoubaʾ anyek, ugunuk lel eleklesab. Nunja ganya kwebdangoka ulumabnya nera, Neyung beb, alja me Yesus Kristus ab, neikaʾ ganya kwebdangoka ulumab.

IBRANI 3:14

Nunja men youmaʾ ek mouruwoka dib senemoubaʾ anyek, pe gasa salabmouboka ulumeibyaʾ ara, sidyaʾ daknamla dara, aldib Kristus ab seleb neikaʾ un nimi douba.

GALATIA 2:5

Bok nunda dib leblum aboka, sikja yuba mekaʾ kenaʾ anaba kebnenggumouba. Wera an unumoubaʾ ara, perob lero yanggan yuba dib ulumlaʾ ara, ugunuk sobaʾ ulululaʾ aboka umouba.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

2 TIMOTIUS 2:6

Dara onoʾ hnonda, nimi wa ara men nonogoka weboka menanya benyek, masa ara nonga ubna dara, alak men boboka delemla.

2 KORINTUS 2:4

Nara ugunuk momnya weboka beibsisaʾ ara, hyak igin ganya boboka ganya soldowoka obdasakanya, heng mekaʾ gadyaʾ beibsisa. Ban nadya unuwasaʾ damok ara, ugunuk solom ganya boboka angwei senewoululumaʾ aboka gom, alda nara ugunuk hekaʾ huru wanaʾ ulusinaʾ anyek, ella ublulumaʾ aboka ubsa.

1 KORINTUS 9:12

Yok nim enyek babya, ugunuk an yokaʾ-yokaʾ eleganesak anyaʾ aboka, ganya welesak dara, wera nunda nauba so ugunuk ganya webnenggunusibya de? Bok nak dara, ban unusinya nera, anam hnon unuwanggusisa. Bok, alda nara yokaʾ-yokaʾ ara, or siklewoka bolonunaʾ, anadya Kristus amba perob lero yanggan yuba lero yabalamnaʾ ara, pika garawoka ubdongowalyek senewoka anasa lolomsa.

1 PETRUS 5:1

Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

ROMA 11:17

Anasa gal soruka wen seleb dibookanya, ugunda nong salyaʾ bongolamla gal enesoʾ anyek an seleb soboka makok dara, wera nidyaʾ hiboka Zaitun siligaʾ ok ulumla gal ak an maklum.

1 KORINTUS 9:22

Dara, onoʾ yuba doboka ganya kanaʾ orok nimi sik gangganek anaba, na ulumna dara, nara yuba doboka ganya kabnenggunanya benesoʾ ak ulumna. Nera sik nong anyek, Kristus ak sam doboka bo younunaʾ aboka, sene uro yabalamna. Anasa al ban nadya nidyaʾ unulunanya dara, yokaʾ-yokaʾ nidyaʾ unulamnya pik anyeb uboka, sik nong anyek, Kristus ak hnon bleboka bo yousununaʾ aboka, nidyaʾ ara uro yabalamna.

1 KORINTUS 9:24

Nimi bik-bik al balamakaʾ ak ara, nimi nidyaʾ neikebok bik-bik ab einimna bok, ben hnonok men binya bok deknaʾ dolomlaʾ ara, ugunda ella ululum. Anasa wera, ugumbabya deknaʾ dobnemab senewoka, hyak pe yeiriwoka bik-bik al balalulum.