1 KORINTUS 9:14 - PERJANJIAN BARU NALCA YUBA

¹⁴ Anasonya neikik, Wenelesilnya bedya orowek, seleb Imik Neyung perob lero yanggan yuba bo lero yabalamak nang era, yuba lelemakaʾ ak an ulumlyaʾ anyek, or doboka deregoka ulunok, hyok.

1 KORINTUS 9:14 Խաչաձեւ Հղումներ

MATIUS 10:10

Nimi wa welemak nang era, denaʾ ara nim adya eleklemak bok anasa, ugun binilumaʾ amba, gwaneng lin akleng eb, boksoma penya so gom, yan ongonaʾ gom, gamaʾ dungunaʾ gom ara bobnenggunulum,” hyok.

GALATIA 6:6

Nim Imik Neyung yuba dololanya bedya, alja yokaʾ-yokaʾ perobaʾ ulumlaʾ nidyaʾ ara, alak yuba neklelanya bek bokoka hnon eleklelul.

1 KORINTUS 9:4

Nara wa welemnaʾ anasa, denaʾ mekaʾ gwanenga eleganeneseng dara, nera doboka denggunusinya de?

LUKAS 10:7

Ugunda ban hnonok ek ok ulumnelum. Wa welemna nim era deknaʾ doboka delemakaʾ anasa, ugun ulumun ek anya denaʾ beibnesak dara, doboka delelulum. Yok-yok e pik salyaʾ welem-welem aro yabanaʾ ara mem.

LUKAS 10:8

Ugunda yok senenggom heikek gom yanalum danyek, youmunaʾ anasa perobaʾ lebsijekanya, denaʾ ugunsamba aboka beibnesak dara, or doboka denelum.

RASUL 18:3

Dara wenyek, onoʾ Paulus bera sik nang penya ek biniboka yuba saboka, wera wa anaba neikaʾ ak beiyik soboka malamak e manaʾ enyek, Paulus beneba sonaʾ ella ulumok bok adya, wera anyagan neikik maboka weboka ulumek.

1 KORINTUS 4:15

Kristus yuba donaʾ nim ululumukanya, ugunuk yuba neksin nang era, denga salyaʾ ulusiseng bok, ugunjaʾ neyung bera gong danggunuseng. Na Paulus ben nong anyek, Kristus Yesus adyaʾ perob lero yanggan yub elegeisisaʾ adya, ugunja neyung be dangoka unya nok ulumna.

1 KORINTUS 9:11

Nunja dara, Imik Neyung yuba ugun gangganek leboka, ugunuk an dib yinaʾ seleb mesuba. Wera anadya ugunja yokaʾ-yokaʾ eleklesulumaʾ dolomab dara, wera meknelemak senelesulum de?

1 KORINTUS 9:12

Yok nim enyek babya, ugunuk an yokaʾ-yokaʾ eleganesak anyaʾ aboka, ganya welesak dara, wera nunda nauba so ugunuk ganya webnenggunusibya de? Bok nak dara, ban unusinya nera, anam hnon unuwanggusisa. Bok, alda nara yokaʾ-yokaʾ ara, or siklewoka bolonunaʾ, anadya Kristus amba perob lero yanggan yuba lero yabalamnaʾ ara, pika garawoka ubdongowalyek senewoka anasa lolomsa.

1 KORINTUS 9:16

Anasa wera, al Imik Neyung yuba lero yabanaʾ nong amba ok dara, nara pelemna aboka nonggo abdanggunusinya. Bok, nenera Imik Neyung adya or unululom aboka leboknya nenesa unulamna. Wera Imik Neyung adya yuba lelelom aboka, orugunosobok nadya lolosinya dara, nara hyak omom nongaʾ ak ulumnesinya.

2 KORINTUS 2:12

Kristus adyaʾ perob lero yanggan yuba lebnunaʾ aboka, Troas heikek bisa dara, Imik Neyung adya wa nen weblulaʾ aboka seleb pika bak lobnyok salek,

1 TESALONIKA 1:5

Nunda ugunuk perob lero yanggan yuba lelemoubaʾ ara, sibamaʾ adya ok lenggulumouba. Alda migib adya, Geisinya adya, ban yub enera hyak dib nong senewoka leb elegesuba. Ugunuk pewosululaʾ aboka, nunda ugun gangganek ara, hekaʾ huboka ulumoubaʾ ara, ugunda pe ella ululum.