1 KORINTUS 9:17 - PERJANJIAN BARU NALCA YUBA

¹⁷ Imik Neyung yuba lelemna anyek, nabeyok ganya doboka welesinya dara, wera nara eimik era, deknaʾ dobnamna senewanesinya. Bok, nara Imik Neyung yuba lero yabalamnaʾ ara, anjinya anasa unululom aboka lenyokaʾ anasa, Imik Neyung adya welelom aboka oruganyok senewoka welemna ok.

1 KORINTUS 9:17 Խաչաձեւ Հղումներ

GALATIA 2:7

Petrus bek Yahudi nim ek perob lero yanggan yuba neklelulaʾ aboka, wa elegemok sok, onoʾ nak dara, Yahudi gom nim ek perob lero yanggan yuba len wa lobongganyokaʾ ak eiyimek.

1 KORINTUS 3:8

Anasa sik penya dara, neik wa welerak nang ulurak. Dara, sikda wa elaʾ gigiro welerak sok, deknaʾ anaba sunuwoka dobnarak.

KOLOSE 1:25

Nara ban yuba donaʾ nimi wa wenya seleb dasaʾ ara, Imik Neyung adya nak wa nenyek alja yub amba hyak munaʾ gobdo ugunuk wero balalul senemok adya an yuba lenya dasa.

1 KORINTUS 4:1

Anasa nuk dara, wera Imik Neyung adya gegemokaʾ anyek, nuk elegosuk nim uboka, kristus ak arawoka welemak nang ulumak alasinok.

MATIUS 10:41

Heknedya ununumnaʾ lelenanya bek, alda ununumnaʾ lelelanya bek bar aboka, perobaʾ leboka dololanya bera, albabya lunuwoka ununumnaʾ lenaʾ deknaʾ ak dobnamla. Onoʾ nimi ben hnon yoknya bek benyek pelelanya anasa aboka, perobaʾ leboka dololanya bera, albabya lunuwoka perobnya anasa dolomak deknaʾ dobnamla.

1 TESALONIKA 2:4

Orok. Imik Neyung adya dara, nuk anyek perob lero yanggan yuba lebnokaʾ aboka lobonggosukaʾ anasa, banyek bekoka lelemab. Lelemabaʾ ara, nimi ganya perob senewanokaʾ aboka lenggulumab, alda Imik Neyung nunjaʾ ganya ak anaba sunulusilnya benyek perob senewolulaʾ aboka lelemab.

1 KORINTUS 3:14

Nimi nidyaʾ e sorobaʾ anyek, uka diniwalyebok, uka denggublya dara, Imik Neyung adya perob deknaʾ dobnamla.

PILEMON 1:14

Bok anja nak or unuwanalam anaʾ orok bok dara, ununanya nenegom aboka, lobna. Nadya anak unuwanalam aboka dukaʾ len danagom, alda anja ok ganya doboka unuwanasom enyek perob senewoka lobna.

2 KORINTUS 8:12

Imik Neyung adya dara, unaʾ orok digumaʾ ak sununggulumla, alda seleb ululanya nok sunulamlaʾ anasa, ben hnon ara ganya doboka hyak arawonun senewoka eleklamlya dara, Imik Neyung ara perobaʾ leboka dolomla.

1 KORINTUS 9:16

Anasa wera, al Imik Neyung yuba lero yabanaʾ nong amba ok dara, nara pelemna aboka nonggo abdanggunusinya. Bok, nenera Imik Neyung adya or unululom aboka leboknya nenesa unulamna. Wera Imik Neyung adya yuba lelelom aboka, orugunosobok nadya lolosinya dara, nara hyak omom nongaʾ ak ulumnesinya.

LUKAS 12:42

Danyek Wenelesilnya bedya dara, ”Heknyek wa bojam uboka geremsengaʾ welelanya benyek, wa damnya bedya yok wa wen nang sikenek den salek denaʾ eleklesululaʾ aboka, sikja dubnya sekiyiwanamla do?

MATIUS 24:25

Ban yokaʾ-yokaʾ nidyaʾ ara lanan salek era anam bok, nara ugunuk men wenyhesinaʾ anyek, ugunda keblumaʾ anasa, pe ulululum.

YOHANES 4:36

Doka daklamak nang ara, sikja deknaʾ seleb dolomak. Embengaʾ ulmoubnaʾ amba dakoka mamaklemak. Dara, eimik era doka doklomak nim eb, doka daklamak nim eb, ei-ei ganya daboka ulumnemak.

1 KORINTUS 9:18

Wera dara, nara hek deknaʾ ek dobnamna do? Nadya dobnamna deknaʾ era banyek ok, nara Imik Neyung adyaʾ perob lero yanggan yuba lero yabalamnak ab dara, nimi yok nang ek igina kweiyiweisinyek senen ulumna. Nera nara Imik Neyung yuba lelenanya benyaʾ senewoka salyaʾ men eleganulum aboka moloro yabanggulumna.