1 KORINTUS 6:11 - PERJANJIAN BARU NALCA YUBA

¹¹ Ugumbabya hnon men dara, nenyek unululum. Bok wenyek dara, ugunda malya unaʾ ak ab, seleb meka elegoka geisa nenewosuk. Ugunda Imik Neyung mabo seleb munaʾ gobdo dangiyisuk. Ugunda Wenelesilnya si Yesus Kristus ak dib senewoka, nunjaʾ Imik Neyung Geisinya bedya migib edya, ugunda seleb perobaʾ neniyiwousuk.

1 KORINTUS 6:11 Խաչաձեւ Հղումներ

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

RASUL 22:16

Anasa wenera anyagan ul mandenaʾ ara mem. Anda bukoka sekmenekanya, Wenelesilnya si ak molowoka, anja malya unaʾ ara gebgululaʾ aboka, mek danaʾ doblom, anyok,” hyok.

ROMA 8:30

Dara sik ban men danyek alja sunuwoka bokosuk nang enyek, alja al sikinek yoululum aboka lebok. Anya al sik alja yoululum aboka lemok nang enyek, alja al sikenek perobaʾ nenewousuk. Wera sikenek alja perobaʾ nenewousuk nang enyek, alja al sikenek imik senenggomaʾ nenewosuk.

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.

IBRANI 10:22

Ban nenesa leboka, nunda hyak perob un ganya boboka, ganya dib senenaʾ migibaʾ uboka, malya ubna senen ganya era seleb geisa nenewoka, perob mek dibaʾ adya nonga mek elegoka, Imik Neyung ak ok berem sobaʾ al dam balanob.

EPESUS 5:26

Kristus adya alja yub ab dadya mek elegoka, sik yuba donaʾ nim era alja nong anyek doboka, geisa nenewoununaʾ aboka, al nong elegousuk.

EPESUS 5:8

Ugunda men dara, gunaʾ lomok ululum bok, wera Imik Neyung mabo dangalum dara, dilinaʾ dangalum. Anasa wera, dilinaʾ lomok sam uru yabalemnalum.

RASUL 26:18

Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.

ROMA 8:33

Imik Neyung adya weboka dobsuk nang era, heknedya yuba saawanamla? Imik Neyung adya sikenek perobaʾ nenewok nang ek heknedya sikenek igina eleganasil?

ROMA 5:1

Wera anasa, nunda ganya aldib senenaʾ adya perobaʾ nenelesil nang era, nunjaʾ Wenelesilnya Yesus Kristus pik uboka, nunda Imik Neyung ab neikaʾ hiboka ganya namenaʾ ulumab.

2 TESALONIKA 2:13

Nunjaʾ hemyab Imik Neyung adya wanaʾ ulusil nim o! Anasa, Imik Neyung ugunuk blebnesin senewoka weboka dosuknya nenesa leboka, nunda sobaʾ Imik Neyung ak perob aboka giblemab. Ban unusukaʾ ara, Imik Neyung Geisinya adya, Imik Neyung adyaʾ geisa mabo nenewoka, ugun nong adya Imik Neyung ak ab perob nong yuba hnon dib senelumaʾ adya ubsuk.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,

GALATIA 3:11

Momnya dobokaʾ ara, ”Nim ara perobaʾ dibaʾ nenewoka ulumnamak nim ara, dib senenaʾ adya ulumnamak,” alamlaʾ anasa, unuwanalum an yuba momnya dobokaʾ unulumakaʾ adya dara, Imik Neyung hogung ak perobaʾ nenenggulusil.

WAHYU 7:14

Dara nadya benyek an, ”Nadyaʾ neyung o, anda seleb ella ululam,” hesa. Dara onoʾ alja nak, ”Wera an nang enera igina kweboka okna ulusilaʾ ak ab gobek nang era an. Sikja akleng era, domba me eneng adya seleb meka elegoka, geisa nenerobaʾ ak ulumak nang era an.

GALATIA 2:16

Anyek babya, nimi perobaʾ nenelamlaʾ ara, unuwanalum an yub unulumakaʾ adya gom, Yesus Kristus ak dib senewoka ganya oloknaʾ adya, perobaʾ nenewousululaʾ aboka dib senemouba. Nimi nidyaʾ ara unuwanalum an yub ununaʾ adya dara, perobaʾ nenenaʾ ara, okna dangalamla.

1 KORINTUS 12:2

Ugunda Wenelesilnya bek anam elgom ululum salek era, ugunda yuba gomnya giblemakaʾ ak gliboka bo balasuk.

