1 KORINTUS 9:13 - PERJANJIAN BARU NALCA YUBA

¹³ Imik Neyung ek sam, Imik Neyung wa welemak nim era, sikja denaʾ dara, Imik Neyung ek ab doboka delemakaʾ ara, ugunda elgom ululum de? Imik Neyung amba uka daboka gibnaʾ oulyang ak sam welemak nang era, beillilemak bonaʾ era anyaganyeb darasam hnon bokoka doboka delemak.

1 KORINTUS 9:13 Խաչաձեւ Հղումներ

1 KORINTUS 10:18

Ugunda Israeli nim enyek, pe seiniwolulum. Imik Neyung amba beil bilimna bonaʾ enyek, doboka delemek nim era, al denaʾ beil balamnaʾ ak ara arawoka neikaʾ welemek.

ROMA 6:16

Ugunda hnonnya bek biniboka, nara anja wa wenya danamna aboka bo elegeldal balalum dara, ugun nong ara ban benedya wa wenya dangoka, alja yuba pe keboka unululum ara, ugunda anam elgom ululum de? Anasa, ugunda malya unaʾ ak elegel dalalum dara, somoknaʾ ak bo balenggel. Bok pe keboka ununaʾ ak elegel dalalum dara, perobaʾ nenenaʾ ak bo balenggel.

1 KORINTUS 9:24

Nimi bik-bik al balamakaʾ ak ara, nimi nidyaʾ neikebok bik-bik ab einimna bok, ben hnonok men binya bok deknaʾ dolomlaʾ ara, ugunda ella ululum. Anasa wera, ugumbabya deknaʾ dobnemab senewoka, hyak pe yeiriwoka bik-bik al balalulum.