1 KORINTUS 7:19 - PERJANJIAN BARU NALCA YUBA

¹⁹ Anasa wera, bolaʾ garalamakaʾ ab, bolaʾ garanggulumakaʾ ab dara, dib nong gomaʾ. Hyak perobaʾ dib nongaʾ ara, nim ara Imik Neyung yuba lelesilaʾ ak keboka unulumakaʾ ak dib nong ulumla.

1 KORINTUS 7:19 Խաչաձեւ Հղումներ

GALATIA 6:15

Nimi bolaʾ garanaʾ gom, orok gom ara, hnon dib nong unggulumla. Alda nimi wenyek nong unaʾ dolomakaʾ ak, hnonok dib nong ulumla.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

WAHYU 22:14

”Nimi nidyaʾ sikjaʾ ongon aklenga mek elekdob nim era, pe ulumak. Anasa, sikda embengaʾ un gal doka denaʾ hnon dobnemaakanya, perob pik uboka heik enyek an weknemak.

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

1 KORINTUS 8:8

Hyak dib nong ara, denaʾ adya dara, nub Imik Neyung ab ganya kwebdangoka pe unaʾ ara unggulumab. Wera hnon denaʾ loboka denggunesibya dara, anadya malya so danganggulumab. Dara onoʾ saawoka, hnon denaʾ doboka denesibyaʾ anaba, perob so danganggulumab.

ROMA 3:30

Wera an lebnaʾ ara, an nenyek lebna. Dara, al neik Imik Neyung edya sik seleb bolaʾ garaweisik nang era, ganya dib senenaʾ adyok perobaʾ nenewanasilikanya, bolaʾ garawanggom nang eneba, al ganya dib senenaʾ adyok, perobaʾ nenewanasil.

YOHANES 15:14

Ugunda nadya oruklesin yub enyek, keboka unulumnulum dara, ugunda nadya hemyab ulumnulum,” hyok.

MATIUS 5:19

Anasa wera, heknedya ban momnya dobok yuba danyek, hnonok mekaʾ sibin bleklamla dara, anya yok nim ek ugumba anaso unuwolulum aboka wenelesil dara, bera Imik Neyung wenesin heikek ara hyak mek nongnya danamla. Bok alda heknedya yok nim ek anaso unuwanalum aboka nim ak neklesil dara, Imik Neyung wenesin heikek sam senenggomnya danamla.