1 KORINTUS 9:21 - PERJANJIAN BARU NALCA YUBA

²¹ Dara onoʾ Yahudi gom nim ek anaba, sikenek nara Yahudi gom nim eneso uro yabalamna. Al ban unulamnaʾ anaba, sik nong anyek Musa bedya unuwanalum an yub era, loboka salyaʾ beiyik ulumak bok, sikenek hnon Kristus ak diriga ban nimi danok senewoka, uro yabalamna. Ban unulunanya nera nak momnya dobok yub ek dib senenaʾ orok adya ulumna gomaʾ. Alda nara Kristus yub ak dara, anam ganya goluwoka unulamna.

1 KORINTUS 9:21 Խաչաձեւ Հղումներ

ROMA 2:12

Wera anasa, nimi nidyaʾ Yahudi nim emba unuwanalum an yuba orokaʾ anyek, malya unulumak nim era, Yahudi nim emba unuwanalum an yuba gonggom somoganamak. Bok nimi nidyaʾ Yahudi nim emba oruksin yub eb malya unulumak nim era, wera ban Yahudi nim emba unuwanalum an yub edya yana lelewanasil.

GALATIA 3:2

Nara ugunuk ab hnonok ella danamnaʾ ara, ugunda Geisinya dolumaʾ ara, unuwanalum an yub unululumaʾ adya gom, alda Kristus yub ak dib senelumaʾ adya dolum gom?

ROMA 2:14

Dara yok mok soko nim era, Yahudi nim emba unuwanalum an yub ek dara, sikenek ara unaʾ orok bok, sikja ganya doboka an unuwanalum an yub adya unulululum alamlaʾ an sunuwoka unulumak dara, wera sikda ban unuwanalum an yuba orokaʾ anaba, siksamba sik nong ara unuwanalum an yuba dibaʾ ulumak.

ROMA 8:4

Nera, unuwanalum an yub adya anyek-anyek unulumnelum alamokaʾ anyek, nimi ganya ak sunuwoka unulumak nang ek gom, alda Geisinya bedya ganya ak sunuwoka unulumak nang ek gigiwolul aboka an unuwok.

ROMA 7:25

Bok Imik Neyung adya nunja Wenelesilnya Yesus Kristus pik uboka blebnyok anasa, alak ok giblenob! Anasa nara nadya geremseng ganya ak sam ara, Imik Neyung adya unuwanalum an yub amba welenabok, nadya nong unaʾ ak sam ganya era malya unaʾ damok wa amba welemna.

ROMA 7:22

Anara nadyaʾ ganya lomok ara, Imik Neyung adya unuwanalum an yub enyek hyak perob senelamna adya.

RASUL 21:25

”Bok Yahudi nimi gom bok Yesus dib senemek nim era, nunja seleb yuba saboka, anyek unuwanamab aboka, sikenek sam momnya donaʾ pik lemobja, Ugunda nim ugumaʾ ak beillilimeijaʾ denaʾ denggom, pam enenga wining enenga salyaʾ denggom, somogalya pam wining salyaʾ denggom, gela salyaʾ salawoka yokaʾ unggom mem, aboka momnya doboka beiyimouba,” hyek.

RASUL 16:4

Paulus beb yok nim eb, sikda yok heik yok heik yabalameekanya, yuba lenaʾ gak nang eb, yuba dam nang eb dadya, Yerusalem heikek ab lemekaʾ anyek, dib senewoka unuwanok aboka elekdo yabalamek.

IBRANI 8:10

Ban wenyhesa salek en seleb dara, ban wenyek Israeli nim eb wenyaldanaʾ yub eleganesin. Nadyaʾ anaso unubdanamab an yub era, sikjaʾ ganya seininaʾ ak doronggoka, momnya dobnesin. Dara na nong ara, sikjaʾ Imik Neyung danamna dara, sik nong ara nadya mabo yokaʾ danamak.

RASUL 15:28

Ugunuk sam nauba senenggom igin yakaʾ enyek kweiyiwoka ubsilyek aboka, Imik Neyung adya Geisinya beneba hnon, onoʾ nunjaʾ anaba, nera ugunuk ubsilyek aboka, alda ban nenyek unuwanasengnya nera ban ulumla an:

GALATIA 6:2

Ugun moumen yok nim edya igin ulumlaʾ anyek, arawoka bobdangoka unulululum. Dara, Kristus adya unuwanalum an yuba pe unululumaʾ beknaʾ dangalamlaʾ ara an.