1 KORINTUS 5:11 - PERJANJIAN BARU NALCA YUBA

¹¹ alda nadya lebsenya nera damok ara, ban nenesa lemsa. Alda sondaʾ anasa, nara Imik Neyung yuba donya aldalaladyok, onoʾ gela salanaʾ ganya hnon, hmabaʾ un ganya hnon, bisaʾ ak giboka, yok nanga salyaʾ miniwoka leboka, ganya uu alasil meka deregoka, meka lelewoka hokaʾ donaʾanya ululadyok anasa, ugunublaboka ubmunuk aboka, yuba sekleng sok lemsa. Sikeneb neikaʾ seʾ bukoka denaʾ anaba, hyak mem nong!

1 KORINTUS 5:11 Խաչաձեւ Հղումներ

MATIUS 18:17

Wera ban nang enedya anda aldib malya ublum aboka lebnemak bok, bera kebnenggunusil dara, alja malya umlyaʾ ara, Imik Neyung yuba donaʾ nim ek laga lebnelum. Wera onoʾ Imik Neyung yuba donaʾ nim edya, wenewanamak bok, kebnenggunusil dara, alda Imik Neyung ak elgomnya gom, mok soko amba rupiah molowoka doro unya gom, anaso ak ulumla senelemnelum,” hyok.

MATIUS 23:25

Ugunda yuba neksin nang eb Parisi nim eb dara, hyak omom nongaʾ ak ululum! Ugunda hyak sene bol nenenaʾ hwam nim ek ululum! Ugunja denaʾ yanganaʾ ab mek hmeiya ab dara, or eilibek ok mek eleklelum bok, lomok sam ara hokaʾ donaʾ ab, yu ganya unuruwaʾ ab dadya deknewoka ulumla.

LUKAS 18:11

Dara Parisinya bera albeyok sekoka lero mololemokja, Wei Imik Neyung o, nara yok nang ulumak sokaʾ ak unggulumna, nara hokaʾ donggulunanya, nara gununggulunanya, nara gela salyaʾ salenggulunanya, anasa anak perob aboka gibgen. Nara ban rupiah mok soko amba mololanya benesoʾ ak unggulumnaʾ anasemba, perob aboka gibgen.

LUKAS 21:34

”Ugunda nimi dibaʾ me yanamla sum era, ugunda masa nauba youboka deregoka, serema salalesil meka salyaʾ deregoka, sumen yanamlaʾ ara ugunda elgom anasa, ugunuk nong unaʾ enesa ganya seiniro ulumunukanya, wene salek yalyek anasa, pe kemero uldalalulum.

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

RASUL 9:17

Dara Ananias bera, Yudas bedya ek biniboka, Saulus bek soruka diyiwoka umok. Ananias bedya Saulus bek lebokaʾ ara, ”Hem Saulus o, ampum pikik yalamom danyek eiyimomnya Wenelesilnya Yesus bedya, nara anyagan yanamna adya anda merewoka, Imik Neyung Geisinya adya deknewanenggel anasa, wenyaboka alak bilom amla anasa yeilimna,” hyok.

ROMA 13:13

Anasa nunda yubyek danyek ulumak diligaʾ ganya namenaʾ anyek pe ulunob. Salyaʾ eiya hlaboka bolowoka dero yabanaʾ mem, yu mek denaʾ mem, malya unaʾ ak molonaʾ hogunga bobmoubuka, salyaʾ salaldanaʾ ak unggom mem, soloma daboka wabdangdo unggom mem.

ROMA 16:17

Bok hem yab o, nara ugunuk wenewanesin, anedya ugun men neksikaʾ doblum yub an, onoʾ yoksonya, nimi ganya bokdanok aboka, ganya sunuwoka doulub meneganasonya nenyek, sik ban unuwanasiseng nang ek pe keebdaboka ulululum. Wera anasa, sikenek pika leiboka ulululum!

1 KORINTUS 10:14

Nadya wanaʾ ulusin hemyabo nim o, bisaʾ amba hweboka giblemakaʾ anyek, hyak lek aboka lololulum.

1 KORINTUS 11:21

Ugunda delelum dara, yok nim ek diri bukla henggonggom delelumukanya, hnonda lo deldalalum dara, hnon nim era, gwanenga doboka denggulumak, hnon nim era, mona bukoka delelumaʾ adya wera ganya uu alasil.

1 KORINTUS 6:10

Onoʾ hnon, hokaʾ dolomak nim eb, ganya oka delesil nim eb, yu meka deregoka ganya uu alamak nang eb, yok nimi si ak malya nenelemak nim eb, yokaʾ ak menengaʾ amba yaboka ol neblemak nim eb, ban nidyaʾ anaso unulwenelemak nim era, Imik Neyung wenesin heikek ara weknenggunumak.

1 KORINTUS 6:6

Bok wen ugunja unululumaʾ ara, ugun moumen ara al kabo neikaʾ yuba donanya bedya malya ubna dara, yuba donaʾ orok nang ek, nadya hem be malya ubla aboka, yana lelewanokaʾ aboka, yuba bo nekel balalum.

1 KORINTUS 6:9

Nimi malya ulwenelemak nim era, eimik era Imik Neyung wenesin heikek hyak weknenggunumakaʾ ara, ugunda elgom ululum de? Wei, bol neneldanggom. Salyaʾ gela hokaʾ salalamak nang eb, yokaʾ-yokaʾ ak giblemak nim eb, yok nang gela salalamak nang eb, sik moumen bok dekeldalamak nang eb dara, imik heikek weknenggunumak.