IBRANI 2:11

Yesus adya nim ek geisa nenewosuknya beb, an geisa nenelesil nim eb dara, sikda nidyaʾ ara hnonok mabo silibaʾ ek ab ulumak. Ban nenesa leboka Yesus ara nim ek, nadyaʾ hemyab anaʾ ara, alya unggulumlakanya wenyalasil.

GALATIA 3:24

Nunda Kristus ak dib senenaʾ adya, perobaʾ nenewousululaʾ aboka, unuwanalum an yub edya pika yarawoka Kristus ak bo balasil.

ROMA 5:9

Anya, nunda wera alja eneng edya seleb perobaʾ nenewosukaʾ anasa, hyak nauba so ara, nunda Imik Neyung bedya wema daboka osinaʾ ak ab dara, blebnesil ok.

ROMA 3:24

bok wanaʾ uboka eleksinaʾ adya, Kristus Yesus pik uboka malya unaʾ ak ab seleb munaʾ dekoka dobsukaʾ adya, or goʾ perobaʾ nenelesil.

1 PETRUS 3:21

Ban youmaʾ unumokaʾ ara, sununaʾ dibaʾ ara wen an ugun blebsinaʾ damok ara, meka dalasak an. Ban meka dalasakaʾ adya, ugunja malya unaʾ ganya lomok ulusilaʾ nidyaʾ anyek doboka boloknenggulusak, alda ugunja Imik Neyung ak nara eimik saawoka hnon malya ub sounuwanggunumna, anya nenesa beknaʾ dibaʾ meka dalasak. Mek danaʾ adya nimi bleblesilnya nera, Yesus Kristus anyek malya unaʾ ak sam ab seleb somogoka suboka welewokaʾ adya ok bleblesil.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

GALATIA 3:8

Imik Neyung yuba momnya dobokaʾ adya dara, nimi Yahudi gom nim era sikda Imik Neyung ak dib senewanamak dara, ban adya perobaʾ nenewanasilaʾ ara, orowek ella ulumookanya, wera ban perob lero yanggan yub era men danyek Abraham bek, ”Imik Neyung ara an pik uboka, mok soko me nidyaʾ ara perobaʾ nenewanamla,” hyok.

ROMA 4:5

Bok nimi be hnon, perobaʾ nenebdonun senewoka wa wenaʾ orok bok, alda nimi wonaʾ dangamek nang perobaʾ geblesilnya bek, aldib senelamla dara, benera alja ganya dib senenaʾ era, perobaʾ nenenaʾ ak geblamla.

LUKAS 18:14

Onoʾ Yesus adya lebokaʾ ara, ”Anasa ban lebsin, Ban penya nang dara, sikjaʾ ek seleb birik dara, Parisinya bera loboka, alda mok soko amba rupiah molonanya benyek, Imik Neyung adya pemnaʾ gebok. Anasa nimi nidyaʾ imik neneldalamak nang era, sokok nenewanasilikanya, ganya sokok nenebdangoka ulumak nang enyek, imik nenewanasil,” hyok.

YOHANES 13:10

Yesus adya saaboka, ”Seleb meka hwilenya bek dara, alja yan ok mek eleganamso, alja nong seleb pelemla. Dara, ugunda pesil bok, nidyaʾ pewanggusil,” hyok.

YOHANES 13:8

Petrus bedya dara, ”Anda nadya yan era mekaʾ mek eleganggununelem,” hyok. Yesus adya alak ok, ”Anak nadya mek eleganggununggisinya dara, nablaboka neikaʾ unggulumnesinim,” hyok.

IBRANI 10:29

Bok hyak nauba ara, Imik Neyung bedya me Yesus ak blekoka yan ingib sablamlaʾ amba hnon, malya unaʾ ak ab geisa nenewanesin aboka yekok eneng ek malyaʾ sembejaʾ senelamlaʾ ak hnon, wanaʾ uboka eleksinaʾ Geisinya bedya ak derelamlaʾ amba hnon, hyak nauba saboka obnamla.

1 YOHANES 2:12

Najaba yab o, ban ugunuk momnya dobsinaʾ ara, Kristus si pik uboka ugunja malya unaʾ seleb meewousukaʾ anasa ubsin.

MATIUS 20:4

Dara eibsuukanya sikenek, Nadya wa webnumun dara, deknaʾ sunuwoka pe eleganesinaʾ anasa, wera nadya wa wel bininulum, hyok.

YOHANES 5:4

Hnon yok sum yok sum era, Imik Neyung lero adya mek gwan enyegan sekel yinggin dara, meka wareboka lolomok. Dara neiknaʾ salananya bera, mek gwan en warel yaben sab-sab men berra yoruwoka hwibnanya bera, wera alak salamna neiknaʾ era dengalamok.