1 KORINTUS 6:20 - PERJANJIAN BARU NALCA YUBA

²⁰ Imik Neyung adya ugunuk seleb deknaʾ doboka deksuk. Anasa wera, ugunja nong era pe ulumunaʾ adya, Imik Neyung si imik dangallilimnelum.

1 KORINTUS 6:20 Խաչաձեւ Հղումներ

1 KORINTUS 7:23

Imik Neyung adya deknaʾ edya seleb deksuk. Anasa wera, nimi yokaʾ adya oruknanya dangoka ununggom, mem.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

ROMA 12:1

Wera anasa hemyabo nim o, Imik Neyung adya angoo yadyek senewoka arasisinaʾ amba leboka, anedya ugunda ugunja nong enyek embengaʾ gebman, hyak pe yok munaʾ elegoka, an nenyek Imik Neyung ara pewanel senewanamlaʾ ara an anasa, nara ugunuk wenewanasin. Wera an nenyek ugunja eleknaʾ hyak pe eleklelumaʾ nong ara al an ulumla.

1 PETRUS 1:18

Ugunjaʾ neyung yabo youmaʾ ulumek nang edya salyaʾ lelem ulumekaʾ ara, ugunuk lobonggeisikaʾ anyek, loboka blebnesukaʾ amba dara, alja dara hekaʾ adya ugunsamba deksukaʾ ara, ugunda ella ululumaʾ anyaʾ. Alja deksukaʾ ara dangman meilika joboka dengalamlaʾ anasoʾ ak deknenggubsuk,

PILIPI 1:20

Nadya dara, nadya nong ok meknewanya danyek alya ubnelyek senewoka nauba seinilamna. Nadya seinilenanya nera, al wene salek eneba, nadya nonga ganya gekman asaʾ ganya boboka, nara embengaʾ ulumnyaʾ gom, somogamnyaʾ gom ara, Kristus si anyek imik dolul senelamna.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

IBRANI 9:12

Kristus ara hyak geisa nong ekla ak ara, li hnonok wekoknya nedya, nimek bleboka sobaʾ pe ulmorulunokaʾ aboka wekok. Kristus unu weknemok sum era, youmaʾ nimi sirikaʾ adya ulumek sok, kambing yem eneng ab pam eneng ab bo weknenggubuk bok, alda alja eneng enyek bo wekdok.

GALATIA 3:13

Imik Neyung yub ek ara, ”Gal ikoka oboka dibeknya bera, weil malyaʾ glokeknya bek ulumla,” aro momnya dobok. Bok wenyek dara, Kristus adya nunsamba weil malyaʾ glokeknya dangasukaʾ adya, nunda unuwanalum an yub ek ab weil malyaʾ gloksukaʾ ak ab, hweboka blebsuk.

1 KORINTUS 10:31

Ugunja yokaʾ-yokaʾ nidyaʾ unululumaʾ ara, ugunda gwaneng deregoka meka deregoka, Imik Neyung si imik danalenya nenyek ok unulululum.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.

MATIUS 5:16

Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

2 PETRUS 2:1

Youmaʾ dara, nimi yuba dolomekaʾ hnoum ara, sondaʾ amba yuba len nang aldalamek nimi hnon lanalemek. Anaso neikek weneba ugun gangganek ara sondaʾ amba bobnenewoka yuba lesin nim abdangoka hnon lanawanamak. Ban nang enedya dara, ugunuk ara dib gom yuba, nim ek malya gebellilimnesak yub enyek, bo lanawanasak. Dara sikja malya unaʾ emba dekesuknya senenggom Imik Neyung benyek unggulumla aboka bobnenewoka lebnesak. Unu Imik Neyung ak yaab lobnemakaʾ adya, senenggom somoknaʾ damok ara sik dam nang ek bo lanawanasil.

ROMA 6:19

Nara ban nim adyaʾ lelong sok wenyhenya nera, ugunja hmeng enesa lebna. Anasa ugunja nonga, soruka, yan era, youmaʾ dara, sembejaʾanya beb, wonaʾ unaʾ nauba danggiga balamlaʾ ak, sikja wa wen nang aboka bo elekdangalum sok, neikso wenebabya ugunda ugunja nonga, soruka, yan era, penaʾ adya ban pe munaʾ gobdo unaʾ ak bo balanggelaʾ anyek, alja wa wenya aboka bo elekdanalum.