1 KORINTUS 9:19 - PERJANJIAN BARU NALCA YUBA

¹⁹ Na benyek dara, yok nim edya wa wenya unggulumna, dara nabeyok gobdo ulumna bok, ban unu ulumnaʾ anaba, na nong anyek yok nimi wa wenya neneldalamna. Ban unulunanya nera, anadya nimi nauba Kristus amba doboka bo younunaʾ aboka ulumna.

1 KORINTUS 9:19 Խաչաձեւ Հղումներ

GALATIA 5:13

Nadyaʾ hemyabo nim o, ugunda henga lob lomnaʾ anasoʾ ak ulululumaʾ aboka, Kristus ara ugunuk youbsuk. Ugunuk an lobsukaʾ ara, an unuwosukaʾ adya nunda yokaʾ-yokaʾ ak dara, ganya oka denaʾ adya salyaʾ lelem unulunok senenaʾ ara loboka, alda wanaʾ ubdangoka ugun moumen araldalalulum.

MATIUS 18:15

”An kabo edya anak malya ubgelya dara, anda malya ubgelenya bek an biniboka, ban nak malya ubnelem aboka laga neknelam. Ban nenera geleleng aboka ugun penya ok unubdanarum. Anja lebnelam yub enyek, an kabo edya dib senewanenggel dara, wera anda an kabo ek pe doboka perobaʾ ak bo yalalam.

1 KORINTUS 10:33

Ugunda naba ulumna sok, ugumba unu ulululum. Nara nak pewonululaʾ aboka ununggulumna. Alda yok nim enyek, yokaʾ-yokaʾ nidyaʾ ak ganya sangillilisununaʾ aboka ulumna. Ban nadya nidyaʾ unulunanya nera, nimi nidyaʾ blebsululaʾ aboka ulumna.

1 TIMOTIUS 4:16

Anja unulumenaʾ hnon, anja neklesimenaʾ hnon ara, an moumen anaba pe keebmoubdangoka unulumnelam. Ban nenyek pe unulmorulemen dara, an dam nang hnon, anja yuba kelenjak nimi hnon, nidyaʾ blebnesil.

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

2 KORINTUS 4:5

Yuba lel eleklesabaʾ ara, nun nong anyek geklewoka lel eleknenggulusab. Alda yub enera, Yesus Kristus ara Wenelesilnya nong ara an, an yub enyek, lel eleklesab. Bok, nuk dara alsamba leboka, ugunuk arasin nang ulumab aboka lel eleklesab.

ROMA 15:2

Nu gangganek ara nimi yok-yok nunja nim edya ganya eiya dabnaʾ anyek, alak perob danggiga balamnamlaʾ anyek yeiriwoka elemnemab.

1 PETRUS 3:1

Anasonya neikek ugun gelewa anaba, ugunja nenyab edya yuba pe kelelulum. Dara, ugun gangganek ara, Imik Neyung yuba dib senenggulumeija nimi hnon ulumnemak dara, ugunja dara sikenek ara yuba sal eleknaʾ loboka, ugunja pe unulumun nong unaʾ enedya sikda Imik Neyung ak dib senewanamak.

1 KORINTUS 9:1

Nabeyok ganya doboka, unulunanya unggulumna de? Nara Imik Neyung yuba lenaʾ gaknya unggulumna de? Nara nunja Wenelesilnya Yesus bera seleb eibnenggusinya bek ulumna de? Ugunuk dara, nadya Wenelesilnya bemba wa websaʾ adya, ugun Imik Neyung mabo dangalum nim unggululum de?

ROMA 1:14

Dara, Yunani nim gom, Yunani gom nim gom, sekolah dorob nang gom, dobnenggom nang gom, sikinek bol lonaʾ dangalanel bok ulumna.

GALATIA 5:1

Nuk ara seleb lobsuk nang geknebaʾ ulunokaʾ aboka, Kristus adya dara, unuwanalum an yub ek ab, seleb gobdo lobsuk. Ugunda oruknaʾ wa wen nang saawoka domunuk aboka, pe keeboka seklelulum.

1 KORINTUS 7:16

Ugun Imik Neyung yuba dololum gelewa edya dara, anja dara, nadya nenya era, Imik Neyung ak bleboka bo yanamna gom, orok gom ara, ugunda elgom ululum. Anasa onoʾ, ugun Imik Neyung yuba dololum nengmab edya dara, neikik nadya gel gera bleboka bo yanamna gom, orok gom ara, ugunda elgom ululum.

ROMA 11:14

Wera anedya nara nim ek sam dara, nadya mok soko nim ek sikja ganya soloma gebnesisinya adya, sikenek nimi wene nimi hnon blebnesisinya.

1 KORINTUS 10:29

Ban nadya lebnanya nera, ugunja mek ganya ek lebnenggubna. Alda lelelanya bedya mek ganya ek lebna. Bok, nadya ganya yakdewoka ulunanya nera, hekasa yok nim adya mek ganya edya sikliling sok ubnenyak do?

2 KORINTUS 4:15

Wera ban nidyaʾ unulusilaʾ ara, ugunuk perob dosululaʾ aboka ulusil. Anasa nimi nauba ara, Imik Neyung adya wanaʾ uboka eleksinaʾ eiyiwoka, wera sikja Imik Neyung ak perob aboka giblemnemaakanya, wera anadya Imik Neyung si ara imik beillilemnemak.

2 KORINTUS 12:14

Sum enera winilinya sum ugunuk kemel yousununaʾ aboka diri ubna. Anasa yanamna dara, ugunuk ara igina neneb eleganggunusin. Wera nadya perob senelamnaʾ nong ara, ugunja boboka delelumaʾ ak gom, ugun nong anyek nak eleganenok senelamna. Wera mekmab edya nauba nim ek yok-yok bonaʾ bolowoka beillinggulumak bok, alda nauba nim edya memab amba aboka yok-yok bonaʾ bolowoka beillilemak, anasa lemna.