1 KORINTUS 7:12

Bok, yoknya nemba wenewanasinaʾ ara ban (Nera Wenelesilnya bedya gom, alda nadyok weneweisin yub era an): Dolenya bedya Yesus ak dib senenaʾ orok gel gek ulumlya gel gedya, nara anab pe ulumnenam helya dara, dolenya bera yuba donaʾ orok gel aboka, lonaʾ ara mem.

1 KORINTUS 7:15

Bok, Imik Neyung yuba donaʾ orok gel gom, nenya gom edya, alja gel gek gom, alja nenya ek gom loblya dara, or lo balalul. Ban unuwalya dara, al yuba dib senelelanya bera anam kwemnaʾ anaso unggulumla. Imik Neyung adya dara, waldanaʾ oldanaʾ orokaʾ anyek, pe ulunok senelesil.

1 KORINTUS 8:11

Wera anadya, anja ganya olowoka ella ululamjok unululamaʾ adya, yok nimi yuba dib senewoka ganya kanaʾ orok nim era, nera Kristus ara al benesa seleb somogok bok, orok dangamnaʾ anaso dangalamla.

GALATIA 2:12

Men dara, Petrus bera bolaʾ garanaʾ orok nang eb neikaʾ delemekjok, wera nimi nidyaʾ ara, bolaʾ garalemnesak senelemek nanga Yakobus beb neikaʾ yek dara, nang enyek lok anasa, Petrus bera neikaʾ delemeknya nera globoka, mokso bul byuk.

EPESUS 5:18

Nimi ganya uu aboka serema salalesil mek era nauba den dara, nimi malya nenewoka soldelesilaʾ anasa, mek era ganya uu hesilyek aboka denggom, mem. Bok, ugunja ganya era, Imik Neyung Geisinya adya ok deknewoka bo ulusulul.

EPESUS 5:5

Ugunda ban nong anyek pe beknelumaʾ ara, Nimi gela salyaʾ salalamak nang eb, malya unaʾ hwam ok ulumak nang eb, hman ganya bonaʾ ara, bisaʾ gibnaʾ anaso dangalamlaʾ anasa, ganya en bolomak nim eb dara Kristus ab Imik Neyung ab dadya wenewoka bo ulusirik sokok nimi mekaʾ danggunumak.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

2 TESALONIKA 3:14

Onoʾ eimik era, hnon nim edya dara, nunja ban momnya donaʾ lomok enyek an lebabnya nera hnon dib senewanggunumak dara, anaso unulumak nim era sikba alya dabsululaʾ aboka, ugunda nim enyek keeboka, sikenek neikaʾ unaʾ hyak mem.

2 TESALONIKA 3:6

Nunjaʾ hemyabo nim o, nunjaʾ Wenelesilnya Yesus Kristus si sibuka ugunuk wenyhenesin, nunja ugunuk neklesab yub ek dib senenaʾ loboka, wa wenaʾ sulmalyaʾ hwam ok ura yabalamak nim era, men mok nenewoka ulululum.

1 TIMOTIUS 3:3

Nimi bo usinnya bera, yu meka delelenya bek gom, oldanaʾ hwamnya bek gom, alda saawoka, namen ganya boboka, yok nim ek heknaʾ ganya ok uboka ululenya benyek ululul. Alda rupiah hogung ok bololenya bera beilinaʾ ara, mem.

1 TIMOTIUS 6:5

Dara nim enera, gogobaʾ hman ganya ok wek deknewoka neik ganya ok bobmoubuka ulumak. Nim en sik ulumak pik seleb serekleboka, yuba doboka dib jong pik era hnon laga dangoka unggulumla. Dara, nidyaʾ bonaʾ dukaʾ dangalamak ara, yuba dolomakaʾ adya anasa unuwanamab senelemak.

2 YOHANES 1:10

Anasa wera, nimi hnon Kristus adya neknenggusuk yub enyek, ugunuk lero yanggeisija dara, sikenek giboka ugunja ek doro beilinaʾ ara mem.

WAHYU 2:14

”Ban unulum bok, onoʾ yok-yok unaʾ hnon unululamaʾ anyek, nara lek senelamnaʾ ara, nim an gangganek sam hnon, Bileam bedya neklesil yub ek salabmouboka ulumak. Bileam bedya dara, Balak bedya Israeli nim ek hekaʾ huboka malya unaʾ lomok bobonggesukaʾ anyek nekemok, bisaʾ ak sam beil balamek denaʾ delelulum, hnonda gela salyaʾ salelulum aboka neklesilom aboka nekemok.

WAHYU 2:20

”Bok nara anak igin ganya bolenggenaʾ ara, Imik Neyung adya lelemla aboka laga sondaʾ amba lelemla gel Izebel gek, eil lololamaʾ ak, banyek hnonok ulumla. Nimi nadya wa wen nang ek sondaʾ leboka, gela salanaʾ nauba unuwoka, bisaʾ ak beil balamak denaʾ bukoka dero yabalemakaʾ ak, bobnenewoka malya pik bo ablesil.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.

WAHYU 22:15

Bok nimi guma guklesak nang eb, gel salanaʾ hwam ok ulumak nang eb, nim dib olomak nim eb, bisaʾ girik gala giblemak nim eb, sondaʾ hwam ok lelemak nim eb, nera yuba sirik adya sondaʾ lelemak gom, sene bobnenewoka wanaʾ ulumak nim eb, ban nimi digum nidyaʾ ara, perob heikek ab weilik geboka ulumnemak,” hyok.