1 KORINTUS 7:17 - PERJANJIAN BARU NALCA YUBA

¹⁷ Imik Neyung adya ugunuk youbsukaʾ ara, al adya migib elegoka ban unuwoka ulumnelum aboka, youbosuk sok, neik so unu ulumnalum. Dara, ban yub enyek, nimi nidyaʾ Imik Neyung yuba dolomak nim ek unulululum aboka, wenero yabalasin.

1 KORINTUS 7:17 Խաչաձեւ Հղումներ

MATIUS 19:12

Anasa nim ara unu ulumnamla aboka beillilemakaʾ adya, hnonda gela donggulumak. Hnonda nim adya unumekaʾ adya gela donggulumak. Hnonda nimi ganya adya ok, Imik Neyung amba pe welenob senewan dara, gela don ganya bonggulumak. Anasa nimi nidyaʾ ban yub enyek keboka dobnamna seneweija nim era or dobnemak,” hyok.

1 KORINTUS 10:32

Anja unulumennya nedya, yok nimi malya unaʾ lomok sam malyinggijek anasa, pe keeboka ululom. Nera Yahudi nim gom, Yahudi gom nim gom, Imik Neyung yuba dolomak nimi gom, nidyaʾ ak lebsin.

1 KORINTUS 11:16

Bok ban nenesa, nimi hnon ban blekel lololabok dara, nub yok Imik Neyung yuba dolomak nim eb dara, yok ununaʾ ara hyak unggulumla.

1 KORINTUS 11:34

Denemun sum enyek, nimi hnon gwaneng ok ublya dara, orowek aljaʾ ek ab pe delul. Ban lebnanya nenyek pe unulumun dara, Imik Neyung yuba longowoka bekoka delemunaʾ hmeinggin ara, Imik Neyung adya ugunuk malya uyiwanggunusil. Yok-yok yuba dara, nadya ugunuk yanya sum enyek, anaso-anaso aboka neknesin.

1 KORINTUS 14:33

Imik Neyung ara, alda pe dob dakdowoka ulumla Imik Neyung ulumla. Alda salyaʾ eirigal hwam Imik Neyung unggulumla. Munaʾ Imik Neyung mabo nidyaʾ unulumak sok,

1 KORINTUS 16:1

Wera rupiah yub ak lebnesin. Ugunja rupiah yokaʾ munaʾ Imik Neyung mab emba mamagoka beillililum ara, Galatia moka yuba dolomak nim ek, nadya wenyasisa yub enyek, sunuwoka pe unuwolulum.

1 KORINTUS 4:17

An nenesa leboka, hem Timotius benyek na lunuwoka ugunuk bilom aboka bokol yeisin. Al Timotius bera, Wenelesilnya bemba ganya goluwoka pe welelanya bek, nadyaʾ yokaʾ dam me neneso wanaʾ ulumna me nek, bokol yeisin. Alda hyak pelemla senewoka, welelul senelamna me. Dara alja ugunuk, nadya Kristus ak dib senemsa danyek ulusenya nenyek an ara, nadya yuba donaʾ nimi wenero yabalasinaʾ anyek, ugunuk saawoka bekellilimnesil.

1 KORINTUS 7:18

Sununaʾ ara, nimi ben hnon, alak Imik Neyung adya youblya sum enyek, bolaʾ garamoknya ulumlya dara, saawoka bolaʾ garawanggomnya neneldanggom. Bok, ben hnon Imik Neyung adya youblya sum enyek, bolaʾ garawanggomnya bek ulumlya dara onoʾ bolaʾ garawanenok senen unggom, mem.

1 KORINTUS 7:24

Anasa wera, hemyab o, Imik Neyung adya ugun eboka youbsuk sum enyek, ugunja ululum nong enyek, weneba al anaso uboka, Imik Neyung ab neikaʾ ulululum.

1 KORINTUS 7:7

Nadya ganya ak dara, nimi nidyaʾ ara, nadya ulumna sok, sikba ulumneseng senelenabok, nimi yok-yok ara, Imik Neyung adya elaʾ girigo yok-yok eleklesil. Anasa, hnon nim era ban nenyek elegemokaʾ adya, alba unululabok, yok nim era yok elegemokaʾ adya, yok unulamla.

2 KORINTUS 11:28

Wera eini lebnanya nenesonya nera nauba ulunyok bok, hnon ara nim Imik Neyung yuba dolomak nim enyek sobaʾ seiniyiwoka, ingmun berelenel.

2 KORINTUS 8:18

Wera Titus be yanggalaʾ ak ara, Imik Neyung yuba donaʾ nimi nidyaʾ adya, alda perob lero yanggan yuba lero yabanaʾ ak ara pe welemla senelemaknya ben hnon, alab neikaʾ bokol yeilisab.

GALATIA 1:22

Bok na nong ak dara, yuba donaʾ nim Kristus lomok uboka Yudea sokok ulumek nim era, okoka benyekaʾ senewoka ella danganggulunyek.

1 TESALONIKA 2:14

Nadyaʾ hemyabo nim o, ugunuk an igina kweboka malya nenelesilaʾ ara, Yudea sam Imik Neyung yuba doboka, Yesus Kristus mabo dangamek nim eneba unulusil. Ugunuk an igina kwellilisakaʾ ara, ugunjaʾ meneng mok nang edya ulusak, dara Yudea sam yuba dolomak nim igina kwellilisakaʾ anaba sikja mok nimi Yahudi nang edya ulusak.

2 TESALONIKA 1:4

Anya wera, ban unululumnya nenesa leboka, nunda yok Imik Neyung yub donaʾ nim ek kemero yabanek ab, ugunuk nekoka, sikda anaso unu yuba dib senewoka unulumak aboka nekdo yabalesab. Ugunuk nong ak dara, yokaʾ-yokaʾ damok igina kweboka, nauba gweklelum bokaʾ anyek babya, Kristus ak ganya kweboka dib dololumaʾ ara dib mel-mel alamlaʾ anasa, unulumak aboka nekdo yabalemab.