1 KORINTUS 4:6 - PERJANJIAN BARU NALCA YUBA

⁶ Anasa nadya hemyab o, ugun pesindamba dara, nadya Apolos bek hnon, nak hnon, sunuwoka seleb lebsin. Ban unusenya nera damok ara, anadya ugunda nuk keeboka, sik unulurak senewoka pe unuwolulum, anya wera, wen ulumla pe unulumakaʾ anyek salabmoublulumaʾ aboka ubsin. Anadya wera, ugun moumen ara, nunda perob nim aboka, gigibdangoka onoʾ yok nim era, malya nenewomunuk aboka ubsin.

1 KORINTUS 4:6 Խաչաձեւ Հղումներ

RASUL 18:24

Wera danyek, Aleksandria mok eb beiyimeknya Yahudi nanga ben hnon alja si nera Apolos alameknya benyek, alda Epesus heikek eimik yeilimok. Alda hyak yuba sanaʾ ak sam geremseng nongnya uboka, Imik Neyung yuba momnya dobokaʾ nidyaʾ ara alda hyak gobdo ella ulumok.

RASUL 19:1

Wera Apolos bera anam Korintus heikek ulumok salek enyek, Paulus bera oblyek pik uboka yabalamok ara, Epesus heikik lanal bilimok. Dara, Paulus bera Epesus heikek seleb byuk dara, anyagan Imik Neyung yuba doro diriga ban nang eb ehwibdangamek.

ROMA 12:3

Nak wanaʾ uboka eleksinaʾ damok enyek sunuwoka, nara ugunuk nimi yok-yok wenyhenemna, Ugunda ugun seiniwoka unuwanasomnya nera hwiboka, hyak senenggom imik unuwanggunusomnya nenyek seininggom, mem. Bok ganya onoʾ yok so uboka pe seinililulum, wera anedya ugun nong ara, ban Imik Neyung adya nimi yok-yok eleklesilaʾ, ganya dib senenaʾ pik uboka, yokaʾ ak ganya sobaʾanya senewanalum.

1 KORINTUS 1:12

Nadya wenyhenya nera damok ara, ugun gangganek ara hnon ara lelelumja, ”Nara Paulus bek diriga balamna,” hnon nang edya dara, ”Nara Apolos bek diriga balamna,” onoʾ yok hnon nang edya dara, ”Nara Kristus ak diriga balamna,” alalumaʾ anasa lebsin.

1 KORINTUS 1:19

Anasa wera, Imik Neyung adya yuba bukuk momnya dobokaʾ ara, ”Sokok amba geremseng nim edya sikja ella dangalamakaʾ ara, soldob meneganamna dara, yokaʾ-yokaʾ ella dangalamak nimi sikja ella unaʾ era, orok nenewoka dengeiyiwanamna,” aro dobok.

1 KORINTUS 1:31

Anasa wera, Imik Neyung yuba bukuk orowek momnya dobok sok, ”Nara pelemna senewoka nonggo alalenya bera, Wenelesilnya lomok ulumna adya pelemna senewoka nonggo alalul e,” aro dobok.

1 KORINTUS 13:4

Nimi ben hnon, yok nim ek wanaʾ dibaʾ ululanya bera, ganya siklewoka namen ganya adya perob ok unulamla. Wanaʾ unaʾ ara, alda solom ganya bonggulumla, imik neneldanggulumla, dengdang ganya bonggulumla.

1 KORINTUS 3:19

Nera sokok anyek geremseng nong senelemaknya nera, Imik Neyung adya dara, dongdang anaʾ anya senelamla. Imik Neyung bukuk momnya dobokaʾ ara, ”Yokaʾ-yokaʾ geremseng ulumak nim ek, Imik Neyung adya geremseng ulumakaʾ ak ab, henga weboka youlusil,” aro dobok.

1 KORINTUS 3:21

Anasa wera, ugunja nim ek ara, hyak perob senewoka gigildanggom. Yokaʾ-yokaʾ nidyaʾ ara, Imik Neyung adya ugunuk elegesuk ak ulumla.

1 KORINTUS 5:2

Ban unululumjok, wera onoʾ ugunda dengdang aboka, imik nenebdangdo yabalalum. Ban unululumnya nera, dib nong ara, onoʾ angwei salyaʾ ulumla senewoka engelemnesomokanya, malya unulumak nim era, ugun gangganek ab doboka yaknasom.

1 KORINTUS 5:6

Ugunja nonggo aldalalumaʾ ara malya nong. Roti gwaneng welenaʾ ara mek bok, nonga nidyaʾ eldaklamlaʾ ara, ugunda elgom ululum de?

1 KORINTUS 8:1

Wenera meewoka giblemaknya nek, beil balamak denaʾ yub ek lebnesin. Nim adya, ”Nunda nidyaʾ ara, yokaʾ-yokaʾ ella ulumab,” alamakaʾ ara ella ulumab. Bok, nimi geremseng ulumakaʾ nong adya, nauba dengdang ganya nenelesil, bok wanaʾ unaʾ adya danyek, nim ak bukullilisil.

