1 KORINTUS 6:18 - PERJANJIAN BARU NALCA YUBA

¹⁸ Yok gela salawoka uldanaʾ ara, hyak loboka mok yabalalulum. Yok-yok malya unaʾ ak dara, nim adya unulumakaʾ ara, nimi nong weilik ab ulumla. Bok, gela salawoka malya ululanya bera, alda al damnya alja nong ek malya uldalamla.

1 KORINTUS 6:18 Խաչաձեւ Հղումներ

1 PETRUS 2:11

Nadya wanaʾ ulusin hemyabo nim o! Ugun nong ara sekel yanggan nim uboka, salyaʾ soko pik dongol girikna nim ululumaʾ anasa, nimi malya ubsinya ganya bolomakaʾ anyek, nimi ganya lomok sam malya ul eleklesilaʾ anyek, ugumba hnon ununaʾ mem aboka yuba garawoka sekna.

1 TESALONIKA 4:3

Imik Neyung senelamla ara, nadya mabo geisa ulunok senelesil, anya yok gel salanaʾ hyak lek senelesil.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

2 TIMOTIUS 2:22

Goubenya nim edya nenyek perob senewoka malya ulumaknya nek, anda mok geboka ululom. Anda Imik Neyung amba ok perob senelamla sunuwoka pe uboka, alak hyak dib senewoka, nim ak wanaʾ uboka, hyak namenaʾ anyek ululom. Perob ganya boboka, Wenelesilnya bek araweisilom aboka, molowoka ulumak nim eblaboka, anaso unu ulululum.

IBRANI 13:4

Dara ugunda nidyaʾ ara gela nenya doldanaʾ ak ara hyak perobaʾ senewoka imik nenelemnelum. Wera sik salyaʾ dongolomak nim eb, meknewoka salyaʾ salaldalamak nim eb dara, Imik Neyung adya yana lelewanasilaʾ anasa, ugunda gela nenya ara hyak pe uboka mekneldanggom mem.

EPESUS 5:3

Ugun nong ak dara, munaʾ Imik Neyung mab ululumaʾ anasa, nimi yok nim edya ugunuk sikba malya ulumak henesijaʾ damoka giliwoka beibdoumunuk anasa, hmabaʾ ganya hnon, yok-yok malya unaʾ emba youmburaʾ debnaʾ hnon, gela salyaʾ salawoka, anaso malya ura yabanaʾ hnon ara, ugun gangganek sam ara mekaʾ unggulumnamla.

1 KORINTUS 6:9

Nimi malya ulwenelemak nim era, eimik era Imik Neyung wenesin heikek hyak weknenggunumakaʾ ara, ugunda elgom ululum de? Wei, bol neneldanggom. Salyaʾ gela hokaʾ salalamak nang eb, yokaʾ-yokaʾ ak giblemak nim eb, yok nang gela salalamak nang eb, sik moumen bok dekeldalamak nang eb dara, imik heikek weknenggunumak.

2 KORINTUS 12:21

Nara ugunuk an kemel yeisinya sum era, Imik Neyung adya ugun gangganek sokok nenewanelyek aboka, lok ganya bolomnaʾ ara, hnonda ugun gangganek youmaʾ unulum malya unaʾ enyek, gela salawoka, heng kemenaʾ malya dangalamla malya unaʾ unuwoka, meilinya unulumnya nenyek, eibkweboka ganya dangawanggumunaʾ anyek eiyiwoka, igin ganya bobnyek aboka, lok ganya bolomna.

ROMA 1:24

Anasa leboka, Imik Neyung ara sikda sikja unulusibya senen ganya era malya unuru yabanaʾ ak lobonggosuk, wera anedya sikda sikja nong era malya neneldalamek.

GALATIA 5:19

Wera nimi ganya oka desinaʾ adya ununaʾ laga eillilimabaʾ ara gela salyaʾ salanaʾ ab, sembejaʾ unaʾ ab, ganya sirigaʾ beilinggom ganya ab,