1 KORINTUS 6:13 - PERJANJIAN BARU NALCA YUBA

¹³ Hnonda wenyalamakja, ”Denaʾ ara mon amba ulumla. Mon ara denaʾ amba ulumla,” wenyalamak bok, nidyaʾ penya ara, Imik Neyung adya eimik orok nenewanamla. Nimi nong goukwa ara, gela salawoka uro yaban danasa gomaʾ. Nimi nong ara, Wenelesilnya bemba ulumlakanya, Wenelesilnya bera, nimi nong amba ulusil.

1 KORINTUS 6:13 Խաչաձեւ Հղումներ

1 KORINTUS 6:19

Ugunja nong era, Imik Neyung Geisinya alja e ululumaʾ ara, ugunda elgom ululum de? Imik Neyung adya alja ok ganya doboka, Geisinya bera ugunuk elegesuukanya, Geisinya era ugunja nong lomok ulusil. Ugun nong ara, ugunjaʾ ak unggululum. Ugun nong ara, Imik Neyung aljaʾ yokaʾ nongaʾ ak ululum.

1 KORINTUS 3:16

Ugunda Imik Neyung e ulumab senenaʾ ara, ugun dam nang elgom uldalalum de? Imik Neyung Geisinya ara, ugunja ganya lomok ulusil ara, ugunda elgom de?

ROMA 6:12

Anasa ugunda malya unaʾ ganya anyek diliwoka unuwoumunuk aboka, ugunda malya unaʾ ara, an somoganamla nong enyek an or welenulul senenaʾ ara mem.

1 KORINTUS 6:15

Ugunja nonga yok-yok ara, hiboka Kristus nong ululumaʾ ara, ugunda elgom de? Dara, Kristus adya nong ululumaʾ anyek, nadya doboka gela salanaʾ ak neikaʾ hil binisinya de? Hyak unuwanggunusinya, mem.

EPESUS 5:23

Kristus ara yuba donaʾ nim edya sikjaʾ dubnya uboka, onoʾ sik yuba doboka alja nonga dangalamak nim emba blebsinaʾ dubnya ulusil sok, nenya ara alja gel emba dubnya ulumla.

MATIUS 15:17

Damok ara yokaʾ hnon sibamaʾ ak sam wekoka mon lomok sam yingginiboka, onoʾ goboka yabalamla ara eilinggululum de?

ROMA 14:17

Anasa Imik Neyung adya wenesinaʾ era, denaʾ mek arabaʾ ak unggulumla, bok Geisinya adya pik uboka perobaʾ nenenaʾ ab, ganya pe namenaʾ unaʾ ab, ganya eiya daboka unaʾ ab, danyek ulumla.

ROMA 12:1

Wera anasa hemyabo nim o, Imik Neyung adya angoo yadyek senewoka arasisinaʾ amba leboka, anedya ugunda ugunja nong enyek embengaʾ gebman, hyak pe yok munaʾ elegoka, an nenyek Imik Neyung ara pewanel senewanamlaʾ ara an anasa, nara ugunuk wenewanasin. Wera an nenyek ugunja eleknaʾ hyak pe eleklelumaʾ nong ara al an ulumla.

2 KORINTUS 11:2

Neyung genong adya, nimi salawanggom gelma ara, nengma era hnonok ok eleklemak sok, nara ugunuk doboka Kristus ak lesisa. Anasa, nara ugunuk Imik Neyung perob senelamla hman ganya bolosin.

2 KORINTUS 5:15

Nim embengaʾ ulumak nim ara, siksamba ok unggulumnemak bok, alda sikenek perob dosululaʾ aboka somogoka embengaʾ suboka bukiyiwok Kristus emba ulunokaʾ aboka, Kristus ara nimi nidyaʾ amba somogosuk.

ROMA 7:4

Anasa, nadyaʾ hemyabo nim o, ugunda yoknya, nimi be hnon somoknaʾ nim gangganek ab embengaʾ subuka bukuknya Kristus aljinya dangoka, Imik Neyung amba doka moulunok aboka, ugunda Kristus nong pik uboka, unuwanalum an yub ak seleb somok irigoulum.

YOHANES 6:49

Ugunja neyung yab holaʾ seknenggulumok sokok, Kanaan heikek Mesir ab balamek sum enyek, mok dum-dumaʾ gwaneng delemek bok, somogomek.

YOHANES 6:27

Anasa wera, ugunda blolomla songa lelemla gwaneng emba yeiriwoka wenggom mem. Nimi nonga ganya embengaʾ nenelesil gwaneng enesa, yeiriwoka welelulum. Ban gwaneng era nimi dibaʾ me adya eleganesil. Alja neyung bedya pe unulamna aboka alak beknaʾ beiyimok anasa, alja ugunuk eleganesil,” hyok.

MARKUS 7:19

Anasa nimi lomok weklesilnya nera, ganya seininaʾ pik weknenggululabok, alda mon lom pik weknekanya, onoʾ goblamla,” hyok. Yesus adya ban wenyaboka lebokaʾ ara, denaʾ nidyaʾ ara or denaʾ ok hyookanya lebok.

MATIUS 15:20

Banyan ulumla damok edya, nimi nidyaʾ ara sembejaʾ nenelesil, alda nimi soruka mek elekdanggonggom denaʾ delemakaʾ adya nimi ganya ara malya nenenggulusil,” hyok.

GALATIA 5:24

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.