1 KORINTUS 9:23

Ban nidyaʾ nadya unulunanya nera, anadya Imik Neyung alja perob lero yanggan yub amba anasa, nababya perobaʾ donululaʾ aboka ulumna.

2 KORINTUS 10:12

Nunda perob aboka nonggo aldalamak nim ek, neikaʾ maknenggunusibya. Onoʾ sikja ununaʾ hnon, nunja ununaʾ hnon, anaso-anaso aboka webnenggunusibya. Sikda sik nong ara, anaso nang ek ulumab aboka sunubdangoka, sik nong anyek nunda hekaʾ anasoʾ ak ulumab aboka makaldalamak. Dara sikda ban unuldalamaknya nenedya dongdang alamak.

2 KORINTUS 10:15

Imik Neyung adya ugunda anyagan welemnelum aboka gamaʾ iknenggusukaʾ ak an, yok nim edya welemaknya nenesa nonggo anggulumab. Bok nunda hnonok senelemabaʾ ara, ugunja yuba dib senenaʾ anyek nauba danggiga balamnamla dara, nunjinya nauba dolul, senelemab.

2 KORINTUS 10:7

Ugunja hogung ak laga ululanya nenyek kemelelulum. Nimi ben hnon, nara Kristus adyaʾ ak ulumna senebdalya dara, al damnya nara benyek Kristus aljinya ulumna senelamla sok, numbabya Kristus adya nim ek ulumak senewosulul.

2 KORINTUS 11:4

Nunja anaso leb elegesubaʾ Yesus yuba dibaʾ ak gom, alda yok nim edya yok so Yesus yub enyek nekel yalasak enyek, perobaʾ aboka dololum. Dara, perob seininaʾ ganya eb, perob lero yanggan yuba dib nongaʾ nunja leb elegesubnya nera loboka, salyaʾ dib gom seininaʾ eb, yok so perob lero yanggan yub eb danyek, dololum.

2 KORINTUS 12:19

Ugunja dara, ban nidyaʾ lelemakaʾ ara, meknenggulumab senewoka, mala doldalamak senelesulum. Bok, nunja nidyaʾ ugunuk an lelemabnya nera, Kristus lomok uboka nenyek lelesabaʾ ara, Imik Neyung hogung ak lelemab. Nadya wanaʾ ulusin nim o, ban nidyaʾ unulumabnya nera, ugunja yuba dib senenaʾ nong anyek, gobdo migib dosululaʾ aboka ulusab.

2 KORINTUS 12:20

Nara kemel yeisinya sum enyek, ugunja unaʾ era, nadya anaso ubneseng senemnyaʾ unaʾ orokaʾ ak eibnyek aboka hnon, onoʾ ugunja dara, nak alda anaso ubnamso senenumunaʾ anyek eibmunuk aboka hnon, lok ganya bolomna. Hnonda wabdoumunuk, hnonda hman ganya bobdangoka, yu ganya boboka, nanokok pewonulul yok nim era lek senewoka, derewoka wabdangoka, o lom-lom pik gelelenga lebdangoka, dengdang ganya boboka, doluwoka malya nenebdangoka ubdoumunuk aboka, lok ganya bolomna.

2 KORINTUS 12:6

Nara yokaʾ-yokaʾ amba nonggo henesinya dara, dib yub amba ok lebnesinyaʾ anasa, dongdang anaʾ anya wenyhenggununeseng. Nadya unulamnaʾ ak eillilimakaʾ hnon, nadya yuba salamnaʾ kelemakaʾ hnon, banyek ok sunuwoka nak anaso unulamla senewaneseng. Bok, alda dibnya nek loboka nauba so unulamla seneweinijek aboka, nara yok yuba hnon sabnunaʾ unadyok, siklewoka ulumna.

2 KORINTUS 4:15

Wera ban nidyaʾ unulusilaʾ ara, ugunuk perob dosululaʾ aboka ulusil. Anasa nimi nauba ara, Imik Neyung adya wanaʾ uboka eleksinaʾ eiyiwoka, wera sikja Imik Neyung ak perob aboka giblemnemaakanya, wera anadya Imik Neyung si ara imik beillilemnemak.

KOLOSE 2:18

Dara, ugunja oblamaknaʾ ara, or-or uboka sene ganya sokok nenebdangoka, lero nang ek giboka, goloknaʾ dib eillilimakaʾ anyek sunuwoka, sikja sokok unuro yaban ganya enyek, beknaʾ orok bok nauba nonggo abdangoka ulumak nang edya, ugunja oblamaknaʾ ara orok neneweisijik, mem.

1 TESALONIKA 1:5

Nunda ugunuk perob lero yanggan yuba lelemoubaʾ ara, sibamaʾ adya ok lenggulumouba. Alda migib adya, Geisinya adya, ban yub enera hyak dib nong senewoka leb elegesuba. Ugunuk pewosululaʾ aboka, nunda ugun gangganek ara, hekaʾ huboka ulumoubaʾ ara, ugunda pe ella ululum.

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.