1 KORINTUS 9:18 - PERJANJIAN BARU NALCA YUBA

¹⁸ Wera dara, nara hek deknaʾ ek dobnamna do? Nadya dobnamna deknaʾ era banyek ok, nara Imik Neyung adyaʾ perob lero yanggan yuba lero yabalamnak ab dara, nimi yok nang ek igina kweiyiweisinyek senen ulumna. Nera nara Imik Neyung yuba lelenanya benyaʾ senewoka salyaʾ men eleganulum aboka moloro yabanggulumna.

1 KORINTUS 9:18 Խաչաձեւ Հղումներ

YOHANES 4:36

Doka daklamak nang ara, sikja deknaʾ seleb dolomak. Embengaʾ ulmoubnaʾ amba dakoka mamaklemak. Dara, eimik era doka doklomak nim eb, doka daklamak nim eb, ei-ei ganya daboka ulumnemak.

RASUL 18:3

Dara wenyek, onoʾ Paulus bera sik nang penya ek biniboka yuba saboka, wera wa anaba neikaʾ ak beiyik soboka malamak e manaʾ enyek, Paulus beneba sonaʾ ella ulumok bok adya, wera anyagan neikik maboka weboka ulumek.

ROMA 14:15

Anasa anda an yokaʾ hnon delelamakanya, anjaʾ hem bek alja ganya soloma dabel dililam dara, wera anda wanaʾ uldalalulum alamla yub ek sunuwoka ununggululam. Kristus ara alsamba seleb somogok anasa, anda denaʾ anasa leboka anjaʾ hem bek somogoldinaʾ ara mem.

1 KORINTUS 10:33

Ugunda naba ulumna sok, ugumba unu ulululum. Nara nak pewonululaʾ aboka ununggulumna. Alda yok nim enyek, yokaʾ-yokaʾ nidyaʾ ak ganya sangillilisununaʾ aboka ulumna. Ban nadya nidyaʾ unulunanya nera, nimi nidyaʾ blebsululaʾ aboka ulumna.

1 KORINTUS 3:8

Anasa sik penya dara, neik wa welerak nang ulurak. Dara, sikda wa elaʾ gigiro welerak sok, deknaʾ anaba sunuwoka dobnarak.

1 KORINTUS 7:31

Sokok an wen ulumlaʾ eillililum ara, mek anam denghenelabok anasa, sokok an yokaʾ-yokaʾ unululumnya nenyek, salyaʾ so boboka lololumnya neneso ulululum.

1 KORINTUS 8:9

Bok, ugunda hyak pe keebmoublulum! An adya nidyaʾ yokaʾ-yokaʾ ara, ella uboka unululamaʾ adya, yub dib doboka ganya kanaʾ orok nim enyek, oluk diknaʾ girik anaso neniyiwamenek anasa, keeboka ululom.

1 KORINTUS 9:12

Yok nim enyek babya, ugunuk an yokaʾ-yokaʾ eleganesak anyaʾ aboka, ganya welesak dara, wera nunda nauba so ugunuk ganya webnenggunusibya de? Bok nak dara, ban unusinya nera, anam hnon unuwanggusisa. Bok, alda nara yokaʾ-yokaʾ ara, or siklewoka bolonunaʾ, anadya Kristus amba perob lero yanggan yuba lero yabalamnaʾ ara, pika garawoka ubdongowalyek senewoka anasa lolomsa.

1 KORINTUS 9:15

Ban seleb wenhyok bok, nak dara wenera hnon ununaʾ ara orok. Onoʾ ban yuba wenyaboka momnya doboka beibsinaʾ anaba, wen nak unuwonululumaʾ aboka ubnenggubna. Nadya ban unulamna senelamnaʾ anyek, weininggoka denghelyek anasa, nak somogeisinya dara, perob senelamna.

1 KORINTUS 9:17

Imik Neyung yuba lelemna anyek, nabeyok ganya doboka welesinya dara, wera nara eimik era, deknaʾ dobnamna senewanesinya. Bok, nara Imik Neyung yuba lero yabalamnaʾ ara, anjinya anasa unululom aboka lenyokaʾ anasa, Imik Neyung adya welelom aboka oruganyok senewoka welemna ok.

2 KORINTUS 4:5

Yuba lel eleklesabaʾ ara, nun nong anyek geklewoka lel eleknenggulusab. Alda yub enera, Yesus Kristus ara Wenelesilnya nong ara an, an yub enyek, lel eleklesab. Bok, nuk dara alsamba leboka, ugunuk arasin nang ulumab aboka lel eleklesab.

1 TESALONIKA 2:6

Dara onoʾ nunda nim adya gigilesinokaʾ aboka hogunga bo enggulumouba. Nera ugunja hnon, yok nim edya hnon unuweisinok senewanggumouba.