1 KORINTUS 7:15 - PERJANJIAN BARU NALCA YUBA

¹⁵ Bok, Imik Neyung yuba donaʾ orok gel gom, nenya gom edya, alja gel gek gom, alja nenya ek gom loblya dara, or lo balalul. Ban unuwalya dara, al yuba dib senelelanya bera anam kwemnaʾ anaso unggulumla. Imik Neyung adya dara, waldanaʾ oldanaʾ orokaʾ anyek, pe ulunok senelesil.

1 KORINTUS 7:15 Խաչաձեւ Հղումներ

ROMA 14:19

Anasa nunda ganya pe namenaʾ unaʾ ab, wenebdangoka ganya pe unaʾ ab, damok en lanawanamlyaʾ anyek yeiriwoka doblemnemab.

2 KORINTUS 13:11

Anya wera, hemyabo nim o, ugunda sobaʾ ei-ei ganya ok boboka, ganya kaboka pe ulunob ganya sobaʾ bololulum. Heknaʾ ganya hnon bololulum. Ugunda neik ganya ok boboka, neikaʾ kwebdangoka ulululum. Dara, Imik Neyung wanaʾ hwam ok uboka, heknaʾ ok ululanya bedya ugunuk ok ulumnesil.

1 KORINTUS 14:33

Imik Neyung ara, alda pe dob dakdowoka ulumla Imik Neyung ulumla. Alda salyaʾ eirigal hwam Imik Neyung unggulumla. Munaʾ Imik Neyung mabo nidyaʾ unulumak sok,

ROMA 12:18

Ban unun ganya era ugunja ganya doboka unulumnelum dara, wera yok nang eb ganya kwebdangoka ulumnelum!

MATIUS 12:50

Nadya neyung be imik heikek ululanya bedya alja unuwanok senelamlaʾ anyek, unulumak nim era, nadya weisabo, nadya hmal gelewa, nadyaʾ genong yab ulumakaʾ ara an,” hyok.

IBRANI 12:14

Anasa nimi yok nimi nidyaʾ ab dara pe ganya olokdangoka ulunob senewoka ulululum. Anya pe geisa unaʾ orok dara, nimi be hnon Imik Neyung ara eibnenggunumlaʾ anasa, pe geisa unaʾ anyek yeiriwoka doblelulum.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

YAKOBUS 2:15

Ugun gangganek ara, nenya gom, gel gom ongon akleng eneba gobdo garan ulusodya ok, onoʾ denaʾ anaba hyak sobaʾ okaʾ bulumso dara,

LUKAS 9:39

Wera bisaʾ anyek gologol yanggan dara, ngoluknaʾ yuba leboka, alja nong era bonggeiling-bonggeiling aboka gwekoka, sibamaʾ ara bol gamalaʾ youlul-youlul alamla. Bisaʾ ganya ara alak saboka oboka, goboka banaʾ ara lek senelamla.