1 KORINTUS 6:12 - PERJANJIAN BARU NALCA YUBA

¹² Yok nim edya hnon lelemakaʾ ara, ”Yokaʾ-yokaʾ nidyaʾ ara, salyaʾ ganya doboka unuwanesibya,” alasak. Bok nak dara, ”Ban nidyaʾ ara perobnya nokaʾ aboka ganya doboka unuwanamna,” henesinya bok, na nong ak dara, ”Yokaʾ-yokaʾ adya ologoka mabnelyek,” senelamna.

1 KORINTUS 6:12 Խաչաձեւ Հղումներ

1 KORINTUS 9:27

Nadya nong enera pe mel-mel aboka, nauba sunubdangoka diri uldalamna. Ban unulunanya nera, nadya yok nim ek nauba leboka glinyebok, eimik sum era, na nong anyek lobnelyek aboka, anara unulamna.

2 TESALONIKA 3:9

Ban nunja nidyaʾ ugun gangganek anya, yeiriwoka wa welemoubnya nera, ugunuk an si akoka molowanggunusibya aboka ulumoubaʾ gomaʾ, alda nunja unuweibya enyek, ugumba nuk diliwoka unuwolulumaʾ aboka ulumouba.

YUDAS 1:12

Wera an unu malya ulumak nim eb neikaʾ delelum dara, sik nong ara, ugun gangganek sik meklaʾ ulumak. Wera delelum dara, alya orokaʾ anyek, yok nimi wanaʾ unaʾ loboka, siksamba ok nonogoka delemak. Sikja unaʾ era, kaboʾ adya debaʾ ak walawoka bo yibin enyek, moka yangganaʾ lolomla sok unulumak. Hnonda sik nong ara, gal meklaʾ gololamla li era, doka mounggulumlaʾ anasoʾ ak uboka, yarenga dama delewan enyek, yalegoka dibaʾ oulaʾ olomla sok ulumak.

1 KORINTUS 8:4

Dara, denaʾ ara meewoka giblemaknya nek beil balamak yub ek dara, nera meewoka giblemakaʾ ara nong ak dara, dib nong unggulumlaʾ ara, nunda ella ulumab. Dara onoʾ nunda hnon sokok an yokaʾ-yokaʾ ulumlaʾ adya ella ulumabaʾ ara, Imik Neyung ara hyak hnonok Imik Neyung ok ulumlakanya, yok Imik Neyung era, hnon mekaʾ unggulumla.

ROMA 7:14

Anasa, nunda seleb ella ulumab ara, ban Yahudi nim emba unuwanalum an yub era, ganya ak ulumla. Bok nara nimi nong ak ulumnakanya, malya unaʾ migib lomok beilinel.

1 KORINTUS 9:12

Yok nim enyek babya, ugunuk an yokaʾ-yokaʾ eleganesak anyaʾ aboka, ganya welesak dara, wera nunda nauba so ugunuk ganya webnenggunusibya de? Bok nak dara, ban unusinya nera, anam hnon unuwanggusisa. Bok, alda nara yokaʾ-yokaʾ ara, or siklewoka bolonunaʾ, anadya Kristus amba perob lero yanggan yuba lero yabalamnaʾ ara, pika garawoka ubdongowalyek senewoka anasa lolomsa.

YOHANES 5:10

Anasa wera, Yahudi nang edya, wenyok meremoknya bek, ”Sumen era Sabat mem sum anasa, anda anja esonaʾ doboka bo yabanaʾ ara unuwanalum an yuba mem alamla,” hyek.